Lamentations 1:9 - Ohiatonhseratokénti

⁹ Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Lamentations 1:9 ပူးပေါင်းရင်းမြစ်များ

2 Samuel 16:12

Nontiérenk sèh ne Roiá꞉ner enhatkátho nakeriwahetkénsera, kwáh neh tensakeriwaserá꞉kwase ne ioiá꞉nere tsi niʼionkeriwaieshaténhni nón꞉wa wenhniserá꞉te.”

2 Kings 14:26

Né Roiá꞉ner wahatkáto tsi nateiotenonhianíton tsi nihotironhiáken Nisraeʼró꞉nons; kwáh kíʼ iáh ónhka tewatetʼtsénhrieskwe nahonwatiʼiénawaʼse.

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Psalms 119:153

Satkátho nakeronhiakénhsera, tánon tatsiatanónstat, tsioríhwa tsi iáh tewatkenrahtaníhon ne saianerénhsera.

Psalms 140:8

Tó꞉sa tashé꞉hion, Ó Saiá꞉ner, ne raonaskanéktsheras ne ronhnonkwetahét꞉kens; tó꞉sa iahá꞉tsies ne karihwahét꞉ken tsi nihontenikonhrónhnis. Selah

Psalms 25:18

Sathenhnikonhrá꞉ren nakenikonratsénhtshera tánon nakenikonhraronhiakénsera, tánon saskenikónhrens akwé꞉kon nakeriwaʼnerahák꞉tsheras.

Psalms 69:21

Nónen sakatonkárhiake kanonkwatserák꞉sen waʼhonkènonhte, tánon tsi onhkeʼniatátʼthen iotsitsiát꞉ken waʼhonknékanonhte.

Exodus 3:17

Iaʼtewakeriwahiéntahse tsi tentekhehiaʼtínekenʼwe ne Egypt nónhwe, tsi nónhwe nihonwanateniakatsʼténhni, tánon thóh nónhwe nienkhehiaʼténhaʼwe tsi nónhwe ne tsohontsàrehsen ó꞉ni ionhontsí꞉io—tsi thononhontsáien ne Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites.

Exodus 3:7

Ethòne ne Rawenni꞉io wahénron, “Wakatʼká꞉thon tsi nihonwanaʼteniaʼkatsʼténhni nakonhkweʼtaʼshónʼa tsi nihonwatiʼhierahse ne Egypt nónhwe; Wakaʼthontéhʼon tsi natehonahséntʼthòhʼon nahonsahonwatiʼniákenthe tsi nòkwah ne ronhwatironhiaʼkéntha. Kwáh oriwahkwékon wakateriéntare tsi nihotironhiáken,

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Isaiah 3:8

Asèken ne Jerusalem watʼkarakwénhtarane tánon ne Judah wakaiatsénenhne, tsioríhwa tsi nihontátis tánon tsi nihatiweienótens kwáh kí ronwákʼkonte ne Roiá꞉ner, ronateraiatáhkwen ne raoiatanerakwáhtshera tsi thóh í꞉wes.

Isaiah 37:17

Satahonsí꞉iost, Ó Saiá꞉ner, tánon satahónsatat; tesateronwéksi, Ó Saiá꞉ner, tánon satkátho; satahónsatat akwé꞉kon ne raowenhnashón꞉has ne Sennacherib, tsi nithoteniéton ne thaʼoiéron ne ronnheónwe Ní꞉io.

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Isaiah 37:29

Né aoríhwa tsi niskeʼnákwahse tánon tsi nisatatkowanáhton ón꞉we ne tsi tekahontaká꞉ronhte, kwáh nakariotaróktsera enkonʼiarhiotároke ne sehnionsáke tánon nakáwenk wateristanonhtáhastha enkonristanón꞉ta ne tsitʼtsakáronhte; Kwáh enskonhiákthaʼte ne tsi iohatá꞉tie tsi nón꞉we nontá꞉se.

Isaiah 37:4

Tó꞉ka nón꞉wa ne Roiá꞉ner saní꞉io wahothónteʼne ne raowenhnashónhas ne Rabshakeh, tsi né꞉ne ronnontí꞉io ne Assyria rohiatakweʼní꞉io í꞉ken ieothó꞉rion ne thaʼoiéron ne ronnhehónwe Ní꞉io, tánon kwáh aharihwáiaʼke nowenhnashónhas nètho Roiá꞉ner Saní꞉io rotontéhon; èhʼtho ká꞉ti kwáh sewaharátat ne sewaterénhnaient ne akorihwáke tsi niʼiákon iateiakothaténhron.”

Isaiah 40:2

Kariwaié꞉rik tsi sewathá꞉ras ne Jerusalem, tánon iasewanáton tsi iahotókʼten tsi ioterihiókwe, nétho tsi nikonwarewáthon tsi kakarhiákon, nètho tsi ioienáhon ne Roiá꞉ner ratsanàke tehiónaʼne akwékon naoʼrihwanerahák꞉tsheras.

Isaiah 47:7

Í꞉senh, “Kwáh kí entewakeniaró꞉taron tsi nènhwe enkénhake,” né ká꞉ti tsi iáh tesarihwakéron kí nahorihoténsons ne seriá꞉ne khés nahisisehiaráhon ne tsi ieionateríhokʼte.

