Lamentations 1:12 - Ohiatonhseratokénti

¹² “Aiáwens thósa níse thóh nahisaiátawen,” iatehiohenréta nónka iakothohestonhátie. “Taskatkáto! Àrok nonwénton nónkat thóh naiakokararenséken tsi ní꞉ioht Í꞉i, kanonhwakténtshera tahákon ne Roiá꞉ner tsi nikaríwas ronakwenhén꞉ne.

Lamentations 1:12 ပူးပေါင်းရင်းမြစ်များ

Psalms 88:16

Ne sanhakwáhtshera tewaʼtiatoráhrats; tsi natehiotenonniaʼníton teskatsiatón꞉tses tewaʼtiataríhtha.

Isaiah 13:13

Né kí aoríhwa kwáh né enkónhniaʼte ne tsi karonhiáʼte né tahiotihentonhwe, tánon ne tsi ionhwenhtsáte kwáh tenhiahontsísonhkwe tsi enwatʼtháko tsi nón꞉we nihionák꞉te, thóh raoteriatitʼkhontserákon ne Sakoiá꞉ner ne ronterí꞉ios ratironhiakerónons né thóh enwenhniseráteʼke ne tehiotenonhianítonʼke raonhakwáhtshera.

Jeremiah 10:19

Ne Jerusalemró꞉non wathonséntho, “Tsi nihionkwatkaréwaton! Tsi hionkwatkarewaton iáh tahonsahionkwatewirónnien. Tánon ionkwéron né kí꞉ken ahónton ne ahiakwatakátsthaʼte!

Jeremiah 18:16

Né wahonnónhniaʼthe kí꞉ken ohóntsa ne kateronkwáhtshera, né꞉ne tsi nénhwe ahiekenronníhake. Tsi nihiákon né éhthoh nónhwe nenhiontóhetsʼthe entionthónnheke tsi nahó꞉ten enhiontkátho; tenhionnonhkaʼrénron tsi nenhiakoneráhko.

Jeremiah 30:23

Ne Roiá꞉ner raonhakwáhtshera ne ne kawerowáhnenh, kawerashástsʼthe ne ne enkatsiskahiónniaʼthe ne rahtinonhtsínes ne ronnonhkwetahétkens. Iáh thaʼtahkáhtahne tsi nióre nakwékon éhtho nenháiere tsi nihotenikonhrónni tsi nenháiere. Tsi nénhteʼwe nenhníseras ne rahonkwetahshón꞉a kwáh teioswátʼte tsi enhiakonikonhraʼiéntahne kí꞉ken.

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 4:8

Tánon káti káiareh shatʼtsherónniat, ó꞉ni tesahsénttho tánon tesahénret tioríwah ne teiotenonhianíthon ne iótʼteron rahonahkwáhtshera Roiá꞉ner tsi iáh tetsiótʼthon tsi nòkwah ne Judah.

Jeremiah 48:27

Moab, sehʼhiáranh tsi ní꞉ioht tsi thisehhierónhʼon ne Israerʼró꞉nons? Ehniseʼierahséhaʼkwe tsi shí꞉ken ní꞉ioht ne rahtinénhskwas ahonwahtiʼiénenhke.

Lamentations 1:18

“Nók ne Roiá꞉ner roriwakwarísion, asèken riwennóntion. Takwatahónsatat, tionkwetaʼkwékon kwáh tsiknonwéson akénhake; takwakʼkátho tsi naʼtewakawehésta. Nithonthihiónsas óni nitiothihiónsas ronwathiʼiénen.

Lamentations 2:1

Ne rahonahkwatserákon ne Roiá꞉ner rohrorókston ne Zion ne tetiókaras. Ne karonhiakhéka ahoiatanerakwátsera neh watakaraténiate nakahetkénton. Ne wenniserátekwe tsi nihonakwehén:ne, akwékon ne Rahononsatokénti wahatewénthete.

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Matthew 24:21

Aseken ionikonraksentseratsanit tsinenhiaȣenne nethone, neki enskat nareko nonȣenton eh tetiaȣenhon tsinahe tiotonȣentsiatasaȣe tsiniiore nonȣa, iah oni noiah eh tiiaonsaiaȣenne.