Joshua 22:6 - Ohiatonhseratokénti

^6-8 Ne Joshua ionshasakotó꞉ri nahonsahonhtén꞉ti ratikwekonhátie ne rahohiathateríhtshera tánon ó꞉ni ne ratikwekonhátie ne kí꞉ken owenhnaʼshón꞉as: “Tsi tsisewathenhtiónhe kwáh í꞉ken tsi sewakwáhtse, iohnatiohkowanenhátie ne konhtiʼtshé꞉nens, kawistará꞉kens, owistanoronshón꞉as, teiotwístharon notsí꞉nekwar karísthatsi, tánon wé꞉so naʼtsherónhnias. Rotihiaʼtháhests nónhne né꞉ne sehsewahiátha tsi nahoʼténhsons ietsikwenhá꞉ton ne tesewataʼtsons.” Ethò꞉ne ó꞉nen thonsahontháhakwe sahonhtén꞉ti. Ne Mahís iehotkà꞉wen nonhóntsa ne nà꞉kon nòkwah ne Jordan né꞉ne satehothitiohkwí꞉ien ne Manasseh rahotirihwà꞉ke, ók nó꞉ia satehothitiohkwí꞉ien ne Joshua né꞉ne iehotká꞉wen ne tsi iaʼtewatséntos nòkwah ne Jordan, né꞉ne ó꞉ia kentióhkwas rahotirihwà꞉ke.

Joshua 22:6 ပူးပေါင်းရင်းမြစ်များ

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 47:10

Eʼthó꞉ne ó꞉nen shé꞉kon ne Jacob sahoiaʼtaté꞉rihste ne Pharaoh, tánon sahaiá꞉kenʼne tsi rèn꞉teron ne Pharaoh.

Genesis 47:7

Eʼthó꞉ne ne Só꞉se tahoiaʼtínionʼte ne roʼníha Jacob ne tahotenró꞉seron ne Pharaoh, tánon ne Jacob wahoiaʼtaté꞉rihste ne Pharaoh.

2 Samuel 6:18

Nó꞉nenh ne Táwit sahá꞉sa tsi roteskón꞉tahkwe tánon tsi washakótatʼtse ne otsiokwahtokénti, washakoiathatériste nonkweʼókons thóh raosénhnakon ne Sakoiá꞉ner ne ratironhiakerónons,

2 Samuel 6:19

tánon wateshakorehniáten ne káhkhwa tsi ratinakeréhnion onkweʼtakwé꞉kon, ne ne kwáh kentsiokwakwékon NÍsraerʼronónke, thaʼtetsarónhkwen ronʼnón꞉kwe tánon ne konnón꞉kwe, satiʼiatátʼtions tasaká꞉wen énska teiotenatarakweʼnón꞉ni, kén nikawahrá꞉ha, tánon énska ne tkanén꞉hara watenátaronte. Ehʼthóhʼne ratikwé꞉kon nonkweʼókons tsi thotiʼnonshó꞉tons nionsaón꞉ne.

2 Samuel 6:20

Ne Táwit ionsáhreh ne tahonsahontátʼken ne raowá꞉tsireh. Ók ne Michal ne ne sakoién꞉ha ne Saul takaiá꞉kenʼne ne tahiatátken Táwit, tánon wakén꞉ron, “Kwáh ne ronnontí꞉io NÍsraerʼronónke wahatatʼtsenówanate nón꞉wa wennhniseráte, tsi wahathatenotstón꞉ni ahotihénton ne raonhatserashón꞉ʼahs konnón꞉kwe, tsi ní꞉ioht ne kwáh tsikhónkak ne teotenonwahroʼrítonhte rónkwe nontiérenk ahathatenhostónhni!”

1 Kings 8:66

Né satekonháton siwenhniserakéhaton ne Solomon shasakotékwahte nonhkweshón꞉as nahonsahonthénhti. Kwáh kíʼ ratikwékon tsi wathonwarénhsaron tánon shonatsenhnonhnihátse tsi sahonthénhti tsioríhwa akwékon ne Roiá꞉ner rahohiathateríhtseras thó꞉wi ne rahonhátsera Táwit ó꞉ni nonhkweshón꞉a Nisraerʼró꞉nonhke.

