Joshua 5:13 - Ohiatonhseratokénti

¹³ Tsi nikarì꞉wes ne Joshua ákta ne Jericho í꞉reskwe, thonthaiawénstsi wahóken rónhkwe rahohénton í꞉rathe, waʼsarowá꞉nen raháwe. Ne Joshua rahiatákta niaháre tánon wahoriwanóntonhse, “Í꞉se ken nénska akonhkwè꞉ta ne ronhterí꞉ios, katónken thetewatà꞉tsons?”

Joshua 5:13 ပူးပေါင်းရင်းမြစ်များ

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 18:2

wahatarakhétsko tánon áhsen nihá꞉ti ronnón꞉kwe wahshakó꞉ken raohén꞉ton thón꞉nete. Nó꞉nen shahshákó꞉ken, iahaiakénhstahkwe né tsi ieiontaweiaʼtáhkhwah naʼtóhsera niaʼtahshakóterahte, tánon ohontsà꞉ke iaʼthatshá꞉kete,

Genesis 28:16

Eʼthó꞉ne ne Jacob sahá꞉ie tánon wahén꞉ron, “Orihwiioʼón꞉we ne Roiá꞉ner tsi kwáh kén꞉ʼen nón꞉we ní꞉reʼs; tánon iáh thé꞉nen tewakaterièn꞉tarahkwe!”

Genesis 33:1

Nón꞉wa ne Jacob wahataráh꞉ketsko tánon wahóken ne Esau tá꞉re, tánon kaié꞉ri tewenʼniawe niháti rón꞉nonhkwe tahón꞉ne, sók kiʼ watesakhokhashiónko ne ratikʼsahokonhas tsi natetiáʼtere ne Leah tánon ne Rachel, tánon ne tekenihiase keninhá꞉tshera.

Genesis 33:5

Nó꞉nen ne Esau sonsahatarahkétsko tánon washakóken ne konhnónkwe tánon ne ratiksahokónhas, wahén꞉ron, “Ónhka kiʼ ken sewathorohsenthatie?” Jacob wahén꞉ron, “Né꞉ne ratitsaokonhas ne rahónha Rawenni꞉io tsi nithoriwaieri tsi thó꞉wi ne sanhá꞉tshera.”

1 Chronicles 12:22

Kwáh thó꞉wa niaʼtewenniseráke né ronhnónkwe tsi ronatsataʼráhtie ne Táwit rahotsiókwahkon, ká꞉ti ne rahotsiókwah ne ronhterí꞉ios kwáh iosthó꞉re tsi ronatsokowaʼnenhonhátie.

1 Chronicles 21:27

Né Roiá꞉ner wahoró꞉ri ne raronhiakeró꞉non nahonsahateweiénton ne raʼosarekówa, tánon kíʼ ne raronhiakeró꞉non wahatewénnarahkwe.

1 Chronicles 21:30

Ók kíʼ ne Táwit iáh tewá꞉tonhskwe né thóh nón꞉we iá꞉re nahosenhnaiénhna ne Rawenni꞉io, tsioríhwa tsi ratʼtsánisʼkwe ne Roiá꞉ner raoʼronhiakeró꞉non raoʼsarekó꞉wa.

Exodus 23:23

Nakeronhiakeró꞉non kwáh entsisewahéntenhse tánon tsi thoʼnonhontsáien ne Amorʼró꞉nons nientsisewahiaténhawe, ó꞉ni ne Hitró꞉nons, ne Perizró꞉nons, ne Canaanites, ne Hivró꞉nons, tánon ne Jebusites, tánon kwáh enkhehiáthonthe.

Daniel 10:5

Waʼkatahrakétsko tánon ónhkaʼk waʼkhéken ne kwáh waniaʼtarí꞉io iakothseronniá꞉ton ó꞉ni iakotiaʼtánhen ne kwáh kahwistanoronʼtsherí꞉io.

Daniel 8:3

Tanon eʼtho kaniatarákta teiotinaʼkarontón꞉ʼa rátsinn wahíken, tékeni tehonà꞉karonte ó꞉ni tehonà꞉kares, skáti sénha tehonà꞉kares ó꞉ni sénha onakará꞉se tsi ní꞉ioht né skáti.

Zechariah 1:8

Wakhéken ónhkak iakoshaténtie onekwénhtara nihashokó꞉ten ne koshá꞉tens. É꞉tho nón꞉we nahthatáhne tsi karontaienthóhseron ne myrtle norónhwakon, tánon ne rahshón꞉ne thikanaskwaténions kón꞉nes—onekwénhtara, iothirahkwahrón꞉nions, tánon konthiráhken.

Numbers 22:23

Nó꞉nen ne tewahóntes wahó꞉ken ne raronhiakeró꞉non thóh írate rasarénhawe, wahatʼthahontáko tánon kahentáke niaháre. Ne Balaam wahononhwenhseráhrio ne raotshénen tewahóntes tánon owahá꞉ke ionhsahohiaténhawe.

Numbers 22:31

Ethòne ónenh ne Roiá꞉ner wahoríhon ne Balaam nahó꞉ken ne raronhiakeró꞉non thóh írate rasarénhawe; tánon ne Balaam ohontsáke wahathatsiatónhti kwáh tiehakonskárate.

Acts 1:10

Tiaʼtehotikarohtáhon ne karonhiáte kwáh tionsahonówirethe, kharehónen tenihiáse tenónkwe karakenseróskon ronhatieronʼniáton thontahiawénstsi rathihiatákta watʼthítaʼne

Joshua 6:2

Ne Roiá꞉ner wahawénhase ne Joshua, “Shatsià꞉nake éntsien ne Jericho, skátke nahonhnonhtihiótsera tánon ratikwé꞉kon ne ronhtinikonhraʼtsánis nahonkweʼtashónhas ronhterí꞉ios.

Revelation 1:13

tánon ashén꞉non nón꞉we kíʼ wathaseranihiontháhkwa waʼhí꞉ken saiá꞉ta kwáh tesiatié꞉ren nón꞉kwe roién꞉ha, ne rotieronhniáton ne waʼkó꞉ses tánon owistanó꞉ron niwashohkó꞉ten ská꞉ti nokwá꞉ti khók rotentskweʼnorónkton.

Judges 13:11

Manoah waʼthátaʼne tánon ró꞉ne washakósehre. Iahatʼthakwahríhshate tsi ítres ne rónhkwe tánon wahorihwanónhtonhse, “Í꞉se kén ne sónhkwe ne ketsténha watesehnitháren?” “Hén,” wathariwasehráko.

Judges 13:22

Manoah wasakawénhase ne ró꞉ne, “Kwáh siʼhiorihwí꞉io tsi thenteníheie, tsioríhwa tsi watsitení꞉ken ne Rawenni꞉io!”