Lamentations 1:8 - Ohiatonhseratokénti

⁸ Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

Lamentations 1:8 ပူးပေါင်းရင်းမြစ်များ

Genesis 3:7

Eʼthó꞉ne kwáh tenitsà꞉ron wathiatkakwarísi, tánon wahiáttoke tsi raotinéhonʼk khók thí꞉ken; iáh oʼthé꞉nen tehonatsherón꞉ni sók ne waniníkhonnion ne tionhnionwarontonhakówa onerahteʼshón꞉as watnikhánion tánon ne wahiateniiontahtserónniaʼte tánon ne wá꞉iaste.

1 Kings 9:6

Ók tó꞉ka ní꞉se tánon tsi niensatwatsírihne ensewákatʼwe tsi takwahnonhteráties, ensewatewenhnónhti ne kaianerénhseras ó꞉ni ne kariwatátʼtseras né tkonhiáwi, né ensehsénhnaien ne tikanihiosehrátes,

1 Kings 9:7

ethòne kíʼ é꞉ren ensekhehiathenháwiʼte nonhkweshón꞉as Israerʼró꞉nons ne tsi ionhontsáien né tekhehiáwi. Kwáh ó꞉ni enkatewénhtheʼte kí꞉ken Ononsatokentiʼkówa né wakenonsatokentíston né꞉ne tsi nónhwe nahiontsenhnaienthákwahke. Kwáh tsikʼnónhwe nonhkweshón꞉as tsi thenhonwatiʼierónhseke Nisraerʼró꞉nonke tánon tsi nenhkonhwaiéraʼse iáh taʼhonsakonhwakweniénsthaʼke.

1 Kings 9:9

Nonhkweshón꞉as tsi thenhatirihwasehráko, ‘Né iorihonhníhon tsi ronhwatewenhtéton ne Roiá꞉ner Raotiní꞉io, tsi nikáien ne tethesakohiatinekénʼen ne raotisót꞉tseras ne Egypt. Né iathonhsahonterihwáieste ne thiʼkaniʼioserátes tánon wakonhwatisénhnaien. Né kíʼ aoríhwa ne Roiá꞉ner taháhawe ki ken karihwaiesátseras ne ronhnonháke.’”

Isaiah 47:3

Tsi sanehóskonk thí꞉ken kwáh kí thenwenehaʼke, tánon ne satehénsera kwáh kí enhiontkathó꞉seron. Kwáh kí entewakenákwen, tánon iáh ónhka thiaʼtahonshónhkenre.

Jeremiah 13:22

Tó꞉ka ensehriwahnonhton onhnontiéren kí꞉ken tsi kwáh akwékon eh ne shahiátahwen— nonhtiéren ne sattserónniat tsi onhterahtiónko tánon waheshasehronniáhshion tánon thontaheshanónhtonse— né tsioríhwa ne shariwahneraháktshera tsi natehiotenonhnianíton.

Jeremiah 13:26

Kwáh rahónha ne Roiá꞉ner enhiasehronniási tánon enhianotstónni nahiatéhaʼthe.

Jeremiah 15:4

Enkhehiónnien nonhkweshón꞉a ohontsakwékon nahonwahtiterónkwen tioríhwa tsi nihohiéren ne Hezekiah roiénha ne Jerusalem nónhwe ne shihononhtí꞉io ne Judah.”

Jeremiah 24:9

Thóh nióre tsi enkheiénhaʼse ne kariwaiesáhtshera kwáh onhkwetaʼkwékon ne tsi ionwenhtsiáte kwáh enhiakoterónsehke. Nonhkweshón꞉a tenhonwahthiʼierónhaʼke, ohnonhwahroʼríhta enhonwenhnónhniaʼte, enhonwahtisterísthake, tánon ne raoʼthisénnas ne enhiontewenhnaksahthakwaʼniónsehke ne kwáh tsík nonhwésons iaʼtenkhehiaréniaʼte.

