Joshua 23:13 - Ohiatonhseratokénti

¹³ kwáh sewaterièn꞉tharak né꞉tho Roiá꞉ner tsi iáh shé꞉kon tahonshasakohiaʼtí꞉nekenhwe tsi nienhénsewe. Khé꞉kok, kwáh eʼnenhonnonhkweʼtahetkénhthake ne sarihwà꞉ke tsi ní꞉ioht ne waterísthaien tó꞉ka ó꞉ni ne kasonhiónhni tánon thóh nihiononhwákthe tsi ní꞉ioht ne ó꞉kwire tsiónhne aieshanonhwá꞉reke tó꞉ka ó꞉ni ne oniónhwara shakaríhsen. Tánon thóh ki nió꞉re nenhénwe tsi ki nió꞉re ne iáh ónhka tsi nítson tsiaʼthahonsahiakothaténronhke ki kén꞉en ionhontsí꞉io né꞉ne Roiá꞉ner Sewaní꞉io tetsisewá꞉wi.

Joshua 23:13 ပူးပေါင်းရင်းမြစ်များ

1 Kings 11:4

tánon tsi nióre ne kwáh shiaʼhoksthénhaʼne tehonwanikonhrakénhnion nashakosenhnaienthákwahke ne thikaniʼioserátes. Iáh teshorihwatókenhne rahonháke ne Roiá꞉ner né Rahoní꞉io kènhne, tsi né nihiothónhne ne ronikénhen Táwit.

2 Kings 17:18

Ne Roiá꞉ner sakonákwahse ne Israerʼró꞉nons tánon éhren wasakoiatenháwite ne rahohénton, ne khók iateshonataténhron ne Judah.

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

2 Kings 25:21

né꞉ne tsi wathonwénhtsaien ne Hamath. Thó nón꞉we ne ronnontí꞉io wahathénnane nahonwatinonwenhseráhrio tánon nahonwatinonwariakónhnion. Ká꞉ti nonkweʼshón꞉as ne Judah nón꞉we éhren wahonwatiʼiatenháwite ne rahononhontsákes tánon wahonwenhnanakeráhkwahte.

2 Kings 25:26

Ethó꞉ne ratikwé꞉kon Nisraeʼró꞉nons, ahotikwahtiéhake khés nahotiʼténtonhke, skát꞉ke ne ronterí꞉ios ratisennowánens, wahonténhti Egypt niahónne, tsioríhwa tsi sakotiʼtsániskwe ne Babyloniaró꞉nons.

Psalms 69:22

Aiáwenhs tsi nihonathénhniote ne ahontakarihónhniaʼte tsi ahonwanateristaiénhase; aiáwenhs tsi nihonatekwáhere skát꞉ne ne ronhtenhroshónhas né ahontakarihónhniaʼte tsi ahonwaʼtisénhni.

Exodus 10:7

Ne ronhnonhtí꞉io rahoʼnhatsherashónhas wahonwénhase, “Tóh nikaríwes kí꞉ken rónhkwe tenshón꞉kwah nikonhráhrake? Iasehiátkaf ne lsraeró꞉nons ronhnónhkwe, ne káti nahónton nahonwasénhnaien ne Roiá꞉ner raotiʼNí꞉io. Iáh kènh tesatʼtó꞉kas ne Egypt tsi ioriwaʼiesàhon?”

Exodus 23:33

Tó꞉sa ieʼtsiríhon thíʼken onhkweshón꞉ʼas ne sewanakerahserákon ahatinákerehke; tó꞉ka thóh nensewáhiere, enhiesónhnien nahisewariwáhnerahke tsi nòkwah Í꞉i. Tó꞉ka enieʼtsisén꞉naien ne raotiníios, kwáh kenhéion tsi ní꞉ioht tsi enieʼtsihiaterístaien.”

Exodus 34:12

Tó꞉sa thènnen sewatianerensehrónhni nonhkweshón꞉á tsi kanakeraseráien tsi nónhwe niahisenonhá꞉tie, tsioríwa nonhtiérenk né꞉ne kenhéion tsi enhesaterístaien.

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Ezekiel 28:24

Ne Roiá꞉ner wahénron, “Iáh ónhka natʼthatieshónha nonhkweshón꞉ʼa ne konhwatewehienaksaténhni Nʼisrael iáh shé꞉kon thóh nahiotónhake tsi ní꞉ioht ne ohíkta tánon onionhwáhra tahonshakonhwahkaréwahthe Nʼisrael. Tánon kwáh enhonahteriéntarahne tsi Í꞉ih ne Wakenonhtí꞉io Watiá꞉ner.”

Numbers 33:55

Ók tó꞉ka iáh taietʼtsihiatínekenhwe né thóh ratinákere, né iatehonataténhron thóh nenhonatakónhthake tsi ní꞉ioht né ashá꞉thara sakaríhsen tánon ohíkta tesawehesthánions ne tsatákta, tánon kwáh ensewaterí꞉io.

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

Deuteronomy 29:28

Tánon káti ne Roiá꞉ner wahotenakwawenhráʼtse, tánon ne kowá꞉nen rahonakwáhtshera é꞉ren washakohiaʼtenhá꞉wite ne rahononhontsá꞉kes tánon thihiohontsá꞉te nón꞉we iashakohiatón꞉ti, tánon tho nón꞉we nihatinákere nón꞉wa wenhniserá꞉te.’

Deuteronomy 30:18

kwáh ki enieʼtsihiathón꞉te—wakwahronkáten ne kén꞉en tánon nón꞉wa. Iáh thahitionhnhésonke ne tsi tiohontsá꞉ien ní꞉se nowáhti ne Jordan né꞉tho ó꞉nen thó꞉wa iahisewatiaʼtakwehní꞉ioste.

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

2 Timothy 2:26

Tanon ehʼthóhʼne entsóntʼthoke tánon ensathiniákenʼne tsi roterístaien ne ótkon, tsi sakoiénen tánon tesakonontónni nahonwahwénnaraʼkwe.

Judges 2:21

iáh kíʼ ónenh tahonshakhehiatínekenhwe nonhkweshón꞉as ne shé꞉kon thóh ratinakerénion ne tsi hiohontsáien ne sharénheie ne Joshua.