Joshua 7:21 - Ohiatonhseratokénti

²¹ Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

Joshua 7:21 ပူးပေါင်းရင်းမြစ်များ

Genesis 10:10

Nonkwehshón꞉ʼas ne tsi kanatowá꞉nens ne Babel, Erech, tánon ne Accad, ronnónha ne kwáh tsi karihwakweʼní꞉io ronwaienawaʼséhahkwe, akwé꞉kon kí꞉ken kanatowá꞉nenʼs aotonhwentsá꞉ke ne Shinar nón꞉we nikanataién꞉tonʼs.

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 34:27

Tánon ne Jacob nó꞉ia raonekenhteronʼtsheraʼshón꞉ʼahs wahón꞉newe tsi nón꞉we naʼteweheionʼtotáhrhon, tánon wahatinenhskwenhá꞉ton ne kanà꞉takon, tiorí꞉wa ne rontenoʼsénha tsi naʼteiontatiaʼtaʼtsónhston.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

2 Kings 7:8

Nó꞉nen ne kaiéri nihá꞉ti shiaʼhónhnewe ne tsi iehiótokʼte ne tsi wáʼthoseróton, athoserákon iahontáweiaʼte, wathontsʼkáon tánon wahatinekíra, waʼthónʼnekwe ne kawiatará꞉ken, nowistanórons, tánon natserónhnia ne wahatitsénri, tánon ionsahatíhawe tánon wahonsethánion; ethó꞉ne shé꞉kon thontahónne, né nón꞉wa nó꞉ia waʼthoʼseróte ionsahontáweiaʼte, tánon kwáh thóh nonsahatí꞉iere.

Job Tánon ne Raoronhiakensera 31:1

“Waʼkatatianerenhseronhnién꞉ni ne khá꞉rake; onkáti ní꞉ioht tsi akʼkenhé꞉ion ne kawí꞉non?

Psalms 119:37

Tó꞉sa takeríhon nahontakheiéthakwe ne iotinówenhs kahiatonhnisónhas; tasarihwaiénrik nakonháke ne tsi nisahrahráts꞉ton;

Exodus 20:17

“Tó꞉sa saskaʼnékset nakóren rónhkwe tsi roʼnónhsohte; tó꞉sa sheʼiaskáʼnek ne ró꞉ne, ne raoʼnhatsheraókons, ne rahotsenenhókons nahontonakonwatiʼnonhtatáko, ne raotsenenhókons tewahóntes, tó꞉ka ó꞉ni nohiásons nahoténson ahoiéntake.”

Proverbs 1:19

Ne ónhka ienénhskwas, kenhé꞉ion ieniakoiaʼténhawe—tho kiʼ niiá꞉wenʼs nónhka ionteriiohseraʼnón꞉we.

Proverbs 23:31

Tóhsa otsí꞉tsa ohné꞉ka tesarenʼkén꞉ni, aronhátien tsi kanekwenhtarí꞉io tánon wathnekatákwas tánon watié꞉sen tsi ienhsahnéhkwane.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Proverbs 4:23

Seʼnikón꞉rarak tsi ní꞉ioht tsi sanonhtónnion; tsi sónhnhe ne kaieronnítstha tsi ní꞉ioht tsi sanonhtonniónkwahs.

Isaiah 28:15

Tsioríwa tsi í꞉sewenh, “Iontsiónhni ne aterihwaseronhniátshera skát꞉ne ne kenhé꞉ion, tánon ne tsi tsiohontsáien ne kenhéion ionkwaienʼnateriwasehronhniátshera; nó꞉nenh ne teiotenonhianíton karehwatátshera iatenhiót꞉kaʼwe kwáh iáh kíʼ tahionkwahiatórenhne; asèken ionkwanhowènton nonkwané꞉tshera, tánon thóh onowénhtake nón꞉we iehionkwataskwáhereh”;

Isaiah 29:15

Há! Í꞉se neh sarihwahséhton ne wahtenikonrón꞉ni só꞉tsi teionhó꞉tes ne raorihwàhke ne Roiá꞉ner, ne raotiʼioténhsera tsi tetiókaras nón꞉we ní꞉ken, tánon ronónha ne rónhton, “Ónhka hiontʼkhíkens? Ónhka nahionkhiʼienhtérihke?”

Habakkuk 2:9

Wasehkwatsésthen ne sakwáhtsire ne tsi nahoʼténhsons shekwenhá꞉ton nakorénhsons ne tsi nithesehianonthón꞉ni, tánon wasathenonhsonhniánion ne kanonsí꞉ios ó꞉ni iononsaní꞉rons ne nasehiatanónsthate ne sawá꞉tsires tsi nokwáh ne atkarónhniat. Tiorì꞉wa tsi kíʼ ken orihwakwé꞉kon tsi thóh násehre, ne Rawenni꞉io kwáh kíʼ enhiaré꞉waʼte.

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Luke 12:2

Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.

Ephesians 5:3

Tsi Rawenni꞉io níse rahonkwéta sewatenathónkwen, iáh tetkariwaiéri ne thènen ne kanakwaiesátseras ó꞉ni ne iáh tehiotkwéniens tóhkaʼ ó꞉ni ne askenátsera akatarákwen tsi natesewátere.

Ephesians 5:5

Kwáh oriwihioʼónwe tsi ahisewateriéntaraʼke kwáh iáh ónka ne iotenakwaiesátha, iáh tehiakokʼkwéniens, tóhkaʼ ó꞉ni iakotétʼtsen (né꞉ne satetiotʼte ne kahiatón꞉ni akonwashén꞉naien) tahiakonakʼtaiéntake ne rahothinakeraserákon ne Kerístos ó꞉ni ne Rawenni꞉io.

Deuteronomy 7:25

Sewátsahat ne raotihiaʼtonhnisónhas. Tó꞉sa sewaská꞉nek ne kawistará꞉kens ó꞉ni nowistanó꞉rons ne ionatstánions, tánon tó꞉sa í꞉se iaʼsewáhaf. Tó꞉ka thóh nenhsewá꞉iere, né꞉ne kwáh iakorióktha, tiorí꞉wa ne Roiá꞉ner tsi ráshons ne kahiatonhniʼsónhas.

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”

Ne꞉ne Sák Rohiaton 1:15

Ehʼthóhʼne tsi hionkwaskanékon ne kariwáksen enwatʼtháwa ó꞉ni enwathónnhete ne kariwáneren, tánon ne kariwáneren, nónen iokowanáhon, né꞉ne ietiahónnhets ne kenhéion.

Joshua 7:20

“Tó꞉kenske,” ne Achan tsi wathariwaʼsehrá꞉ko. “Wakerihwanéren tsi nòkwah ne Roiá꞉ner, Israerake Sakoní꞉io, tánon ken ki niwakatié꞉ren.

Joshua 7:22

Sók ki ne Joshua iashakothéniethe ronhnónhkwe, iathonráthathe tsi tewatóhserote tánon wahatiʼtshén꞉ri ne watʼkénstons kwáh thóh nónhwe tó꞉kenske niwasenhtónkwe, kawisthará꞉ken thanonhkhonniátonkwe.

2 Tiér 2:15

Rohnathaharákwen ne iotahakwarísion tánon rohnatiatathónʼon; neh wahatísere noháha neh Balaam rotʼtahíten neh꞉ne Beor roiénha, neh꞉ne ranorónkwakwe nowístha ahaiéna ne iáh thènen thahohiotén꞉en