Lamentations 1:7 - Ohiatonhseratokénti

⁷ Kwáh nék khók ne ietsahonthónnia, Jerusalem sewatatehiarakwénnis tsi niʼionatanerakwathón꞉ne tsi nitsawénon. Sakonwasénni ne konwásons, iáh ónka tehiotetʼtsénrion nakonwasniénonke; Né konwasénnion wahkonwastériste tsi nihiótion.

Lamentations 1:7 ပူးပေါင်းရင်းမြစ်များ

Job Tánon ne Raoronhiakensera 29:2

“Oh, ne naónton thóh nón꞉we nahonsakónhneke tsi nitsiotónhne, ne tsi nitewenhniseraténionhkwe ne Rawenni꞉io shihakeʼnikonhrará꞉tieskwe;

Psalms 42:4

Tewaʼkerhiaskáriaks nó꞉nen enskatatehiaráhkwen, tsi nitsiotohesthánion, nes nó꞉nen eniakwahteró꞉sen nonkweshónhas tsi niahionkwanénhrihne, tánon enkhehéntenhse tsi nienhiákwe ne raononsatokentíke ne Rawenni꞉io ne Jerusalemke, atonhnaráhtshera hiotsarokwenhátsie, tehiakorihwahkwenhátsie, tánon tehiakohenré꞉tane tehonwanonwerónhnionhs Rawenni꞉io.

Psalms 77:3

Riʼianontónhnions ne Rawenni꞉io, tánon wakonséhnen; waʼkanontónhnionwe, tánon waʼkanikonrók꞉ten. Selah

Psalms 79:4

Thiʼhiontkhiʼiéron ne teiakwanonsanekʼkhánion, ionkhisterístha tánon thiʼhiontkhiʼiéron.

Isaiah 64:10

Né sanatatokéntis né iehiotón꞉hon nahonwenhtsaʼthénhake, Zion né iehiotónhon nahonwenhtsiaʼthénhake, Jerusalem onatóskon.

Isaiah 64:11

Nonkwáhwenk iotokénti tánon tsi nikanonsí꞉io, tsi nón꞉we né iakisotʼthonkonhkénhen niʼieshasenhnáienskwe, iononsatèken, tánon akwé꞉kon nonkwáhwenk né watenatí꞉ios iorihwaieshá꞉hon.

Jeremiah 37:7

nahiʼiénhaʼse ne Zedekiah, “Ne Egyptró꞉non ronterí꞉ios tahónne nahieshasniénah, ók kíʼ enshontén꞉tiʼkiʼ.

Jeremiah 48:27

Moab, sehʼhiáranh tsi ní꞉ioht tsi thisehhierónhʼon ne Israerʼró꞉nons? Ehniseʼierahséhaʼkwe tsi shí꞉ken ní꞉ioht ne rahtinénhskwas ahonwahtiʼiénenhke.

Lamentations 4:17

Ne kaienawashétsera iáh nonwénton tèhio, wahakhihiathisháke tsi nióre ne iáh tsietionkwakwénion. Kwáh tió꞉konte tsi hiakhirárekwe ne thóhnon nahotahonénon tsi nónwe tkanakeraserá꞉ien né kwáh iáh thènen tehotí꞉ien nahontahatíʼieste.

Ezekiel 25:3

Sehró꞉ri nahontahónshathaʼte tsi nahó꞉ten í꞉ih, nre Wakenonhtí꞉io Watiá꞉ner, kathónhnions: Wesehwerientí꞉io tsi wesehwatʼkátho nakenonhsatokentikówa onhétkenʼne, nahisehwatkátho tsi ionhwénhtsaien ne Israerʼró꞉nonhke nakariwénhthonke, asèhken nonhkweshón꞉ʼa ne Judah ahonwahtinahkeráhkwahthe.

Ezekiel 25:6

“Kén kíʼ nahó꞉ten ne Ronhnontí꞉io Roiá꞉ner rathónhnions: Wathisehwahsárohke tánon iaʼtisehwahnitiónhkwahkwe tsi nesewatʼtsenhnónhni. Skenrónhni tsi ionwénhtsaien ne Israerʼró꞉nonhke.

Hosea 2:7

Kwáh kí enhiakósere ne naoskareshón꞉as, ók iáh kí tsahiakononhtérane; tánon kwáh ki enhiakoiatishakʼkon, ók iáh ki tahiakoiatatʼtsénhri. Ethò꞉ne kí kwáh enkénron, “Kwáh kí é꞉tho iénske ne tsi thénhteron ne tiotierénhton wakeniá꞉konhne, asè꞉ken kwáh í꞉ken tsi ioiánerehkwe nakerihwasonháskwe né꞉tho sikahá꞉wikwe tsi nón꞉wa ní꞉ioht.”

Micah 4:11

Ó꞉nenh kwáh ohontsakwé꞉kon ronatsataróhron niaiesatsatón꞉ti, rontónhnions, “Ánion tewahsenhnát꞉sat, tánon ánion tethewatkaróhten ne Zion.”

Luke 15:17

Eh oni nonȣe onen tonsahosȣathene oni sareiarane ne raonhake, ȣahenron: toh are onte nonȣa nithonatekhonni ne rakoniha raonnhatsera, kenh nii nonȣe atonkariakon ȣakeriios.

Luke 16:25

Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok nise ioronhiakentastsanit saronhiakentha.