Joshua 24:13 - Ohiatonhseratokénti

¹³ Thakwahion nohontsa ne iáh nonhwénhton thènen thóh tesewahiotenhen ó꞉ni ne kanató꞉wanens ne iáh nonhwénhton i꞉se tesewatenatonhni. Tánon ónenh é꞉tho nónhwe nisehwanakere sehwanenharakons né꞉ne iáh i꞉se tesewahietʼthon, tánon ne iakeniewátha karonhthasonhas iáh i꞉se tesewaronhthaietʼthon.’

Joshua 24:13 ပူးပေါင်းရင်းမြစ်များ

Exodus 6:8

Ienkwahiaʼténhawe ne tsi tsohóntsaien né kwáh khehiaʼrahratsʼténhni tsi entekhéhion ne Abraham, lsaac, ó꞉ni ne Jacob; tánon kíʼ í꞉se èntʼtsion tsi kwáh í꞉se ensehwahwenhkónhweʼke. Í꞉i ne Watiá꞉ner.’”

Proverbs 13:22

Thonnonkweʼtaié꞉ri nó꞉nen enhonníheie né꞉ne shakonatereʼokón꞉ʼa enhatiié꞉na ne raonatshokowáhtshera, nok ne iáh tetionkweʼtaié꞉ri nó꞉nen enhonníheie ne raonatshokowáhtshera nen né꞉ne enhatiié꞉na ne tionkweʼtaié꞉ri.

Deuteronomy 19:1

“Nó꞉nen ne Roiá꞉ner sewaNí꞉io sakothónton nonhkweshón꞉as tsi niká꞉ien ne rahononhóntsas tetshisewá꞉wi tánon nó꞉nen shisewaiéhnen ne rahotinatowá꞉nens ó꞉ni ne tsi rotinónhsotons tánon thóh nón꞉we nesewatená꞉taien,

Deuteronomy 8:7

Ne Roiá꞉ner saNí꞉io thóh nón꞉we waʼiaiatenhá꞉wi ne tsi tiohontsí꞉io—ne iohontsá꞉ien kaniaʼtarónhnions ó꞉ni ionaweró꞉tons, tánon ohné꞉kanos iorihonní꞉hon ne tsi tsik nonwéhsons tionekó꞉tons ne tsi ionontahrón꞉nions.

Joshua 11:13

Ethosà꞉ne, ne Israerʼró꞉nons iáh nénhne tehonatenonhkwatékton ne kanatowá꞉nens ne thóh nón꞉we nikanatonhnià꞉ton ne ohtonwakéson, nek khók ne Hazor wahontenonhkwatekthánion, né꞉ne Joshua rotenonhkwatékton.

Joshua 21:45

Ne Roiá꞉ner kwáh orihwakwé꞉kon waharihwaié꞉rihte tsi nishakorahratstén꞉ni nonhkweshón꞉as Nisraerʼró꞉nonhke.