Lamentations 2:11 - Ohiatonhseratokénti

¹¹ Wakʼkharanónwas tsi naʼtekasénthos; nahkwathónnhes kwáh ne íken tsi iokarárens. Kwáh tewakenákwaras tsi niwakenikonrákʼsens ne tsi natehionenraríhon nakihtiókwa. Rahtiksahokónhas tánon nowiráhas kanatakónsons rothinikonrátons.

Lamentations 2:11 ပူးပေါင်းရင်းမြစ်များ

Job Tánon ne Raoronhiakensera 16:13

ne rahonkweʼtashón꞉as ne tehionkakwataséhton. Watróren naʼtseshé꞉ri tánon kwáh iáh othé꞉non tehawenéston ne kenthénrat; tánon tahahiá꞉kenʼwe akwé꞉kon ne tiatákon tánon onhwenhtsá꞉ke iakanahó꞉ten.

Job Tánon ne Raoronhiakensera 30:27

Natkarosthákon kwáh tetionekónties, tánon iáh nonhwén꞉ton thatekátas; nawenhní꞉seras ne karonhiaʼkénhsera tá꞉we ne tahiatiatátken.

Psalms 119:82

Tewakʼkarakenhéion tsi nikenikónhrahre ne thóh naiáwenhne tsi nahó꞉ten sahraráts꞉ton, tóh nikaríwes, “Kerihwanóntonskwe, kát꞉ke entéskene?”

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Psalms 31:9

Tasarihwaʼiérik nakonháke, Ó Saiá꞉ner, asèken tewaʼkanikónrahre; waʼkatkáro tsi niwé꞉so wakkhaséntʼtho, kwáh kíʼ waʼtiathenhtáhon.

Psalms 38:8

Thóh nió꞉re tsi waʼkenonwákʼtani kwáh iáh othènen teskatthókas; waʼkonhséhna né tsi niwaʼkeronhiáken.

Psalms 6:7

Wakatkároh ne tsi niwakeronhiáken; wakkharatsénhʼen né꞉ne hiónkswens raotiríhwa.

Psalms 69:3

Kwáh tewatwisenhéion tsi natekaséntʼthos; tánon watniasanónwaks. Waʼkatkaróhnion rihrá꞉re Nakení꞉io nahatiénawaʼse.

Isaiah 22:4

Èthoh káti wakíron: takatharónhtsens, takeríhon nahontkaserowáhnah; tó꞉sa sateniénten naskenikonrahníraʼte ne rahonatkaronhniátshera ne khenoronhkwahkó꞉wa akonkwetaʼshónha.

Isaiah 38:14

Kwáh tsi ní꞉ioht ne kentarakónha khés ne ohhakwáronh ehniwakaterihwatieníston, Wakonsèhna tsi ní꞉ioht nórite. Tewatʼkarakenhéion tsi éhʼneken iatetká꞉nere. Ó Saiá꞉ner, tewakenikonrawiʼsenhéion; í꞉se takenikonrárat!

Isaiah 51:20

Né seiohokónhas wahotiʼnikonráton, thóh ratiʼiatakérons tsi tekaiósaiens ne tsi naʼtekanatokénhserons kwáh tsi ní꞉ioht noskenón꞉ton roʼiatotaréhon ahá꞉rake; kwáh né ratiʼiataná꞉non ne raonakwáhtshera ne Roiá꞉ner, né꞉ne raoʼtewenhnaientónhtshera ne sahʼNí꞉io.

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 4:19

Ne karonhiakénsehra! Iáh tatkwéni nakathakátsthate ne karonhiakénsehra! Nakwéri! Nakwéri kwáh iosthóre tsi ní꞉ioht tsi tehiahonrhiákwa! Iáh tatkwéni ne thatakahtó꞉thaʼte; Wakátʼthonte ne iehonrahwátstha tánon tsi nihioronkwénhsthare ne wahtherí꞉io.

Jeremiah 44:7

“Tánon káti Í꞉i, ne Watiá꞉ner Keshastsʼtenseroʼwáhnenh, ne kheʼNí꞉io ne Israerʼró꞉nons, ó꞉nenh enhkeriwahnónhton nonhtiérenh níse tsi nikariwahétʼken tsi nishaʼthatiérahse. Teshaʼthonwenhtsó꞉ni kén nahonthakáhaʼke ne atkaronhniátshera tsi nòkwa ne ronhnónhkwe, ó꞉ni ne konhnónhkwe, ratiksaʼhokónha ó꞉ni nowiráʼas, ne káti ne kwáh iáh ónhka ne shonkwethaʼshón꞉a tsatahonsahiakothaténronhke?

Jeremiah 8:19

Sahtahonshá꞉tat! Ohontsiakwékon Wakatʼthónte nakonhkwetahshón꞉ʼa tiatenhonséntʼtho, “Ne Roiá꞉ner iáh kén ónenh Zion tèsres? Ne Zion ahonnonhtí꞉io iáh kén ónenh thóh tèsres?” Ne Roiá꞉ner, ronwanonhtí꞉io, wathariwahsehráko, “Onh nonhtiéren tsi waskenakónhni ne tsi wasehsénnaien ne sahiatonnishón꞉a tánon ne tsi watesehʼhiatentʼtsóthaʼse ne iáh othènenh tehatiriwásthas niʼiohʼokónhas?”

Lamentations 1:11

Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

Lamentations 1:16

“Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

Lamentations 1:20

“Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

Lamentations 5:17

Kwáh hionkweriasanónwaks tánon skanórons ne iáh tahiakwakénhake tsi naʼteionkwakaseróhare,

Luke 23:29

Aseken ienȣatenniseriheȣe nonhiontonheke: Iakotaskasts ne iah teionteȣetons, oni ne iah teiotiȣiraientaon nok oni ne iah teionaststaronte.

1 Samuel 30:4

Ehʼthóhʼne ne Táwit tánon nonkweʼshón꞉ʼahs ne ratikweʼkonhátie wahthotihénrete tánon wathonséntho, tsi niió꞉re iahontesatʼtenserók꞉ten tsi tehonséntʼthos.