Jude 1:3 - Ohiatonhseratokénti

³ Tekanó꞉rons tewatenrosónhas, kwáh iatkatatʼtsáhate tsi iakwahiátonse ne ahoriwà꞉ke ne kahiatakenátsera tsi satehionkwáwenk, ne sakatʼthoke tsi teiothonʼontió꞉on ó꞉nenk iakwahiátonse nakwanikonraní꞉rate iasewathasónteren tsi nih tisewethákwen kwáh tió꞉konte ne kénhak ne tsi nitesakó꞉wi ne Rawenni꞉io rahonkweʼtasónha.

Jude 1:3 ပူးပေါင်းရင်းမြစ်များ

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Jeremiah 9:3

Kwáh tsiókonhte tsi ronahthateweiennenhtáhon nahonnhówenhte; kanikonhráhton tsi ní꞉ioht ne kariwahkwarishión꞉tshera né wahsáhrihʼne tsi ionwenhtsiáte. Ne Roiá꞉ner ráton, “Nakonhkwetashón꞉a kwáh tiehothithakwahrishiáton kén niehathihiéra ne kariwahétken tánon iáh tehionkeriwahniráthi tsi Í꞉i ne rahotiʼNí꞉io.”

Acts 17:3

tánon ranikonraientáthakwe Nʼoriwatokéntis, ó꞉ni rariwahníratsʼkwe nètho Kerístos ónenk tsi enharonhiáken tánon tentʼtatkétsko ne kenhéʼiatne. “Neh Kí꞉ken Ié꞉sos tsi nikáien kwatharakwénni,” Kór wahénron, “raónha ne Kerístos.”

Acts 18:28

Neh tsi nihariwasátsthes, rahothihénton nonkwesónhas wasakawenésten ne Sitaeró꞉nons tsi natehonterienʼtawéreskwe, tánon tsi rariwaní꞉ratsʼkwe Oiatonseratokentíke tathákwasʼkwe nètho Ié꞉sos tsi raónha ne Kerístos.

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

Acts 28:28

Tánon ne Kór iahása: “Ahisateriéntarake, káti, nètho Rawenni꞉io rahoteriwanothátsera ne kahiatakeʼnhátsera tsi iehonwanathenieténni ne iáh tehathisitaerónons. Enhontahónsatate!”

Acts 4:12

Ne kaʼiatakeʼnhátsera raonháke khók non nen kahtsénrion; kwa tsi nihiohóntsia kwáh iáh ónka nakóren ne Rawení꞉io tethesakówi naʼiekwéni ahonsahionʼkhiniákente.”

Acts 6:7

Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.

Acts 9:13

Ananias watariwaseráko, “Saia꞉ner, iakotiokowánen hionkʼróri tsi nókwa kí꞉ken rónkwe ó꞉ni tsi natehiotenonhianíton tsi nisakoiéraʼse ne sonkwetaʼsónhas ne Jerusalem nónwe.

Acts 9:22

Nók neh Saul tsi rateriwanót꞉tha ónen sénha rosastenʼenhátie, tánon rariwaníratsʼkwe nètho Ié꞉sos tsi raónha ne Kerístos tánon thóh nióre tsi hiasakonikonrénhaʼwe ne ratiʼsitaeʼrónons neh thóh non nihatinákere ne Damascus iáh teiotónʼon nahonwatenowénton.

1 Corinthians 15:3

Wahtiohétsthen tsi nahóten wahtienáhon, ne nahonháʼa tsorihowáhnen: nètho Kerístos tsi rahwenhéion né iorihónni nonkwahriwanerahákʼtshera, tsi nikahiáton Noriwatokentíke;

Galatians 2:5

iáh kíʼ tatehionkhinikonrakénnion, Asèken neh tehionkwathonwentiónnine nahiakwanónstathe ne oriwiʼiohónwe ne kariwí꞉io níse sewariwáke.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Galatians 6:11

Sewatʼkátho nikahiatonkowánens wákasthe tsi nónwa ionsakwahiátonse neh kwáh í꞉i katshanáke wákasthe!

Ephesians 1:1

Kór kí꞉ken nón nitsawénon, neh tsi éhʼthoh nithonikonróten ne Rawenni꞉io nahoteriwahnóthase ne Kerístos Ié꞉sos— Ne Rawenni꞉io rahonkweʼtashónha thóhnon ne Ephesus, neh tsi nihothiriwathóken tsi naʼtehonateriwasóntere ne Kerístos Ié꞉sos:

Deuteronomy 21:9

Tánon káti, tsi thóh nesewá꞉iere tsi nihariwanónhtons ne Roiá꞉ner, kwáh ki iáh í꞉se tahisewateriwahésthen ne ronhwaséhton.

