Joshua 24:9 - Ohiatonhseratokénti

⁹ Ethòne ne ronhnonhtí꞉io ne Moab nónhwe, né꞉ne Balak né roiénha ne Zippor, thá꞉tsisehwatsiathonti. Iahó꞉terihwanieten ne rotó꞉kenhse Balaam né꞉ne roiénha ne Beor tánon wahó꞉rihwanonhthonse natsisehwarewathe.

Joshua 24:9 ပူးပေါင်းရင်းမြစ်များ

Micah 6:5

O akonkweʼtashón꞉as, sasewehiáran ó꞉nen tsi nahó꞉ten ne Ronhnontí꞉io Balak ne Moab sakotenikonrá꞉wi, tsi nahó꞉ten ne Balaam ne roiénha ne Beor waʼthorihwaʼserá꞉kwahse, tánon tsi nitsawénhen ne Shittim tsi nió꞉re ne Gilgal, ne nahónton ahisewahterienʼtá꞉rahne ne iakonónstats rahoiaʼtaterí꞉tsheras ne Roiá꞉ner.”

Numbers 22:2

Nó꞉nen ne ronhnonhtí꞉io ne Moab nónhwe, ne Balak né roʼní꞉ha né꞉ne Zippor, wahatirihwáronhke NʼIsraerʼró꞉nons tsi nishakotiʼieráse ne Amorʼró꞉nons tánon tsi nihonatiokowáhnen NʼIsraerʼró꞉nons né nónhwe nihónhnes,

Judges 11:17

Ethòne ónenh iahonhwaterihwániethe ne ronhnontí꞉io ne Edom nónhwe nahonwarihwanónhtonhse nashakohianerénhseron nahontó꞉hetsthe ne rahonhsáke. Ók ne ronhnontí꞉io ne Edom iáh teshakohianerenhseráwi. Tánon ó꞉ni wahonhwarihwanónhtonhse nònhne ne ronhnontí꞉io ne Moab, iáh nònhne teshakorihwáwi nahontó꞉hetsthe ne rahonhontsáke. Káti ne Israerʼró꞉nons Kadesh nónhwe nahonthatíteron.

Judges 11:25

Íh꞉sehre onhthèken í꞉se sénha sahiánere tsi ní꞉ioht ne Balak né roiénha ne Zippor, né ronhnontí꞉io ne Moab nónhwe? Iáh nonhwénhton teshakonenhró꞉thani nʼIsraerʼró꞉nons, thóh kén nihoiéren? Nonhwénhton kén ateriʼioseráke niahawènonhke nahonthasonhkwahtsiatónhtsion?