Joshua 6:24 - Ohiatonhseratokénti

²⁴ Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.

Joshua 6:24 ပူးပေါင်းရင်းမြစ်များ

2 Samuel 10:5

Nó꞉nen sahonwaró꞉ri ne Táwit, iasakoteriwaniéten ne ratiriwakarénies ne tahontátʼke, asèken ne ronnónkwe teiotenonhianíton tsi nihontéhenskwe. Ne ronnontí꞉io wahén꞉ron, “Thóh tasewenterón꞉tat Jericho tsi ní꞉iore tentsisewakonstonréshane, tánon ehthóhʼne tontásewe.”

2 Kings 25:9

Wahatenonkwatetʼte ne Ononsatokentikó꞉wa, ne tsi kanontiʼiotseráien, tánon ne tsi rotinonshótons ne thó natonkwetaʼtónhnions ne Jerusalem,

1 Chronicles 18:11

Né Ronnontí꞉io Táwit wasakotonnahérahse né áhonste tsi nenhonterenhnaʼiénsehke, ská꞉ke ne kawistaráhkens ó꞉ni nowistanórons tsi nishakhókwen nonkweʼshón꞉as ne shakosenhniónkwen—né꞉ne Edom, Moab, Ammon, Philistia, tánon ne Amalek.

Numbers 31:10

tánon wahontenonhkwatekʼtánion ne rahotinatowanensónhas tánon tsi ronatatosehró꞉tons.

Deuteronomy 13:16

Akwé꞉kon tasewáhaf ne raotihientátsheras nonhkweshón꞉as né꞉tho ratinakerè꞉kwe tánon sewenhstokó꞉ten thóh kanénthen. Ethò꞉ne sewatenonhkwéntaf ne kanatowá꞉nen ó꞉ni kwáh tsi nahó꞉ten né꞉tho akaiéntake né iahátstats ne Roiá꞉ner saNí꞉io. Kwáh iekarihwaiésat tsi nén꞉we tánon iáh shé꞉kon nonhwénton nahonsakanatonhníhake.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 20:16

“Ók ki nó꞉nen enshié꞉na ne kanatowá꞉nen ne Roiá꞉ner saNí꞉io thiawì꞉re, kanenrahkwé꞉kon senonhwarià꞉kon.

Joshua 11:11

kwáh onhkweʼtakwé꞉kon ne nón꞉we washakotinonhwarià꞉kon; tánon ne kanatowanénhke wahontenonhkwatekthánion.

Joshua 6:19

Akwékon tsi nahó꞉tensons né꞉ne ionhniatons ne kawistarákens, owistanoronhs, tehiotʼtsinokwaronhte notsinekwar karisthatsi, tó꞉ka ó꞉ni karisthatsis né꞉ne Roiá꞉ner ronhwarahkwenhni. Roiá꞉ner tsi rahwisthaienthakwa ienkaienthake.”

Joshua 6:25

Ók ne Joshua sahanonhsthate ne tsi hionnhe ne iohrihwahiathatonhon Rahab ó꞉ni ne konhthatekonhkwes, tioríhwa tsi iakohiathasehtonhne ne tenihiáse iaterihwató꞉rats ne ieshá꞉kotheniethonʼne ne Jericho. (Ne tsi thakawatsirathatie shé꞉kon nihó꞉nonhnhe ne Israerá꞉ke nón꞉wa wenhniseráte.)

Joshua 8:28

Ne Joshua wahatenonhkwatekthánion ne Ai tánon ne iatioʼtá꞉tere ne ioriwaieshá꞉hons. Tánon shé꞉kon nón꞉wa wenhniserá꞉te thóh ní꞉ioht.

Revelation 17:16

Tánon noié꞉ri nikanakarákes né꞉tho wasatkáto, né꞉tho tánon ne katsinonhiowá꞉nen enkonwá꞉shon ne wathokó꞉tha; ronón꞉ha kwáh enkonwanenskwenhá꞉ton tánon enkonwanhostón꞉ni; ronón꞉ha kwáh enkonwahwá꞉rake tánon enkonwatsiatatsáhate otsirá꞉ke.

Revelation 18:8

né꞉se wahón꞉ni nahohrashón꞉as kwáh enwá꞉we ne nón꞉we sewenhniserák꞉khok enkénhake— kahnrhaó꞉kon tánon nahiontʼtiónhnion tánon natonkarhiá꞉kon— tánon ne raón꞉ha kwáh kíʼ enkonwatsiatatʼtsáhate otsirá꞉ke; asè꞉ken roshatstenhserowá꞉nen seh ne Roiá꞉ner Ní꞉io raón꞉ha rariwenhtáse.”