Isaiah 51:19

Né kí꞉ken teiorihwá꞉ke tsi nenhsahiatórenhne —ónka né skát꞉ne ahiʼseninhikonráksen?— kaieshá꞉tshera tánon atkaronhniátshera, atonhkariákon tánon nasareʼkó꞉wa— ónka nahonsaʼiesanikonraʼnírate?

Isaiah 54:11

Ó tsi nisaronhiáken, sahiatakarateniáton ne tsi teioweraʼtáse, tánon iáh teiesénhthenre, ó꞉nenh thó꞉wa ehʼhákʼkeron ne saʼnenhiaʼsónhas iotheserahóntsiʼne, tánon ne ahkonhnonhkonhniáten ne orónhia niwashokóten ne kanenhianó꞉ron.

Jeremiah 13:27

Iáken ètho nishaieráhnion tsi nahoténsons ne rahriwáhshons. Iáken tsi sehnonhteratiésons ne iatehothihiánere niʼiohokónhas ne tsi ionniarónnions ó꞉ni ne tsi kahenthakérons, tsi ní꞉ioht ne rónkwe shakoskáneks ne thehianonhsahnéken ró꞉ne tó꞉ka ó꞉ni tsi ní꞉ioht ne ranaskónhni ráhsehres ne onètien. Tiónkwe ne Jerusalem, sehwarihwaieshá꞉on! Tóh nióre né kwáh tahonthetionkwetaʼhiérihke?

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Jeremiah 2:34

Ne satʼtserónniat ne ioráhkwah ne rothíten rahothinekwénsas tánon ne iáh othèʼnenh tehothiníkonh, ók iáh ne rahothinekwénsas ne rahthinénhskwas. Ók iawehrohátien tsi akwékon ne kíʼ íken,

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 50:29

Iahetsihiaterihwahniéten ne ronhennénhaʼwe Babylonia nahonthaʼhónʼne. Tehathinahthá꞉nak ne꞉ne tó꞉sa ónhka ahieniákenʼne. Thoʼnahsewahiéras tsi né nihiakoiérahse nakorénhsons, asèken iáh tehowenhnahráhkwen ne Roiá꞉ner, ne Rohtokénti ne Israeronónhke.

Lamentations 1:17

“Hiatewakátiate, nók iáh ónka thahiontsniénon. Ne Roiá꞉ner iasakónonke ne iónkswens kwáh tsík nonwéson nontahón꞉ne; Thóh non tahióntʼtate tsi ní꞉ioht ne kwáh tehiótion.

Lamentations 1:21

“Satahónsatat tsi niwakonsèhna; iáh ónka naionkenikonranírate. Ne iónkswens tsi nihonatʼtsenʼnónni tsi nasekʼkarónni. Tásaf nenʼnísera tsi nisarahrátston; sehiónnien ne iónkswens nahatironhiáken tsi ní꞉i ní꞉ioht.

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

Lamentations 5:1

Seiárak, O Saiá꞉ner, tsi niʼionkwaiatawénhen. Takwatʼkátho, tánon satkátho nonkwatehénsera.

Hosea 2:14

Ne káti aorì꞉wa, kwáh thenkerenhkénni, tánon iahonwenhtsathénhake nientsiathénhawe, tánon entkateweiénton tsi entʼtharase.

Zephaniah 2:10

Thóh kí꞉ken nenhotihiatáwen tiorì꞉wa tsi nateonathaterénhsaron tánon sakonahtatkowanathén꞉ni tsi nokwáh ne rahonkweʼtashón꞉as ne Sakoiá꞉ner ne ratironhiaʼkerononó꞉kons.

John 11:19

Kentiokoȣanen sitaeronon etho iehotine tsi tiotinonsote ne Marta tanon nʼOnȣari, konȣatinikonranirathe tsi teiohnatennonterakȣen.

Deuteronomy 26:7

Ethò꞉ne ki iatsionhkwahénreʼte rahonhà꞉ke ne Roiá꞉ner, ne Sakoní꞉io ne iakhisoʼthonkonhkén꞉en. Washonkwathónhtene tánon wahatkátho nonkwaronhiakénhsera, ioronhiákenk, ó꞉ni tehioʼnikónhriat.

Deuteronomy 32:27

Ók iáh tewakéron né꞉ne tehontaʼtsons tahonthaterensarónhkwe ne tsi ronhwatishén꞉nion nakonhkweʼtashón꞉as, ne tsi Í꞉i iatetsiáti tekheskwasehrónhkwen.’

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.

1 Tiér 4:17

Ónen iakáhewe ne kaiatoretátsera nahonthontasáwake, tánon nehne Rawenni꞉io rahonkwetaʼsónha entatihénte ne tahonwatihiatórete. Tóhkaʼ I꞉i entitewatiérente onhní꞉ioht tsi ienwatókten tsi niʼiákon ne iáh tetiakawetákwen ne kariwí꞉ios tsi Rawenni꞉ióke nonwe tiohawiton?

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”