Joshua 23:14 - Ohiatonhseratokénti

¹⁴ “Nón꞉wa ó꞉nen hiaʼkáhewe nakí꞉heie. Kwáh tsi niatétion sewaterièn꞉thare ne sewerianésons ó꞉ni ne tsi tsónnhe né꞉tho Roiá꞉ner Sewaní꞉io orihwakwé꞉kon thetsisewá꞉wi ne ioiáneres né꞉tho rohraratsthánion. Kwáh tsi nahoʼténhsons rorahratsthánion tsi akwé꞉kon thóh nihiawéhen; iáh nénhska tehiosénhse.

Joshua 23:14 ပူးပေါင်းရင်းမြစ်များ

Genesis 47:29

Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

1 Kings 2:2

“Ónen ónhwe ne kawistáheks nakíheie. Sanikonhranirónhak tánon tashanikonhrakonhthaʼkwénhak,

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

Job Tánon ne Raoronhiakensera 30:23

Wakaterièn꞉tare ní꞉se tsi kwáh ienstiathénhawe ne kenhé꞉iatne, tánon tsi kanónshote iontateweienhtón꞉ni nonkweʼtakwé꞉kon ne iakónnhe.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Ecclesiastes 12:5

Kwáh kíʼ enshetsanísehke kanónhwe ne é꞉neken tiótʼtes, tánon enhiotʼteronhthónhake ne thakésons niáse. Tsi sanonhkwísehrothe karáhken nenhiá꞉wenhne; kwáh tensnhióten sheronhkenéhak tsi nisaktsinhokátha, tánon akwékon naskanéktshera kenkʼtshiénwe. Thóh nón꞉we niahonkwenonhátie nonahkénka iéken naetewatoríhsen, tánon ehthò꞉ne kwáh enwatsiónhnionke ne kanatakónsons.

Ecclesiastes 9:10

Iasátrek kwáh tsi nahó꞉ten ahisahióten, asèken iáh othé꞉nen tehioteriwahtiéren, iáh thaʼhóten tahonhnonthonhniónheke, iáh thahóten thakariwisákonhke, iáh tahó꞉ten thakarihonhniénhnike ne tsi tionhwenhtsáien ne kenhéion—tánon thóh nónhwe niahisenonhátie.

Ezekiel 20:28

Tekhehiaténha ne tsi ionwenhtsáte ne keierahratsʼténhni nenhtekhéhion. Nónenh sahontʼkátho ne tiótʼthe ionhniarónhnions tánon ne óhonte nikaronhtó꞉tens, wahathítate nakonhwanatsienkwahronhniáten. Wahonkenakónhniate tsi nahontsienkwahrónhniate ne wahóntsahate tánon ne otsítsa ne tahatíhawe ne niahatítate.

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Luke 21:33

Karonhia, onȣentsia enȣatohestste, nok nakeȣenna iah neneh nonȣenton tiiakontohestste.

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

1 Samuel 3:19

Tsi nontahateiéron ne Samuel, ne Roiá꞉ner tsi nikwekonháties tánon iáh tehawéron ne skawénhna nonhontsá꞉ke iakaién꞉tane.