Joshua 23:8 - Ohiatonhseratokénti

⁸ Khé꞉kok, sewarihwatokénhak rahonhà꞉ke ne Roiá꞉ner, tsi niiohʼthonhátie tsi nió꞉re nón꞉wa.

Joshua 23:8 ပူးပေါင်းရင်းမြစ်များ

2 Kings 18:6

Kwáh rorihwató꞉kenʼne rahonháke ne Roiá꞉ner tánon iáh nonwénton ne iáh tahowenhnarákwen, ók kwáh kíʼ ranikonrárahkwe roteweiéntonkwe akwékons ne karihwathátseras nètho Roiá꞉ner thó꞉wi ne Mahís.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 11:22

“Sewatewénhnarak tsi taseweʼtahkwénhak orihwakwé꞉kon tsi nakwahró꞉ri: Tsi sewanorónhkwak ne Roiá꞉ner sewaNí꞉io, thóh naʼsewá꞉iere tsi nihá꞉ton, tánon sewariwató꞉kenk tsi nokwáh ne raónha.

Deuteronomy 13:4

Tsi sewáser ne Roiá꞉ner tánon tsisewakwénienst; tsi sewawénhnarak ó꞉ni sewateweiénton ne rahoriwatà꞉tsheras; tsi sewasenhnaiénsek tánon sewariwatokénhak ne rahonhà꞉ke.

Deuteronomy 13:5

Ók ietsinonhwarià꞉kon ónhka ne tehatiriwathétha natetshénseras tó꞉ka ó꞉ni ne rotitokénhse ne ieʼtshiró꞉ris ne tó꞉sa atsisewawénhnaraʼkwe ne Roiá꞉ner, tsi raónha setsisewaniakénton ne Egypt nón꞉we, tsi thóh nónwe nisewanáskwa kén꞉en. Né꞉tho onhkweshón꞉as kwáh ronhnonhkweʼtahétkens ó꞉ni ronhtenièn꞉tha naieʼtsihiatahará꞉kwaʼthe tsi nitsónhe ne Roiá꞉ner tsi nitsisewahró꞉ri nahitsónhnheke. Ó꞉nenk tsi enhonwatinonhwarià꞉kon, ne naónton nahisewá꞉ti kí꞉ken kariwahetkénhsera.

Deuteronomy 4:4

ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 8:20

Tó꞉ka iáh thatsisewawén꞉naraʼkwe ne Roiá꞉ner, ethò꞉ne ki kwáh thóh ní꞉ioht tsi ensewahiatá꞉ton tsi ki ní꞉ioht ne ronatià꞉kes tsi enshakothónte tsi nienhénsewe.

Joshua 22:5

Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

Joshua 23:7

tánon ethò꞉ne iáh othé꞉nen tathaisewateriwahsónhteren kí꞉ken onhkweshón꞉ʼas ne iatehonathaténron tsi nón꞉we nisewénhterons tó꞉sa ó꞉ni ietsinaʼthónsek ne rahotiní꞉ios tó꞉ka ó꞉ni nahí꞉sewatste thí꞉ken kasénhnas nahisewarihwaní꞉ratsthe tó꞉ka ó꞉ni nahisewasénhnaien thí꞉ken niiohokónhas tó꞉ka ó꞉ni ne tahisewatsatʼkhéthe nahothihéntons.

Joshua 23:9

Ne Roiá꞉ner shakohiaʼtinekén꞉en ne tehonatenonhianí꞉tons ó꞉ni ratiʼshátstes tsi niesewé꞉non, tánon iáh nonhwénton nónhka tehiothikwénion ne iaieʼtsihiatsiathóntion.