Joshua 8:20 - Ohiatonhseratokénti

²⁰ Nó꞉nen ne ronhnónhkwe ne Ai nón꞉we oná꞉ken ionsahathikenhénhion, wahontká꞉tho tsioienkwahrakéthote tsi karonhiá꞉te niehiotsenhkwarí꞉non. Kwáh iáh othé꞉nen thetsóien ne ahonsahatiniákenhne, tiorì꞉wa ne Israerʼró꞉nons tsi niká꞉ien ne tsi tsiohenthakwénhrare niehothitatkhé꞉non ó꞉nen thonshahonkarahténi niahonwanatiaʼtón꞉ti.

Joshua 8:20 ပူးပေါင်းရင်းမြစ်များ

Genesis 19:28

tánon thóh nokwá꞉ti Iaʼthatká꞉neren tsi tkanataièn꞉tahkwe ne Sodom ó꞉ni ne Gomorrah ó꞉ni tsi nokwá꞉ti nakwé꞉kon tsi iohontsakwènhtare tánon wahatkáhthoh, tsi niioién꞉kwarote nonhwentsá꞉ke thóh níiʼioht tsi ní꞉ioht nó꞉nen kwáh ioièn꞉kwarote ne teiotsenhanón꞉iani tsi iotékha.

Job Tánon ne Raoronhiakensera 11:20

Ne ronhnonkweʼtahétken iáh tahotinikonraién꞉taʼne tsi nihotiiá꞉tawens; tsi nahiotón꞉hake nahatiniá꞉kenhne kwáh ki enwatón꞉thonke ne raotirihwá꞉ke, Tánon ne ronskáneks nohná꞉ken tahonthahontón꞉rie.”

Psalms 76:5

Né rotinikonratʼtsáni ronterí꞉ios akwékon ronwatíkwen ne ronhteriʼiosthákwa; tánon ó꞉nen ronenhéion; akwékon ne raotishaststénhsera tánon tsi nihotirenhnáhon iáh othènen tehiorihontákwen.

Isaiah 34:10

Nasonʼthènhne tánon nenhniseràke kwáh kí iáh thaonsonswáhtonke; ètho enhioienkwaró꞉thake né꞉ne tsi nénhwe enkénhake. Né tsi wahenekwensatátie kwáh thóh enkaiéntake watsiesá꞉ton; kwáh iáh ónka thohʼnónwe thahonsahiontohétsthake né꞉ne tsi nénhwe enkénhake.

Joshua 8:19

tánon kwáh tsi nihiostó꞉re wahanenʼtsakétsko, ne ronhnónhkwe ne ronathaséhtons iostó꞉re tsi wathatítane, tsi kanatowanènhke niahathítatke tánon wahontiaʼtakwehní꞉ioste. Kwáh óksak wahatitsiró꞉ten ne kanatowanènhke.

Joshua 8:21

Nó꞉nen ne Joshua tánon ne rahonkweʼtashón꞉as wahontká꞉tho ne ronátiaʼkes iekonhwatiaʼthóntion ne kanatowanèn꞉ke tánon ionathaté꞉kha, thonshahontkaraté꞉ni tánon tahontháshawenh washakotinonhwariaʼkhón꞉nion ne ronhnónhkwe ne Ai nón꞉we.

Revelation 18:9

Tánon ne rotinontí꞉ios ne tsi ionwentsá꞉te, ronón꞉ha ne teonatnérenh ne kentéhsera tánon kwáh í꞉ken tsi iókwats tsi thóh rononhetiè꞉ne skátne naón꞉ha, kwáh kíʼ tenhonséntʼto tánon tenkonwasentʼtose nó꞉nen enhontkáto noièn꞉kwahra ne konwatsataʼtsahathákwen;

Revelation 19:3

Shé꞉kon énskat ionshonterátste saonhní꞉ron, “Teonwanonwerá꞉to Ní꞉io! Iotsekwarakétskwen thóh nitewé꞉tha ahonhà꞉ke né꞉ne tsiotkonhón꞉we enkénhake tánon ne tsi nén꞉we enkénhake”

Judges 20:38

Né kwáh ratinenhrakweʼní꞉ios nʼIsraerʼró꞉nons rahotisóh꞉tar tánon tsi rátikwe ne ronataséhtonhne rotikwahtákwen natenienténhtsera. Nó꞉nen enhontkátho ne kaienkwahrowánen ioienhkwahró꞉the ne kanatowanénhke,

Judges 20:40

Ethòne ne watenienhténston wahé꞉nehne; thontásawenh tahioienhkwahrakéthoʼte ne kanatowanénhke. Ne Benjaminró꞉nons ratísonhne hionhsahontkátho tánon wahotineráko tsi wahontkátho kanathakwékon iotónhkote.

Judges 20:41

Ethòne nʼIsraerʼró꞉nons sahónkhete, tánon ne Benjaminró꞉nons tsathonhnonhnaríkʼkhon tsioríhwa tsi wahóntʼthoke ónen thó꞉wa ahonwanáthonthe.