Lamentations 1:6 - Ohiatonhseratokénti

⁶ Ónen iáh thènen ne tèsken tsi niʼiohnatanerakwáthonʼne ne Jerusalem. Nahonkwetaʼsónhas nohénton iehonnéton ne tesshontiérens tsi ní꞉ioht noskenónthon tsi nihiotsiʼióha ne tsi niwathonkárias, Skanórons ahonteshastenserókten tsi nihonatekweʼháties tsi nòkwah ne rontórats.

Lamentations 1:6 ပူးပေါင်းရင်းမြစ်များ

2 Kings 19:21

ne Roiá꞉ner rá꞉wen, “Ne tsi kanatowanénke ne Jerusalem ieshasterístha, Sennacherib, tánon tiʼiesaiéron.

2 Kings 25:4

né tsi watenhenró꞉te né tekanathanákton tsathonʼnótkaʼwe. Iáh othènen tetsiorá꞉kwen ne Babyloniaró꞉nons tsi tehotinathánenʼne, ratikwé꞉kon ne ronterí꞉io tsi niwaʼshón꞉tes shonatékwen. Eh ronathohétston ne kanontiʼiótsera ahohéthakon, iathonʼnót꞉kaʼwe ne tiotenhenrakáronʼte né tekákʼken ne tewaʼthenhénrakes, tánon thó nòkwah niahontekwáhsen tsi nieʼiawénon ne Jordan Ahonráhkwahkon.

2 Kings 25:5

Ók kíʼ ne Babyloniaró꞉nons ronterí꞉ios wahonwásere ne Ronnontí꞉io Zedekiah, iahonwanónterahne tsi tkaʼhenthakwénhrare ne Jericho, tánon ratikwé꞉kon ne rahonkwetaʼshón꞉as ne ronterí꞉ios wahonwaʼtewénhtheʼte.

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

Psalms 96:9

Teʼtsisewaʼthentʼtsóthas raohénton ne Rotokentiʼónhwe nó꞉nen enhokéthoʼte; sewaʼiathí꞉sonk ne raohénton, né tionhontsaʼkwé꞉kon!

Isaiah 1:21

Tsi nahohiátahwen ne iorihwatokénhne Né kanatowanénhke tsiotahkwakareni iahónton! Ieioterátston ne nahón꞉ha kwáh kaiatananónhne ne kaiáneren, ne karihwakwariʼshióntshera ahonhàke nón꞉we nikénteron— ók ó꞉nen sakonashé꞉thas satíteron nahonháke!

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 4:5

Eʼthó꞉ne ne Roiá꞉ner kwáh enhatenatónhni ne tsi iokwénhraʼre ne tsi Ionónhte ne Zion tánon ne tsi nónhwe nihiontʼkenhnisaáhkwah nenhonterénhnaien tenhiotsátahienʼke ne tsi niwenhníseres tánon enhiotsiokwahronhníhake ó꞉ni tsi nateioswát꞉te notónkwah ne ótsire nokarasnéha. Kwáh kí akwékon ne kaiatanerakwáhtshera kwáh enwatoseróhronhke.

Jeremiah 13:18

Ne Roiá꞉ner wahakénhase, “Tsió꞉ri ne ronnonhtí꞉io ó꞉ni ne ronisténha ianitskwaráhko ne rahonanitskwahráhne, tioríhwa ne watʼkahthotsherí꞉io rahonahnónhwarohʼre tsi thonsènʼne ne nihnonhtsíʼne.

Jeremiah 29:4

“Ne Roiá꞉ner Roshastsʼtenserowáhnen, ne sakoʼNí꞉io ne Israerʼró꞉nons, iakoró꞉ris thíken onhkweshón꞉a tsi roriwáhwi ne Nebuchadnezzar Jerusalem nónhwe niʼtehshaʼkohiaténha tsi iashaʼkonhóton ne Babylonia nónhwe:

Jeremiah 47:3

Enhiakothóntehne tenhkonthitsiʼnarenthakárehre ne kosáhtens, tsi nihioráhkarehre ne tékeni tehiokakwénhtonte notsiónkwa, tsi nihiokakwénhthakarehre tsi nihotíteronhs ne kanísehras tsi nihioshástsʼte ratítatʼke akwékon iáh tshieshontʼkáthos nonàhken niaʼhonwahthikenhénhion ne sahkotiʼhiohokónhas;

Jeremiah 48:41

Nahonahtowáhnenhs ó꞉ni ne tekenhstenrotáhkwen ne tekanahtaʼnákʼtons enhathiʼiéna. Ne thóh enwenhniseráhteke ne Moab ahonkwetaʼshón꞉a ne ronterí꞉ios thóh nenhotiʼterónhsehke tsi ní꞉ioht ne iónkwe ioronhiáken tsi iowirahientáhsehre.

Jeremiah 52:11

Ethóhʼne wahthonwahkarahthakwahniónko ne Zedekiah, tánon ne ne teiotwístaron notsínekwar oronhkwáhsa wathonwahronhkwahshaʼnerénhkhon tsi iahonwahiaténhawe ne Babylonia nónhwe. Ne Zedekiah tshiaʼhathonnhókʼten tsi éhtho nónhwe iehanhóthonkwe.

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Ezekiel 24:21

Nisraeró꞉nonhs nahonthakwáhion kí꞉ken ateriwahnothátshera: Sehwahthatónhni tsi nikashástsʼte nononhsatokentiʼkówa. Tionwéskwahni nahisehwahkenhénhion tánon niahisehwahnahtaréhnen, ók kíʼ ne Roiá꞉ner henhahétkente. Tánon ne kén nithotihiónsa ne sehwahwatsiráhkon ne Jerusalem nónhwe niatehonathaténron kwáh tsi wahterí꞉io nónhwe nenhonwahtinonhwahrhiákon.

Ezekiel 24:25

Ne Roiá꞉ner ráton, “Ónenh káti, rónhkwe iaiénha, enkhékwah ne kashástsʼte ononhsatokentiʼkówa né rahothinahiéhtshera ó꞉ni ronhtsenhnionniathákwa, né ronhnonhweskwahníthakwe nahathikenhén꞉ion ó꞉ni niahatinahtarénenh. Tánon kwáh ienkhehiaténhawe ne rahotinekenteronhtsherasónhas ó꞉ni ne rahothihiatasehtsherasónha.

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.

Deuteronomy 32:30

Saiáta ne tehontà꞉tsons raterí꞉ios washakoshén꞉ni ne énska tewenhniaweheʼtseráhsen niháti Israerʼró꞉nons, tánon oié꞉ri natewenhniaweheʼtseráhsen niháti Israerʼró꞉nons tehnihiásek kók ne tehontà꞉tsons wahonwathishén꞉ni? Ne ki aorì꞉wa ne Roiá꞉ner, Raotiní꞉io tsi shakotiathónthakwe; ne roshatstenhserowá꞉nen Raotiní꞉io tsi shakotiakwarí꞉shion.