Joshua 23:9 - Ohiatonhseratokénti

⁹ Ne Roiá꞉ner shakohiaʼtinekén꞉en ne tehonatenonhianí꞉tons ó꞉ni ratiʼshátstes tsi niesewé꞉non, tánon iáh nonhwénton nónhka tehiothikwénion ne iaieʼtsihiatsiathóntion.

Joshua 23:9 ပူးပေါင်းရင်းမြစ်များ

1 Kings 21:26

Né kwáh tsiahonháʼa tsioterihwathéhak tsi nihotséren né tsi nishakosénhnaien ne kahiatónhnis, tsi ne nihotiʼiéren ne Amorʼró꞉nons, né꞉ne tsi nikáien ne Roiá꞉ner tesakohiatinekénʼen ne tsi iohontsáien né nonhkweshón꞉as Nisraerʼró꞉nonke tsi niahónhne.)

2 Chronicles 20:7

Í꞉se nonhkwahní꞉io í꞉ken. Nó꞉nen ne shonkweʼtashón꞉as Nisraeʼró꞉nons kénʼen nonhtahón꞉ne kíʼ ionhontsáien, washehiatínekenhkwe nonhkweʼshón꞉as ne kén ratinákereʼkwe tánon né thontaʼshé꞉hion nohóntsa tsi nithonatwatsirínon né Abraham, tiatenhróʼkenʼne, né nahonahwenhkhónhweʼke tsi nénhwe enhkénhake.

Exodus 23:23

Nakeronhiakeró꞉non kwáh entsisewahéntenhse tánon tsi thoʼnonhontsáien ne Amorʼró꞉nons nientsisewahiaténhawe, ó꞉ni ne Hitró꞉nons, ne Perizró꞉nons, ne Canaanites, ne Hivró꞉nons, tánon ne Jebusites, tánon kwáh enkhehiáthonthe.

Exodus 23:30

Khèkok, kén nikonhátie tsi entkáterahthe, tsi nióre iatekaiéri tsi nensewatiókwahske nahisewatsiaʼthakweníiosthe nonhóntsa.

Acts 7:45

Karon tahiotséte, nonkwasótʼtseras ne rohtiʼienáʼon nathósera thóh nitsawénon ne ronwatinihokonkén꞉ens iehothíha nónen ne Joshua skátne niahón꞉ne tánon hiahontiatakwení꞉ioste nonhóntsia tsi niahón꞉ne neh tsi nisakhókwen ne Rawení꞉io ne thiʼkentiokwaténnions. Tánon thóh kaiéntakwe nathóhsera kwáh tsi nikaríwes rónʼnhekwe ne Táwit.

Deuteronomy 11:23

Ethò꞉ne ratikwé꞉kon enshakohiaʼtínekenhwe thí꞉ken onhkweshón꞉as tsi nienhénsewe, tánon ensewatié꞉nawatste ne rahononhontsaʼshón꞉as né꞉ne sénha ratiʼshátstes tsi ní꞉se ní꞉ioht.

Deuteronomy 7:24

Ne rahotinontihió꞉tsheras sewashatstenhserá꞉kon nónhwe nenshakótkaʼwe. Akwáh í꞉se enieʼtsinonhwarià꞉kon, tánon kwáh enhonwatihiataʼnikónhren. Iáh ónhka tahiekwé꞉ni ne taietsí꞉taste; akwáh ratikwé꞉kon tsi enieʼtsinonhwarià꞉kon.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Joshua 15:14

Ne Caleb washakorekwáhthe tsi rathiwatsiratátie ne Anak ne tsi kanatowanénhke—tsi ratiʼtharaién꞉tons ne Sheshai, Ahiman, tánon ne Talmai.

Joshua 23:5

Ne Roiá꞉ner Sewaní꞉io enshakahónhnien nahonshahónkhete tsi nón꞉we ní꞉sewes, tánon enshakothékwathe tsi nienhénsewe. Ensewaié꞉na ne rahononhóntsas, tsi ki nitsisewarahratsténhni ne Roiá꞉ner Sewaní꞉io.

Joshua 23:8

Khé꞉kok, sewarihwatokénhak rahonhà꞉ke ne Roiá꞉ner, tsi niiohʼthonhátie tsi nió꞉re nón꞉wa.

Joshua 24:18

Tsi wetewahwe ne ken nónhwe nihiohontsaien, ne Roiá꞉ner rathikwekon washá꞉kohiatinekenwe ne Amorʼró꞉nons né kenhnonwe nihathinahkerehkwe. Kwáh kahti ó꞉ni enshá꞉kwahiotense ne Roiá꞉ner; rahonʼa seh nonhkwa Ní꞉io í꞉ken.”