Joshua 3:17 - Ohiatonhseratokénti

¹⁷ Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Joshua 3:17 ပူးပေါင်းရင်းမြစ်များ

2 Kings 2:8

Ethòne ónen ne Elijah waharíhsi ne rahotsáthawi wakóses, wahawenónhni, tánon kaniataráke wahanonhwá꞉reke; ne tsi kaniá꞉taro watewatʼnekakʼkháʼsi, tánon raónha ó꞉ni ne Elisha iathihiáhiake kwáh iahonwentsiatʼthenkówa.

Psalms 66:6

Énska iokwénhrare tsi nón꞉we ne Rawenni꞉io nathanekatkhási ne kaniatarakhekó꞉waʼne tánon wahastátʼthate né nón꞉we nohóntsa tsi nón꞉we nikanekhó꞉kwe; tánon thóh nón꞉we nahontóhetste thakésont tsiahónʼne tsi waʼthatihiá꞉iake. Thóh nón꞉we nahakwahtonhnáren rahonháke ne waʼkarihónhni tsi nahá꞉iere,

Exodus 14:21

Ne Mahís iaʼthanénhtsaʼtaʼte é꞉neken ne kaniatarahkheʼkó꞉wa, tánon ne Roiá꞉ner onàhken wahanekenháwiʼte né꞉ne kwáh kawerahshátsʼte ne nákon nonhthakaʼwerénhaʼwe. Ahsonhtaʼkwékon wakʼkáʼweraʼkwe tánon waʼkastháhʼtaʼte ne ohóntsa. Noné꞉kanos tehiotetʼkháshion,

Exodus 14:22

tánon ne lsraerʼró꞉nons waʼthatiʼniataríhiaʼke ne kaniatarakhekowahne kwáh ionhontsatʼtenkowa, kwáh onékanos tewasonhthothakwen ne skatisons nokwá꞉ti.

Exodus 14:29

Ók ne lsraerʼró꞉nons kwáh nènhʼne thaʼkésons niaʼhónhne iathonhnótʼkaʼwe ne kaniatarahʼkheʼkó꞉wa tánon tsi nihioʼhontsátʼthen, tánon skatíson nʼòkwahti waʼshontoʼtáʼtie nʼonékanos.

Isaiah 25:8

Eʼthó꞉ne ne Roiá꞉ner Ní꞉io kwáh ensakokaseró꞉keʼwe tsi niaʼteiekonsákes, tánon ne raonatehénseras ne rahonkwetaʼshón꞉has kwáh akwé꞉kon enren enshaháwiʼte ne tsi ionwenhtsáte, asèken né꞉ne Roiá꞉ner thoʼwenhninekénʼen.

Numbers 33:51

ne tehioterihwasónhteres karihonhnienhnítseras ne Israerʼró꞉nons rahotirihwáke: “Né nó꞉nen iatesewahiá꞉iake ne Jordan niaʼhisewathonhontsiórenhne ne Canaan,

Hebrews 11:29

Tewehtákwen seh wahonónnien ne Israerʼró꞉nons nahatikwéni tahatiʼiáhiake ne Onekwénhtara nikaniataróten tsi síken ne tohnahʼiotónhake nahiohontsiatʼténhake; nók nónen ne Egyptró꞉nons wahonteniénten ne tahatiʼiáhiake nonékanos tahiakoróhroke.

Joshua 4:1

Nó꞉nen kanenhrakwé꞉kon sathatihiáiake ne Jordan, ne Roiá꞉ner wahawénhase ne Joshua,

Joshua 4:10

Ne rokhá꞉res thóh ratà꞉kwe ne satekaniataríhen ne Jordan tsi nió꞉re akwé꞉kon é꞉tho naháwenhne tsi ki nihorihónte ne Roiá꞉ner ne Joshua nashakohró꞉ri nonhkweshón꞉as tsi nahatí꞉iere. Ne kí꞉ken tsi nihotenhnàhon ne Mahís. Nonhkweshón꞉as watotisteríhen wathatiniatarihiáke.

Joshua 4:11

Nónen ratikwé꞉kon í꞉se nakaniatharáti shehón꞉nes, ne rokháres ne raháwe ne Roiá꞉ner Raoneró꞉kwa nateriwaʼseronhniá꞉tshera thóh í꞉wah rahotihénton nonhkweshón꞉a niaháhe.

Joshua 4:22

kwák ki enieʼtsiró꞉ri nó꞉nen ne Israerʼró꞉nons shiathatiniatarihiáke ne Jordan kwáh ki iostaʼténhen nonhóntsa.

Joshua 4:3

Sehrihónten tékeni iawénhre nikanénhiakes iehatíko ne satekaniataríhen ne Jordan, kwáh tsi nónhwe nihátakwe ne rokhá꞉res. Sehró꞉ri iehatíhaf ki onénhias tánon thóh nón꞉we iehatí꞉ie tsi nónhwe nenhsewaná꞉taien nenhiò꞉karawe.”

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.