2 Chronicles 30:18

Shé꞉kon ó꞉ni, iaʼkotiokowáhnen thóh nón꞉we nitiakawéhnon tsi ratitáraiens ne Ephraim, Manasseh, Issachar, tánon ne Zebulun iáh arèko thóh teshotiʼiéren norihwahkáion tionhtonhnakanonhnithákwah, ók kí Ronnontí꞉io Hezekiah waʼshakoterenhnaiénhas, thóh nék kí ó꞉nen ónhton nahónhneke ne é꞉neken iotohetstákwen kákhwa, iawerohátien tsi iáh éhthohʼtèhiot tsi tewatróhris ne Rawenni꞉io raoianerénhseras. Asèken wahénron ne Hezekiah, “Aiáwens ne Roiá꞉ner, né thorihwaʼiéri, sheʼsakonikónhrens orihwakwékons kí꞉ken.

Exodus 39:43

Ne Mahís kwáh akwékon niaʼhakenhenhiónko tánon wahatkátho akwékon thóh ní꞉ioht tsi kasahánion kwáh kíʼ tsi nihontenhnáhon ne Roiá꞉ner. Káti ne Mahís wahahiatatéristhe.

Luke 2:34

Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.

Luke 24:50

Ethone onen astste niiasakohiatenhaȣe tsiniiore Bethani, nok ehneken iathatsiatate oni ȣasakoiatateriste.

Joshua 14:13

Ne Joshua wahohiaʼtaté꞉risthe ne Caleb ne roiénha ne Jephunneh tánon taháwenh ne kanatowá꞉nen Hebron nahowenhkénhake.

Joshua 24:28

Ethòne ne Joshua shá꞉sakorekwahthe nonhkweshón꞉ʼas, tánon ratikwékon thóh nónhwe nionhsahonne tsi nónhwe thó꞉nonhontsaientons.

1 Samuel 10:25

Samuel washakoró꞉ri nonkweʼó꞉kons ne raioianerénseras ó꞉ni tsi niʼioterihwaiénhni ne kanontiʼiótshera; tánon kahiatonhserá꞉kon wahaiá꞉ton tánon thóh wahá꞉ien raoʼhén꞉ton ne Roiá꞉ner. Nèthoh nón꞉we iahatakweʼniaien tsi nón꞉we niʼiotokénti. Eʼthó꞉ne ó꞉nenh washaʼkoró꞉ri tsi thotiʼnonsó꞉ton niaʼhonsahón꞉ne.

1 Samuel 13:2

Ne Saul áhsen-tewenhniawehetsherásen nihá꞉ti wasakoiataráko thóh nón꞉we Israerʼronónke; tékeni tewenhniawehetsherásen nihá꞉ti Saul ratikwekonhátiesʼkwe ne Michmash nón꞉we tánon ne tsi ionhniarónhnion kanakeraseráien ne Bethel, tánon énska tewenhniawehetsherásen nihá꞉ti ne ne ratikwekonhá꞉tiesʼkwe ne roién꞉ha Jonathan thóh nón꞉we Gibeah ne ne Benjamin ahotonhwenhtsáke; ne ronátiakes nonkweʼshón꞉ʼahs ionshasakotóri tsi tonathatoserótons niahonsahón꞉ne.

1 Samuel 2:20

Eʼthóhʼne kiʼ ne Eli kwáh enhohiatatérisʼte ne Elkanah tánon ne ró꞉ne, tánon ratónhnions, “Aiá꞉wenhs ne Roiá꞉ner ó꞉ia ahonsahiawíron tsi nenhtsowiraiéntaʼne kí꞉ken iónkwe ne tahonsahionatʼtákwen tsi nikáien tsiaʼtonhnaráni ne rahonháke”; tánon eʼthó꞉ne ó꞉nen tsi thotinónhshoʼte nienhénsne.