Joshua 23:10 - Ohiatonhseratokénti

¹⁰ Kwáh tsikʼónhka ne tsi nítson ensewakwé꞉ni ne énska tewenhniaweheʼtseráhsen niháti nahonhté꞉ko, tiorì꞉wa ne Roiá꞉ner Sewaní꞉io raónha tsi sewaterí꞉iose, kwáh ki tsi nihorahrátston.

Joshua 23:10 ပူးပေါင်းရင်းမြစ်များ

2 Samuel 23:8

Ne kí꞉ken ne raotisenhnashón꞉ahs ne ronterí꞉ios ne Táwit rahonkwetaiéntakwé꞉ne ne Josheb-basshebeth Tahchemonró꞉non; rahón꞉a nohénton iehá꞉takwe kíʼ náhsen nihá꞉ti; ne wáratste raoshí꞉kwara tsi iasakotiatónhti ne shaté꞉kon tewenhniá꞉we nihá꞉ti ronhnón꞉kwe rahón꞉a wasakononwarhiá꞉kon nénskak iakaién꞉te.

1 Chronicles 5:20

Thóh nón꞉we nahatiʼniáheʼse rahonháke ne Rawenni꞉io tánon rahonháke nónh nahonterénhnaien nasakoiénawaʼse, tánon ne Rawenni꞉io watarihwaseráko ne raonaterénhnaient tánon washakosniénon tsi wahonwatisénhni ne Hagrites ó꞉ni ne thonatenhró꞉honhne.

1 Chronicles 5:22

Ronatsokowánenh wahonwatiʼnonhwariákon ne tehontát꞉tsons, tsioríhwa tsi wahonterí꞉io thóh nithonikonhróhtenhne ne Rawenni꞉io. Tánon thóh nón꞉we nihatiʼterónhtaʼkwe tsi niió꞉re iaonhwananahkerákwahte.

Psalms 35:1

Sehiatkónten, Ó Saiá꞉ner, tsi nihiákon ne ionkátʼkonte; sehwaʼterí꞉io tsi nihá꞉ti ne ionhkwaʼterí꞉io!

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Exodus 14:14

Ne Roiá꞉ner rahónʼa entsiʼsewateríʼiose, tánon tót kók níkonh thatheʼsewaʼtótat.”

Isaiah 30:17

Énska tewenhniawehetsheráhsen nihionkwétake enhiontèko né꞉ne saiáta khók asakoterónhkwen, nahatíʼteronhkwe ne wísk niháti kwáh kíʼ ensewatèko, tsi nió꞉re í꞉sek khók iatetshiʼsathaténron kwáh tsi ní꞉ioht ne wateniataroharákwah ne kaniakarakénhiaʼte ne onotoharakénhiaʼte, kwáh tsi ní꞉ioht ne kaswenhkaró꞉hare tsi ionhniáheʼre.

Leviticus 26:7

Kwáh enietʼtsisenhniónhko ne tesewatátʼtsions;

Leviticus 26:8

ne wísk nenhtiónhake ensewakwéni énska tewenhniáwe niháti aietʼtsisénhni, tánon nénska tewenhniáwe niháti kwáh enhatikwéni nashakotisénhni ne oiéri tewenhniawehetsheráhsen niháti.

Zechariah 12:8

Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Deuteronomy 20:3

‘Tsónhkwe ne Israerʼró꞉nonhke, Sewatahonshá꞉tat! Ónhwa wenhniserá꞉te wesewaterihiósere. Tó꞉sa ietsiʼtshà꞉nik ne tesewatà꞉tsons tó꞉sa ó꞉ni sewaʼnikonhrók꞉ten tó꞉sa ó꞉ni sewateroniénthen.

Deuteronomy 20:4

Ne Roiá꞉ner sewaNí꞉io raónha wésewe, tánon entetsítson nateʼsenhniétshera.’

Deuteronomy 28:7

“Ne Roiá꞉ner enshakoshén꞉ni ne ieshá꞉sons nó꞉nen ieniesatiaʼtón꞉ti. Énskak tsi nón꞉we nenʼthón꞉ne tsi ieniesatiaʼtón꞉ti, ók ki tsík nón꞉we nienhatitátke nenhontè꞉ko.

Deuteronomy 3:22

Tó꞉sa ietsitshanísek, asè꞉ken ne Roiá꞉ner sewaNí꞉io raónha entsisewaterí꞉iose.’

Deuteronomy 32:20

‘Kwáh ó꞉nen iáh nonhwénton tahonshakheié꞉nawaʼse; éhtho ki enkatkátho tsi nenhothihiatá꞉wen, thí꞉ken rotinonhtsistaʼní꞉rons, iáh tehothiriwató꞉ken onhkweshón꞉as.

Deuteronomy 32:30

Saiáta ne tehontà꞉tsons raterí꞉ios washakoshén꞉ni ne énska tewenhniaweheʼtseráhsen niháti Israerʼró꞉nons, tánon oié꞉ri natewenhniaweheʼtseráhsen niháti Israerʼró꞉nons tehnihiásek kók ne tehontà꞉tsons wahonwathishén꞉ni? Ne ki aorì꞉wa ne Roiá꞉ner, Raotiní꞉io tsi shakotiathónthakwe; ne roshatstenhserowá꞉nen Raotiní꞉io tsi shakotiakwarí꞉shion.

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

Joshua 23:11

Sewaʼnikónhrarak, káti, tsi sewanó꞉ronk ne Roiá꞉ner Sewaní꞉io.

Joshua 23:3

Sewatkató꞉sehrons orihwakwé꞉kons né꞉tho Roiá꞉ner Sewaní꞉io tsi nishakoié꞉raʼse ratikwé꞉kon kí꞉ken onhkweshón꞉as ní꞉se sewarihwà꞉ke. Ne Roiá꞉ner Sewaní꞉io tsi sewaterí꞉iose.

Judges 15:15

Ethòne wahastsienhtatʼtsénhri ne tewahóntes rarhiotsáke kènhne né꞉ne iáh wahónhnise tsi náhe thawenhé꞉hion. Watatʼtsakéthe tánon wákrakwe, tánon ne wáratsʼthe enskatewenhniawehetserásen niháti ronnónhkwe washakononhwarhiákon.

Judges 3:31

Nó꞉ia ohénton iathonsahá꞉thaʼne né꞉ne Shamgar ronhwáiasts né roʼníha né꞉ne Anath. Rahónʼa ó꞉ni shaʼniakénton ne Israel, etʼnihoiéren iá꞉iak tewenhniáwe niháti washaʼkononhwariákon ne Philistiaró꞉nons né rósthon ne tehiotinákares konwanathorethákwah.

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”