Joshua 5:10 - Ohiatonhseratokénti

¹⁰ Tsi nikarì꞉wes Nisraerʼró꞉nons ronahnathaiénthakwe ne Gilgal nónhwe ne tsi iohenthakwénhrare ákta ne Jericho, wahonteʼnikonhró꞉ri ne é꞉neken wathohesthákwa ne noʼkharasné꞉ha nohénton ne kaiéri iawénhre shiwenhniserá꞉te ne wenhnì꞉thare.

Joshua 5:10 ပူးပေါင်းရင်းမြစ်များ

2 Samuel 15:28

Satkátho, kwáh enkaterárahte tsi nón꞉we ne iáh teionhó꞉tes thóh ahonwenhtsat꞉ténhake tsi niʼió꞉re nowénhna iénwahwe niʼsèke nón꞉we nénhtewe tsi ensetʼronhkáten,”

Exodus 12:11

Ónenk tsi iostó꞉re tsi ní꞉ioht tsi énsewá꞉ke, asèken ónenk tsi ensewaʼtseronhníhake tsi ahisewaʼtaʼteweienhnentáʼohnke ne tahisewatʼtháhakwe, tensehwatárionhke tánon sehwatennhitsherenháwak. Né꞉ne iotoʼhetstákwen Kakʼkhwáhere né naskwakwéʼniensthe, ne Watiá꞉ner.

Exodus 12:18

Né okarasnéha ne kaiéri-iawénre niʼwenhniseraʼké꞉haton ne tiotierénton wenhnítaʼre tsi nióre ne tewásen—énska niwenhniserakéhaton, kwáh tó꞉sa othènnen sewanáʼtarak ne iontʼtenkwátha tekaiéston tsi kanatarónhni.

Exodus 12:6

Ethòne, nʼokarasʼné꞉ha ne kaiéri—iawénhre nenwenhniseraʼkéhaton tsi niwenhní꞉tare, kwáh kanakeraserakwékon ne lsraeró꞉nonhke tsi enhonwanawènhtʼtho ne kontiʼtshénens.

Jeremiah 39:5

Ók kíʼ ne Babyloniaró꞉nons ronhterí꞉ios wahonwahtísehre tánon wahonwahiéhna ne Zedekiah ne tsi nónhwe nihiohenthakwénhrahre ne Jericho. Ethóhʼne Ronhnonhtí꞉iohke ne Nebuchadnezzar niaʼhonwahiaténhaʼwe, tsi kanatowahnénhke ne Riblah thóh nónhwe iéresʼkwe ne ne tsi wathonwenhtsiáien ne Hamath, tánon thóh nónhwe ne Nebuchadnezzar tahorihwénhte.

Ezekiel 12:3

“Ónenh kíʼ, rónhkwe iaiénha, senokwakweʼnónhni kwáh tsi nihaiéra ne ronahtenháwis tánon teshatháhak nohénton nahontahiokárahwe. Kwáh onhkwetaʼkwékon ahiesáhken tsi washaténti tánon thóh niahisehnonhátie nóhia tkanáhthaien. Tó꞉ka nónhwa thí꞉ken tehatinenhrahrítha enhieshaiénterehne.

Leviticus 23:5

Ne É꞉neken Watohetstáhkwa thoentewatáhsawen tsi nienskarakewénhne né꞉ne kaié꞉ri iawénhre senskárake nentewenhnitastsérente. Ne wenhniseráte sewatenikonhró꞉ri natsisewakwéniensʼthe ne Roiá꞉ner.

Micah 6:5

O akonkweʼtashón꞉as, sasewehiáran ó꞉nen tsi nahó꞉ten ne Ronhnontí꞉io Balak ne Moab sakotenikonrá꞉wi, tsi nahó꞉ten ne Balaam ne roiénha ne Beor waʼthorihwaʼserá꞉kwahse, tánon tsi nitsawénhen ne Shittim tsi nió꞉re ne Gilgal, ne nahónton ahisewahterienʼtá꞉rahne ne iakonónstats rahoiaʼtaterí꞉tsheras ne Roiá꞉ner.”

Joshua 4:19

Nonhkweshón꞉as wathatiniatharihiáke ne Jordan né꞉ne oieríhaton siwenhniserá꞉te ne tiotierénhton wenhnítare tánon Gilgal nón꞉we iahontená꞉taien, né꞉ne nà꞉kon nokwá꞉ti ne Jericho.

Joshua 5:11

Nó꞉ia sahiorénhne ne thontié꞉renhte wahónhneke ne kákhwa ne Canaan nónhwe nihiothonhníhon: né꞉ne kanatsakeríton tánon né꞉ne watenatharónhni ne iáh thaʼtekaiéston ne ionttenhkwátha.

Joshua 9:6

Ethò꞉ne tsi tonaná꞉taien ne Gilgal niahón꞉ne tánon wahonwénhase ne Joshua ó꞉ni ne Israerʼró꞉nons, “Ahí꞉non nió꞉re tsionhontsá꞉ien nitionhkwè꞉non. Tehionkwatonhwenhtsóni nahitewatsanerenhserón꞉ni.”

1 Samuel 7:16

Ienʼhakwatóseron tsi iatenhakwátase iateioserá꞉ke thóh nonwéson Bethel, Gilgal, tánon Mizpah; tánon ensakorihwénhtaʼse Israerʼró꞉nons akwé꞉kon kí꞉ken tsi kanataién꞉tons.