Joshua 9:21 - Ohiatonhseratokénti

²¹ Iawerohá꞉tien ronónnhek, ók ó꞉nenk tsi tehatiienhtsiáke ó꞉ni enhionkhinekakaréhnien.” Toh ki ní꞉ioht ne sakotihenténhse tsi wahontherientaʼtshén꞉ri.

Joshua 9:21 ပူးပေါင်းရင်းမြစ်များ

Jeremiah 46:22

Egypt onhtèhko tsi ní꞉ioht ne óniahre watésehre tewahninekarhiawáhnions, tsi tahothikéthohʼte ne tehontátʼtions ronhterí꞉ios. Tánon ató꞉ken wáhonsthe tsi iakonhwahtsatónti, tsi ní꞉ioht ne ronhnónhkwe rathirónhtsias

Deuteronomy 29:10

“Nón꞉wa wenhniserá꞉te rahohénton ne Roiá꞉ner sewaNí꞉io isehwá꞉te, sehwakwé꞉kon—ietsihéntenhse ó꞉ni ne ronaterihóntons, tionhkweʼtashón꞉as,

Deuteronomy 29:11

konhnónkwe, ratikshaokónhas, ó꞉ni ne tihononhontsá꞉tes ne skátke sehwanákeres ne teieshaientsiákse ó꞉ni ne ieshanekakareniénhnis.

Joshua 10:1

Adonizedek, né꞉ne ronhnonhtí꞉io ne Jerusalem, waharihwà꞉ronhke né꞉tho Joshua tsi roienáhon ó꞉ni kwáh í꞉ken tsi rorihwathónton ne Ai tánon wahaténhnane nahonwanonhwarià꞉kon ne rahotinonhtí꞉io, kwáh ki tsi nishakoié꞉raʼse ne Jericho tánon ne rahotinonhtihiótshera. Wahariwà꞉ronhke ó꞉ni ne Gibeonró꞉nons tsi ronatsianerenhserón꞉ni ne skén꞉non í꞉ken ne Israerʼró꞉nons tánon skátke ratinákere.

Joshua 9:15

Ne Joshua warónhni ne skén꞉non ateriwaʼseronhniá꞉tshera í꞉ken skátke ne Gibeonró꞉nons tánon washakorí꞉hon nahonónhneke. Ne shakotihentènse ne tsi ratinakerahserá꞉ien ne Israerʼró꞉nonhke tahóntkaʼwe ne kariwanirá꞉tshera wahonráratsthe tsi enhathikwéniensthe naterihwaʼseronhniá꞉tshera.

Joshua 9:20

Ó꞉nenk tsi enhiakhirí꞉hon nahonhnón꞉neke tiorì꞉wa tsi hionkwarahrátston; tó꞉ka enhiakhikaré꞉waʼthe, Rawenni꞉io enshonkwaré꞉waʼthe.

Joshua 9:23

Káti tsi ki thóh neʼsewá꞉iere, Ne Rawenni꞉io watsisewaréwaʼthe. Ne tionhkweʼtashón꞉as kwáh tió꞉konte tsi ensewanáskwa enhkénhake, tensewaientiaksé꞉ke tánon ensewanekakareniè꞉seke né꞉ne Rahononhsatokenhtí꞉ke aorihwà꞉ke nakeʼNí꞉io.”

Joshua 9:27

Ók ki neksáke washakotenaskonhnià꞉the, ne tahatihientiákseke tánon nasakotinekakarenié꞉sheke nonhkweshón꞉as Nisraerʼró꞉nonhke ó꞉ni ne tsi ratsienharákwa ne Roiá꞉ner. Shé꞉kon nón꞉wa wenhniserá꞉te iehothikonhthákwen tsi thóh ní꞉ioht tsi rothihiò꞉the tsi nonhwésons ne Roiá꞉ner rorákwen nahonwasenhnaienthá꞉kwake.