Joshua 5:14 - Ohiatonhseratokénti

¹⁴ “Iáh ne kakniká꞉ien akénhake,” ne rónhkwe wathariwaʼsehrá꞉ko. “Tsi kén꞉en í꞉kes í꞉i ne kenenhrakweʼní꞉io ne Roiá꞉ner rahotióhkwa ne ronhterí꞉ios.” Ne Joshua ohontsá꞉ke wahathatiaktiénenhte tsi nahokwéniensthe tánon wahèn꞉ron, “í꞉i ne shanátsera, shénshion. Nahó꞉ten teshatonhontsóni tsi nátiere?”

Joshua 5:14 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Genesis 17:3

Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

2 Samuel 7:19

Tánon iekaníhare kí꞉ken tsi ken niiorihwá꞉a tsi nateská꞉nere, O Saiá꞉ner Ní꞉io; ní꞉se kwáh ó꞉ni shetahrákwen natwá꞉tsire ne ne kwáh ahí꞉non ít꞉ken neh naiá꞉wenhne. Aiá꞉wenhs kíʼ neh kí꞉ken aotirihón꞉nien nonkweʼó꞉kons, O Saiá꞉ner Ní꞉io!

2 Samuel 7:20

Tánon tóh shé꞉kon sén꞉ha nahakwéʼni ne Táwit nahiaró꞉ri? Asèken tatsienʼtéri, O Saiá꞉ner Ní꞉io!

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 24:10

Ónhka nenhné꞉e kí꞉ken Ronnontí꞉io ne rohiatanerákwat? Né꞉ne Roiá꞉ner ne roshaststenhserowanenʼkówa, rahónha ne Ronnontí꞉io í꞉ken né꞉ne rohiatanerákwat. Selah

Exodus 4:10

Ók ne Mahís wahénron, “Iáh, Saiá꞉ner, tó꞉sa iaskató꞉ri. Iáh nonhwénhton tehioiánere tsi tekatátis, tánon iáh ó꞉ni tewakeweienʼtetáʼhon tsi náhe tisathásawe takʼthaʼráhni. Kwáh íken tsi wahkíten tsi ní꞉ioht tsi katátis, wakewenhnaʼkenhéion tánon tethewakenikónhrahke.”

Exodus 4:13

Ók watariwahsehráko ne Mahís, “Ó Atiá꞉ner, asaʼthontátsheke ónhkak akòren iasehiató꞉ri.”

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Isaiah 6:8

Ethó꞉ne wahiwénhnaronhke ne Roiá꞉ner ratónhnions, “Onhka ónhte iaʼkhehiathéniete, tánon ónhka ne kwáh thóh iáienh nonhkwarihwàke?” Tánon wakíron, “Kénʼen í꞉kes; í꞉i iatakaténiet!”

Ezekiel 3:23

Káti awenhráhkwahkon niaháke, tánon thóh nónhwe iakatkátho ne raohiatanerahkwáhtshera ne Roiá꞉ner, kwáh tsi ní꞉ioht tsi wakatkáton ne Chebar kaniatarákʼta. Kwáh tshiekʼkonhskáʼrahte ohontsáke watiataiéntane,

Daniel 10:13

Ne raronhiaʼkehró꞉non ne tehshakónhes tsi kanakerahserá꞉ien ne Persia tewáhsen énska niwenhniserá꞉ke wahatioʼtátshe. Eʼthó꞉ne Wíshe, raónha ó꞉ni nohén꞉ton ié꞉rate ne ratironhiaʼkehró꞉non, tá꞉re wahatié꞉nawaʼse, né tsi iaʼtewatiatístonʼne ne Persia nón꞉we.

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Daniel 8:11

Kwáh ó꞉ni wahonenhró꞉thaʼse ne thentiohkwakweʼní꞉io ne karonhiá꞉ke né ne Rawenni꞉io, waʼthátaste naterennaientátsera ó꞉ni tsi konwatiaʼtatsaʼáhtha ne katshé꞉nen né ronwatienʼkwaronniaténnihskwe né Rawenni꞉io, ne niaʼtewenhniserá꞉ke, ó꞉ni kwáh eʼtho tsi naʼhentáksahte ne tsi ionterennaientáhkhwa.

Leviticus 9:24

Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 16:45

“Èhren íset tsi rónhnes kí꞉ken onhkweshón꞉ʼas, tánon kwáh tsi nónhwe nihónhnete tsi enkhehiáthonʼte!” Ne tenihiáse waʼkhiatshákete ohontsáke tenikánere,

Numbers 22:31

Ethòne ónenh ne Roiá꞉ner wahoríhon ne Balaam nahó꞉ken ne raronhiakeró꞉non thóh írate rasarénhawe; tánon ne Balaam ohontsáke wahathatsiatónhti kwáh tiehakonskárate.

Matthew 22:44

Roianer raȣenni ne Rakianer tsi keȣeientetakon satien tsiniiore ienkheiarasitokeȣate ne iesasȣens.

Matthew 8:2

Saiatat eh raiataratie ne roststaȣis, iathotontsothase ne Iesos, nok ȣahenron: Saianer! akȣase ok tasanonton nasere shitsient.

Luke 1:43

Etho oni kenh niiore tsi onkaterasȣiioste tsi tonkatkensere ne Rakianer ronistenha?

Luke 20:42

Aseken akȣa raonha ne Taȣit raȣen raoiatonserakon teieriȣakȣatha: Roianer raȣenhni nʼAkianer; satien tsi keȣeientetakȣen.

Luke 5:12

Enskat kati tsinikariȣes etho nonȣe natehoststekafenhaties tsi kanataienton, eh ȣathonterane roststaȣis, tsi ȣahoken ne Iesos, ehtake ȣahatiatonti nok ȣahoneken, raton: Saianer! ok tasanonton nasere aonsakieȣentane.

John 20:28

Nok nʼAtonȣa tahenron: Saianer nok Ake-Niio.

Acts 9:6

“Téstann tánon kanáthakon niaháse, thohʼnónwe enʼtiesaróri onhnénshieʼre.”

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

Joshua 20:1

Ethò꞉ne ne Roiá꞉ner wahoró꞉ri ne Joshua

Revelation 12:7

Tánon thonteriioseraiéntane ne karonhiá꞉ke; Wiseh tánon ne raoronhiakeró꞉nons wahonterí꞉io ne rononwarontsétha. Ne rononwarontsétha tánon ne raoronhiakeró꞉nons tahotinákwen,