Joshua 4:14 - Ohiatonhseratokénti

¹⁴ Tsi nahá꞉iere ne Roiá꞉ner ne wenhniserá꞉theʼkwe wahonónhnien nonhkweshón꞉as Nisraerró꞉konhke tahiatihiató꞉rethe ne Joshua tsi nironhkweʼtowá꞉nen. Kwáh tsi nirónhnheskwe tsi ronhwakweniénsthakwe, kwáh ki tsi nihonwakweniénsthakwe ne Mahís.

Joshua 4:14 ပူးပေါင်းရင်းမြစ်များ

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

2 Kings 2:15

Né wísk-niwásen niháti rothitó꞉kense ne Jericho nithonénon wahonwáken tánon wahonhníron, “Né rahoshastsʼténsera ne Elijah rahonháke ne Elisha sakará꞉ne!” Thóh niahónhne iathonwáterathe, rahohénton wathontsákete,

1 Chronicles 29:25

Né Roiá꞉ner washakahónhnien kwáh kanenhrakwé꞉kon tsi ahonwatsanísheʼke ne Solomon, tánon né wahahónhniaʼte ne sénha rahónʼa taharénhsaronhke tsi ní꞉ioht ne thotihénton thotinontí꞉iosʼkwe né thóh ratikórahkwe Nisraeʼró꞉nonke.

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

Exodus 11:3

Ne Roiá꞉ner wasakahónnien ne Egyptró꞉nons nasakotiʼkwéniensʼte ne lsraeró꞉nons. Kwáh íken, ne ronaterihóntons ó꞉ni nonhkweshón꞉ʼa wathaʼtihiaʼtórehʼthe ne Mahís tsi ronhkwetoʼwánen.

Exodus 14:31

Nó꞉nen ne lsraerʼró꞉nons sahontʼká꞉tho ne kashatsʼtenseroʼwá꞉nen né Roiá꞉ner rótsʼthon tsi sakoʼsénhnion ne Egyptró꞉nons, kowánen tsi wahonwakwé꞉niensʼthe ne Roiá꞉ner; tánon thonwetákwen ne Roiá꞉ner ó꞉ni ne rahoʼnhátshera Mahís.

Proverbs 24:21

Konién꞉ʼa, wé꞉so tsi etskweniènhsthak ne Roiá꞉ner, tánon etshennó꞉wanaʼt ne ronontí꞉io. Tóhsa sewatén꞉rok nón꞉kwe ne iáh tehontahónhsatats tsi nihotirihò꞉ten ne Roiá꞉ner tánon ne ronontí꞉io;

Romans 13:4

neh kíʼ tsi Rawenni꞉io rahonkwetaʼsónhas í꞉se sariwáke tsi rotihióte. Nók tokáha kariwáksen tsi nensátiereh, ehʼthóhʼne kíʼ setʼtsanísek, Asèken neh rahothisasténsera kwáh íken tsi hioníron nensakotiréhwaʼte. Rawenni꞉io seh rahonkwethasónhas tánon Rawenni꞉io rahorehwahthátsera rónstha nónka ensakotiréhwaʼte ne kariwáksen tsi nenhóntiereh.

1 Corinthians 10:2

Tsi iotsikerahrónnions ó꞉ni kaniatarahkekówah nónwe nahontenekwáhesthe ne tsi Mahís ronnwahnonteráhtiesʼkwe.

Joshua 3:7

Ne Roiá꞉ner wahawénhase ne Joshua, “Tsi nenhtiére nón꞉wa wenhniserá꞉te ratikwé꞉kon nonhkweshón꞉as ne Israerʼró꞉nonhke enieshakwénienste tsi nitisaʼtshénhnathe, tánon enhonktó꞉ke tsi tenikwé꞉kon kwáh ki tsi nihiotónhne ne Mahís.

Joshua 4:13

Rahohénton ne Roiá꞉ner kák nónhne kaiéri niwenhniawehetseráhsen niháti ronatateweienhnenhtàhon nahonterí꞉io iathatihiáiake ne tsi tiohontsakwénhthare ákta ne Jericho.

Joshua 4:15

Ethò꞉ne ne Roiá꞉ner wahoró꞉ri ne Joshua

1 Samuel 12:18

Káti ne Samuel iahonáton ne Roiá꞉ner, tánon ne Roiá꞉ner tahaténieʼte ne owèrha tánon nokenhnoréhsera nètho wenhniserá꞉tekwe; tánon onkweʼtakwé꞉kon teiotenonianíton tsi nahonwakwéniensʼte ne Roiá꞉ner ó꞉ni ne Samuel.