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 34:17

Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

Jeremiah 4:31

Onhkatʼthónteʼne tehionsénhtos, tsi ní꞉ioht ne iónkwe ioronhiáken tsi iowirahienthásehre, tehiakohenréhtha tsi ní꞉ioht neiónkwe thontiérenhte wahowirahiéntahne. Né꞉ne Jerusalem tewahsénhthosʼkwe tsi niwathonrhióthaʼkwe, hiatehiótiathe tánon wahthónnionskwe, “Wakatrehwáhthon! Tahónne nahionkenonhwahrhiákon!”

Jeremiah 6:28

Kwáh rathikwekon rothinonhtsistahnirons ionkwetatʼsenhs, thóh nihionirons tsi ní꞉ioht ne otsínekwar nikaristhotens ó꞉ni ne karisthatsis. Rathikwekon kahetkenton, tehonahkwahtahsehatie tánon aktsioken tehonahreniá꞉thonhatie.

Lamentations 1:11

Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

Lamentations 1:17

“Hiatewakátiate, nók iáh ónka thahiontsniénon. Ne Roiá꞉ner iasakónonke ne iónkswens kwáh tsík nonwéson nontahón꞉ne; Thóh non tahióntʼtate tsi ní꞉ioht ne kwáh tehiótion.

Lamentations 2:10

Ne rotistenhokónhas ne Jerusalem owéntsiake rathítskote kwáh thatehonátote, Rohnakénrare ne rathinontsí:nes tánon káiare ronatʼtseronniáton. Ne nitiotihiónsas owentsiake né nón iatehionatʼtiátʼton.

Lamentations 4:21

Sewahiéson, tiónkwe ne Edom ó꞉ni Uz; sewahtsennonníhat tsi nikaríwes sewakwénion. Sewaienásere non ní꞉se ne kahkaronniátsera; í꞉se ó꞉ni tensewahiaténthonkwe tsi nisewathéhens tsi sewanotstóskon.

Ezekiel 23:29

Tánon tsioríwa tsi ieshá꞉shons, akwékon ienhatíhawe tsi nahoténsonhs sahioténhʼen tánon enhiesahnokʼsthónhni, enhiesahiatotáshi tsi ní꞉ioht ne iohiathathónhon. Saskanékʼtshera tánon tsi sariwahiathathónhon

Ezekiel 23:46

Kén káti nahó꞉ten ne Ronhnontí꞉io Roiá꞉ner ráton, “Taietʼtsihiaténhaf kentsiokwáksen nakonwathiterónhkwen.

Ezekiel 39:23

Tánon ne ronhnonhontsakeró꞉nonhs kwáh enhonateriéntarahne nètho Israerʼró꞉nons ronhwananekerahkwáhton tioríhwa tsi nihotiriwáhneren né tsi nihonahtséren tsi nòkwah Í꞉i. Wakhehiatswathénien tánon wahkheríhon ne tehontátʼtsions nahonwahtisénhni ó꞉ni nahonwahtinonhwahrhiákon ne tsi wahterí꞉io.

Hosea 2:10

Ó꞉nenh kí enkeroróksi nahotehénsera raotihénton naoskareshón꞉as, tánon iáh ónhka tathahonsahionkshotarísi nahonhà꞉ke.

Hosea 2:3

tó꞉ka iáh thataká꞉taʼne kwáh kí enkenotstón꞉ni tánon ahonotstóskon enkénhake tsi niiotónhne sonhnakeráte, tánon ne enkonhniáte tsi ní꞉ioht ne iáh ónhka taienakéreke, tánon ne enkonhniáte tsi ní꞉ioht ne iahonwenhtsathénhake, tánon ne enkenonwarià꞉konhkwe naioniatatʼten.

Revelation 3:18

Ne kíʼ kí꞉ken aorí꞉wa wakoniatenikónron nasetní꞉non nowistanó꞉ron né꞉ne kwáh owistanorontseróskon í꞉ken né꞉ne notsí꞉rake iotohétston ne káti ní꞉se naón꞉ton aisakwasé꞉ne; tánon kará꞉ken waʼkó꞉ses aiesaseronhniá꞉te tánon tó꞉sa awenéston tsi sanhéhonk thí꞉ken ne tó꞉sa ónhka aiesá꞉ken; tánon né꞉ne ratináskwa aiesakaróhkaf ne kíʼ nahón꞉ton nasatkatóhseke.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.