Lamentations 2:16 - Ohiatonhseratokénti

¹⁶ Kwáh rathikwékon ne iesáswens thiʼiesaiéron óni tsi iesatkáthos kwáh iesáswens. Wahonterítieste tánon thiʼiesaiéron, “Ionkwariwénthon! Ne kí꞉ken nónwa wenniseráte ne ionkwaráhrekwe!”

Lamentations 2:16 ပူးပေါင်းရင်းမြစ်များ

Psalms 109:2

Asèken ne ronhnonkwetaʼhétkens tánon ne rotinó꞉wenhs tahionkatsatónhti, ronhnowenhtánions tsi nòkwah ní꞉i.

Psalms 112:10

Ne ronhnonkwetaʼhétkens rontkáthos tánon rotinakwénhen; thenhonhnokaránie tánon eʼren enshón꞉nhete; tsi nahothénshons ronskáneks ne ronhnonkwetaʼhétʼkens iáh tehonaterihwaʼthentsénhnis.

Psalms 124:3

eʼthó꞉ne kíʼ kwáh iahionkhiʼiatsatanekwánonhke tsahitiónhneke, nó꞉nen ne raotinhakwáhtsera sonhtakatsiróten nahionkhihiatʼkónten;

Psalms 22:13

tehonhnonhnionkwísare tsi tehiontkhánere, tsi ní꞉ioht ne rarhiotísaks tánon ne rotonráien kénreks.

Psalms 35:16

Tsi ní꞉ioht ne ronnónhkwe ne thíhonwaʼiéron ne iáh thé꞉res. Tsi nihiónkʼsons tsi ní꞉ioht tsi tehiontkánere.

Psalms 35:21

Ionkerihwáʼros, tehotihenrénhtha, “Ionkwatkáton tsi nisahtsiéren!”

Psalms 35:25

Tó꞉sa sehríhon ne tahontatrorhiá꞉nion, “Kwáh éhʼtho, ó꞉nen waʼtsitewatsthási. Né꞉ne kwáh éhʼthoh natehionkwatonhontsoníhaʼkwe!”

Psalms 37:12

Ne ronhnonkwetahétkens tesakonaskotánis ne tionkwetaiéri, tánon kwáh tenhonnokaraniéhon tsi nisakotíshons

Psalms 41:8

Rón꞉ton, tsi niwaʼkenonwákʼtani né enwaʼkerió꞉te, iáh nonwénhton tahonsakatʼkétsko.

Psalms 56:2

né iónkswenhs tehionkaskwasehrónhkwas kontatséshons, asèken roʼnatsiokowánen hionkwaterí꞉io. Ó Shaststenhserowánen Ní꞉io,

Psalms 57:3

Kwáh karonhiáke nón꞉we thentarihwaseráko tánon enhakenónsthate; kwáh kíʼ ensakosénhni ne iónkshons. Selah Rawenni꞉io kwáh enrenéste ne iorihwaʼtó꞉ken raonoronkwáhtshera ó꞉ni ne raorihwatokentítshera.

Isaiah 49:19

Oriwiʼiohónwe ne satsesátons tánon ne iáh othènon teskarihwásthas ne tsi tsíteron tánon ne shonhóntsa ne iahontsaiesáhon— oriwí꞉io ó꞉nenh kí shó꞉tsi thentisewá꞉rake ne tsi sewaná꞉kere, tánon tsi nihá꞉ti né iesahetkenténhni ahiʼnonkó꞉wa ienhonhnésheʼke.

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 29:18

Kwáh ne ienkhekónhthakwe naʼteriʼiósera, athonkharhiákon, ó꞉ni kannrahtharinhétshera, tánon kanenhrahkwékon ne tsi ionwenhtsiáte enhiakoteroniénten tsi nahó꞉ten enhiontkátho. Kwáh tsi nonhwéson iaʼtenkhehiaréniaʼthe, nonhkweshón꞉a entionthonnhékon ó꞉ni enhiakotheroniénten ne tsi nahothihiáthawenh. Nonhkweshón꞉a tenhonwahtiʼiéron ó꞉ni rahothisénna enhónsthake tsi nenhatiʼriwahiesáhsehke.

Jeremiah 50:17

Ne Roiá꞉ner ráton, “Nisraeró꞉nonhs kwáh ne ne teiotinahkaronhtónʼa né kénreks tehiakorieniáton. Thontiérente ne ne Assyria ronnonhtí꞉io wahshakowáhrahke. Ethóhʼne Ronhnonhtí꞉io Nebuchadnezzar ne ne Babylon nónhwe washaʼkostsiókaʼne.

