Joshua 7:19 - Ohiatonhseratokénti

¹⁹ Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

Joshua 7:19 ပူးပေါင်းရင်းမြစ်များ

2 Kings 20:15

“Nahoténson wahontkathóseron ne kanontiʼiotserákon?” “Kwáh akwékon niahontʼkátho. Kwáh iáh thaʼhótens ne tsi tsenhthákwah ne iáh thakhenatónhni.”

2 Chronicles 30:22

Né Hezekiah wateshakononhweráton ne Leviró꞉nons né tsi nihotirenhnáʼon tsi ní꞉ioht tsi wahonterihwatsʼtérisʼte tsi wahonwasén꞉naien ne Roiá꞉ner. Sonhtó꞉hetste ne tsáta nón꞉ta tsi nikaríhweskwe wahonteskonhtónhnion tsi nathonwanonweʼráhton ne Roiá꞉ner. Né꞉ne Sakoní꞉iokwe ne sakotisotʼthonkonhkénʼens,

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Psalms 51:3

Tientères nakenhí꞉tsheras, tánon nakerihwanerahát꞉tsheras tiót꞉konhonwe akʼkénton í꞉ken.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Isaiah 13:12

Kwáh ne enkhehiónhniaʼte niakonhontsakerónons sénha káron nenhsatíhake tsi ní꞉ioht ne kwáh kawistanoronhtserí꞉io, tánon nonkweshónha tsi ne nikawístho nowistanóron ne Ophir nónwe.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Luke 17:18

Neok kenh kehiken nok thihate tontahononȣeratonne ne Niio.

John 9:24

Ionsahonȣennonke kati onen oni neh ne tekenihaton, kehiken teharonȣekonne, nok ȣaonȣenhase: Niio letsenonȣeraton; ionkȣaterientare thohiken ronkȣe tsi onkȣetaksenskȣa.

Romans 10:10

Neh tsi tionkwetákwen ne tionkwariwiʼiosténʼnis tsi natethewátereh ne Rawenni꞉io; ne tsi nitewariwahnírats neh tionkwaniakéntha.

2 Timothy 2:25

tsi thoriwaiéri tsi nensetakwaríshion ne iesáswens, tóhkaʼ nónwa ne Rawenni꞉io sakotehsennáwis nahonsahontatʼréwathe ó꞉ni nahathiʼientéraʼne ne oriwiʼhioʼónwe.

Titus 2:2

Serihónʼnien ne thoʼtèions ne tóhsa ahatinekakátsʼtahke, ahontatkweniénstahke, tánon thoʼnatateniarótaron; nahioriwíʼioke tsi thoʼnetákwen, ne rahotinonronkwatsherákon, ó꞉ni tahathiwisátsʼtheke.

Ne꞉ne Sák Rohiaton 1:20

Nahiakonákwen nónkwe iáh thetieriwaiérits ne Rawenni꞉io rahoriwakwarishióntseras tsi nahiotónhake.

Joshua 7:20

“Tó꞉kenske,” ne Achan tsi wathariwaʼsehrá꞉ko. “Wakerihwanéren tsi nòkwah ne Roiá꞉ner, Israerake Sakoní꞉io, tánon ken ki niwakatié꞉ren.

Revelation 16:9

ne wahakonethentát꞉te ne kwáh í꞉ken ioʼtarí꞉hen, ók wahonwasenhnaiésate ne Ní꞉io, tsi niká꞉ien ne rokweniatsherá꞉ien tsi nokwáh kí꞉ken kanhratariné꞉tsheras, tánon iáh teshonatatrewá꞉ton ó꞉ni nahontahónhion kaiatanerakwáhtshera.

1 Samuel 14:43

Eʼthó꞉ne ne Saul wahawénhase ne Jonathan, “Takʼró꞉ri onhnishatiéren.” Ne Jonathan wahoró꞉ri kíʼ, “Ostón꞉ha wakatkonhontserát꞉kenhse notsinakontakwáne otsikhéta ne wákatste ne tsi ieiót꞉te naténhnits ne khawá꞉kwe; kén꞉en í꞉kes, kwáh kiʼ enkíheʼie.”

1 Samuel 6:5

Káti ó꞉nenk tsi ensewatsiaʼtonhniseronniáhnion niwásas tahonsakaierontárake tsi wesewatkarotakwarontáseron sewatsiatonhniseronniá꞉nion otsinionká꞉ron nètho waʼhatihétʼkente nohón꞉tsa, tánon taʼtsítson kaiatanerakwátshera ne sakoʼNí꞉io NʼIsraerʼró꞉nons; tokaʼnón꞉wa iáh thaʼtahonsahotsanátsʼteke ne tsonhá꞉ke ó꞉ni ne sewaní꞉ios tánon ne tsonhontsáke.