Deuteronomy 9:10

Ethò꞉ne ne Roiá꞉ner tahá꞉kon ne tekenstèn꞉rakes róston né꞉ne thóh nónh nihohiaʼtón꞉nion ne kwáh raónha ratsaʼnáke né꞉ne tsi nahó꞉ten tsisewahró꞉ri ne tsi iotè꞉kha nitsawé꞉non né꞉ne tewenhniserá꞉tehkwe ne sehsewatiaʼtaró꞉roke ne tsi tionónhte.

Philippians 1:1

Ne thonathásawen ne Kór tánon ne Timothy, ronwahiotenséhakwe ne Kerístos Ié꞉sos— Kwáh tsi niháti ne Rawenni꞉io rahonkwetasónha ne tohonatiriwasontere ne Kerístos Ié꞉sos thóh nón ne Philippi, thóh ratiiá꞉tare ne ononsatokentí꞉ke nohén꞉ton iehonhnéton ó꞉ni ne rontsniénons:

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Colossians 1:2

Ne Rawenni꞉io rahonkweʼtashónha thóh nón꞉we ne Colossae, ronónha ne kwáh rohtiriwahthó꞉ken nonkwatorohserashónhas tsi tehonateriwasóntere ne Kerístos: Aiá꞉wens ne Rawenni꞉io Sonkwaní꞉ha ahontáhion ne kenténrat ó꞉ni skén꞉non.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

1 Timothy 1:18

Timothy, akheksátha, Í꞉se wahkonniáhese kí꞉ken ahontaseniarótarohke, tsi teskaieróntare nowennasónhas neh iekariwáken tsi nikataráh꞉kwen tsi nòkwa níse. Í꞉sas thíken owennasónhas nahioianeréhake nasatherí꞉iosʼte,

1 Timothy 6:12

Iatesatátʼtsahak tsi skát꞉ke tsi nathesaréron ne tewetákwen, tánon ne teshaténtsa ne ionnheʼónwe atónnhets ne iateshiá꞉ti; Asèken ne kí꞉ken ne iónnhe nètho Rawenni꞉io iahianáthon nónen kwáh thóh kén꞉en sahserihwanírathe tsi tisetákwen tsi nihiakotsiokowánen iakotahónsathekwe.

2 Timothy 1:13

Thóh nihioriwaníron thí꞉ken ne kwáh oriwí꞉io nowennasónhas nètho konrihonniénni, neh꞉ne tahontasatheniéntensthe tsi ahtʼtshére, tánon satienawastónhak ne tewetákwen ó꞉ni ne kanoronkwátsera neh tsi I꞉i onhkwáwenk neh tsi tehionkwaterihwahsóntere ne Kerístos Ié꞉sos.

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.

Hebrews 13:22

Kwáh ne kénʼnis, tewahtenroshónhas, nahisewahtahónsataʼthe kwáh sakʼthikénhak kí꞉ken aterihwahnotátshera ne iakonikonkhétskwahs; Asèken kí꞉ken kahiatónserah iekwahʼhiatón꞉ni iáh shóhtsi tèions.

Hebrews 6:9

Nók tóhka thóh kíʼ ní꞉ioht tsi entewahtáti, tekanórons tewahterohshónhas, kwáh ioiánere tsi ní꞉ioht tsi kwatʼtókase. Ionkwahteriéntare tsi kwáh sénha ioiánere sewáhien né kahiatateríhtsheras kenikwékon ne sewahiatakenátshera.

1 Tiér 5:12

Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

2 Tiér 2:21

Sénha ne ioiánereʼkwe ne rahotiriwáke neh tóhsa nonwénton ahotiʼienteráʼon ne tkariwaiéri tsi ní꞉ioht nahonateriéntarake tánon káti ahontarónti ne iotokénti ahtiawenrátʼtshera thonwanáwi.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Jude 1:17

Nok seweiárak, tehwatenrosónhas, tsi nahó꞉ten ietʼtsiró꞉ri né tiotohéston ne ratikwékonne ne Sonkwaiáner Ié꞉sos Kerístos.

Jude 1:20

Nok ní꞉se, tewatenrosónhas, iasewatasónteren naihsewateiaronháse ne iotokénti tewetákwen. Thónon nasewaterennaiéntak ne rahoshaststensherákon ne Ronikonrí꞉ioston,

Revelation 12:11

Ók ne ronwasenhniéton ne raón꞉ha ne raonekwénhsa ne teotinaʼkaronhtónha owí꞉ra tánon nowén꞉na ronatrorhiá꞉ton, tánon ronathateweienhnentá꞉on nahontsakwaríshion tsi ronhnón꞉nhe ó꞉ni nahonní꞉heie.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.