Jeremiah 50:7

Kwáh tsi nihiákonh ne enhonwahtiʼhiatatʼtsénhri tsi iahonwahnahtsatónti. Ne tehontátʼtions wahonníronh, ‘Kwáh iakwahtaʼtewenhní꞉io ne iahiakihiatsiatónti, asèken rotiriwáhneren tsi nòkwah ne Roiá꞉ner, káti tsi nahakwáhiere iáh kíʼ thaʼtehionkwahteriéntawehre. Ne sakothisotʼthonkonhkénʼen tonwethá꞉kwenʼne ne Roiá꞉ner, tánon ronónha ó꞉ni tehiothonhontsiohónʼne nahonahteriwatoʼkénston ne rahonháke.’

Jeremiah 51:34

“Ronhnonhtí꞉io Nebuchadnezzar ne꞉ne Babylon nónhwe wahshonkwahwáhrahke tánon wahteshonkwahnénhstsiaʼke tánon iahashá꞉haʼte nonkwahshastsʼténshera. Iashonkwahtsiathaʼnhékwahne tsi ní꞉ioht ne kwáh tehiotsinonhwahnónhiani tánon wahathenekwénhthike nónhkwah kwáh sehʼtsérah. Teshonkwahhiathiʼnekénhʼen ne kwáh í꞉i onhkwahnahkerahseráhkon.

Lamentations 1:21

“Satahónsatat tsi niwakonsèhna; iáh ónka naionkenikonranírate. Ne iónkswens tsi nihonatʼtsenʼnónni tsi nasekʼkarónni. Tásaf nenʼnísera tsi nisarahrátston; sehiónnien ne iónkswens nahatironhiáken tsi ní꞉i ní꞉ioht.

Lamentations 3:46

“Ionkhinikonrakʼshátha ó꞉ni thihionkʼkhiʼiéron neh hionkhíswens.

Ezekiel 23:32

Ne Ronhnontí꞉io Roiá꞉ner ráton, “Kwáh né ensnekíratʼthe ne tsathatekénʼa akóʼtshe; katʼshowáhnenh tánon tehioʼnhótes. Ratikwékon kahierónhsehra enhiesónhni tánon enhieshastérisʼte; ne káksa kanáhnonh.

Ezekiel 25:15

Ne Ronhnontí꞉io Roiá꞉ner wahénron, “Ne Philistiaró꞉nons wahonteniakátsʼthate tsi sahsakothikárhiakse tsi nihonnónhnhes satehontátʼtionskwe tánon wahonwanáhthonte tsi tehontátʼtsions.

Ezekiel 25:3

Sehró꞉ri nahontahónshathaʼte tsi nahó꞉ten í꞉ih, nre Wakenonhtí꞉io Watiá꞉ner, kathónhnions: Wesehwerientí꞉io tsi wesehwatʼkátho nakenonhsatokentikówa onhétkenʼne, nahisehwatkátho tsi ionhwénhtsaien ne Israerʼró꞉nonhke nakariwénhthonke, asèhken nonhkweshón꞉ʼa ne Judah ahonwahtinahkeráhkwahthe.

Ezekiel 25:6

“Kén kíʼ nahó꞉ten ne Ronhnontí꞉io Roiá꞉ner rathónhnions: Wathisehwahsárohke tánon iaʼtisehwahnitiónhkwahkwe tsi nesewatʼtsenhnónhni. Skenrónhni tsi ionwénhtsaien ne Israerʼró꞉nonhke.

Ezekiel 36:3

“Iasehriwáhken, káti, tánon sehrihówahnat nahó꞉ten ni Í꞉i, ne Wakenonhtí꞉io Watiá꞉ner, katónhnions. Nónenh ne tehontonhontsanekʼkhánions kanahkeráhseras wahathiʼiéna ó꞉ni wahathinenhskwenháton tsi ionhnontarónnions ne Israel, onhkwetaʼkwékon thá꞉konhwaieronh ne Israel.

Ezekiel 5:15

“Nónenh wakenahkwénʼen tánon watatenahkwawenhráti tsi nòkwah níse tánon enkonhréwahte, ratikwékon nonhkweshón꞉ʼa ne teieshatiatháton kwáh enhonahteronhiénten. Kwáh atehenseráhkon tsi ensatʼkáto tánon tenieshaiéronh.

Hosea 8:8

Ne Israel iekonwatsatanekwáhnon; ón꞉nen ská꞉ne ratinákere ne tihononhontsá꞉tes kwáh iáh othé꞉nen tehatiriwástha tsi ní꞉ioht ne ohtsetós꞉kon.

Micah 4:11

Ó꞉nenh kwáh ohontsakwé꞉kon ronatsataróhron niaiesatsatón꞉ti, rontónhnions, “Ánion tewahsenhnát꞉sat, tánon ánion tethewatkaróhten ne Zion.”

Acts 7:54

Ne ronaterihóntons ne Ratitsiénhaiens ronwatahónsate ne Stephen, wahonatenakwenserónnien tánon onekwéntara nahathikonsóhtenʼne tsi nahonwanákwaʼse.