Joshua 8:12 - Ohiatonhseratokénti

¹² Kák nónhne wísk niwenhniaweheʼtseráhsen nihá꞉ti iashakohiaʼténhawe tánon washakohiatásehthe ne tsi iaʼtewatshénthos nokwá꞉ti ne kanatowanèn꞉ke, tsi naʼtetiátere ne Ai tánon ne Bethel.

Joshua 8:12 ပူးပေါင်းရင်းမြစ်များ

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 28:19

Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

Joshua 8:11

Rathikwekonhátie ne ronhterí꞉ios iahontakwaríshiate ne kanohakwehní꞉ioke tsi iehionthawehiathákwa ne kanatowá꞉nen tánon wahonthatoserothónhnion né꞉ne othorè꞉ke nokwá꞉ti, né꞉ne tsi naʼtetiá꞉tere nahonráhkwakon tánon ne Ai.

Joshua 8:13

Ne ronhterí꞉ios ronathateweienenhtàhon nahonterí꞉io ne kwáh rahthinenhrakweʼní꞉io né꞉ne othorè꞉ke nokwá꞉ti ne kanatowanèn꞉ke kanènhraien tánon ne ronátiaʼkes ne nénhne tsi iaʼtewatshénthos nokwá꞉ti kanènhraien. Ne Joshua ahonráhkwakon ne nón꞉we nahasonhtíhiake.

Judges 1:22

Né tsi kentsiókwahiens ne Ephraim ó꞉ni ne Manasseh iahónhne tánon iakonhwatsathónhti ne tsi kanatowanénhke ne Bethel, ehʼshiʼkaháwiskwe né konwáiatsʼkwe ne Luz. Ne Roiá꞉ner washakoiénawaʼse. Ronhteriwató꞉rats iahonhwanaténieʼte ne kanatowanénhke.

1 Samuel 15:5

Ne Saul wáhrawe ne raotinatowahnénke ne Amalekró꞉nons tánon wahá꞉tiatahkwenhtaro tsi wahaterá꞉rahte tho nón꞉we tsi niehiostehon ne kaniataratátiene ne nashakonenhrénhten.