Joshua 22:5 - Ohiatonhseratokénti

⁵ Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

Joshua 22:5 ပူးပေါင်းရင်းမြစ်များ

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 78:7

Thóh ká꞉ti kí kén ní꞉ioht ne ronónha tsi entonwéthakwe ne Rawenni꞉io, tánon iáh tahotiʼnikónhren tsi nahó꞉ten rohiothénhen, ók enhontiénawasthe ne raorihwatátsheras;

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Exodus 20:6

Ók wakenestonʼhátie nakenoʼronhkwáhtshera né꞉ne niaʼteweniawenhehtsherásen tehioteresehrásere né꞉ne tsi niháti ne ionhkenorónhkwa ó꞉ni rontewenhnaráhkwah naʼtianerénsehras.

Exodus 23:13

“Shaʼthahónshatat oriwakwékon tsi Í꞉i, ne Watiá꞉ner, wakonró꞉ri. Tó꞉sa roʼnonháke nónhwe nasaterenhnaiénsek ne thiʼkaniʼiosehrátes; akwékon tó꞉sa sehnáhton.

Exodus 23:25

Tó꞉ka enseksénhnaien, ne Watiá꞉ner Saní꞉io, Kwáh kíʼ ne enkonhiathaterísthaʼkwe ne kákhwa ó꞉ni nonékanos tánon akwékon èhren entkáwithe ne sannratarinétsheras.

Proverbs 4:23

Seʼnikón꞉rarak tsi ní꞉ioht tsi sanonhtónnion; tsi sónhnhe ne kaieronnítstha tsi ní꞉ioht tsi sanonhtonniónkwahs.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Matthew 22:37

Tontahenron ne Iesos: Sanikonrakȣekon satonnhetserakȣekon seriasakȣekon oni tsi entsenonȣehake ne Niio Raȣeniio tsi Sonnhe.

Matthew 4:10

Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Matthew 6:24

Iah taonton onka tekeni taokosȣetseraientake; aseken tokat saiatatenhosȣen, onhononȣene ne saiatat; ok neʼsʼenʼs ne saiatat enhokonnienste, enhokenron ki ne saiatat, iahkati oni nise taonton ne sataietsiiotense, ne Niio tanon notkonseraksen.

Luke 1:74

Tsi, ensesonkȣanerensi tsi ionkhinaskȣaien ne ionkhikenrenseronnis, nok ensesontion ne Skennen tatsiteȣasennaien.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

John 14:15

Toka takȣanoronkȣa seȣateȣeienton ki nakeriȣaokon.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 11:1

“Tsenó꞉ronk ne Roiá꞉ner saNí꞉io tánon tió꞉konte akwé꞉kon satewénhnarakwak ne raoianerénhseras.

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 11:22

“Sewatewénhnarak tsi taseweʼtahkwénhak orihwakwé꞉kon tsi nakwahró꞉ri: Tsi sewanorónhkwak ne Roiá꞉ner sewaNí꞉io, thóh naʼsewá꞉iere tsi nihá꞉ton, tánon sewariwató꞉kenk tsi nokwáh ne raónha.

Deuteronomy 13:4

Tsi sewáser ne Roiá꞉ner tánon tsisewakwénienst; tsi sewawénhnarak ó꞉ni sewateweiénton ne rahoriwatà꞉tsheras; tsi sewasenhnaiénsek tánon sewariwatokénhak ne rahonhà꞉ke.

Deuteronomy 4:29

Thóh nón꞉we entsisewahiaʼtí꞉sake ne sewaNí꞉io, tánon tó꞉ka seweriaʼsakwé꞉kon sewatonhneʼtserakwé꞉kon tsi entsisewahiaʼtí꞉sake, entsisewahiataʼtshénri.

Deuteronomy 4:4

ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 4:6

Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 5:10

Ók wakeʼnéston nakenoronhkwátshera né꞉ne niwenhniaweheʼtsherásen natewatereʼserà꞉sere; tsi nihiá꞉kon ne ionhkenorónhkwa ó꞉ni rontewenhnaráhkwa natianerénhseras.

Deuteronomy 6:17

Orihwí꞉io tsón꞉ni akwáh sewatewénhnarak akwé꞉kon ne kaianerénhseras ne tetshisewawíhon.

Hebrews 12:15

Tashatáthene tóhsa ahonsesharihwahnóron ne Rawenni꞉io raoténrat. Tóhsa ónhka ne thóh nahiakohiátawen tsi ní꞉ioht ne kahontátʼsen nenwahtehiáron tánon wéso tsi nenkáiere ne wahétken ne tsi ióien ne kanonkwahtsheráksen.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

Joshua 23:8

Khé꞉kok, sewarihwatokénhak rahonhà꞉ke ne Roiá꞉ner, tsi niiohʼthonhátie tsi nió꞉re nón꞉wa.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

1 Samuel 12:20

Tánon ne Samuel wasakawénhase nonkweʼókon, “Tó꞉sa sewaterónsek; ní꞉se thóh akwé꞉kon nisewaiéren kiʼ ioriwatsáni, tó꞉sa sewatiaʼtonhtáko tsi tsisewanonterátie ne Roiá꞉ner, ók tetsisewarihwásnies ne Roiá꞉ner kwáh sewehrhiaʼsakwékon kénhak;

1 Samuel 12:24

Nek khók tsi tskweniénsták ne Roiá꞉ner, tánon tetieriwásnies sariwatokénhak kwáh serhiasakwékon kénhak; asèken tetiatóret tsi nahoténsons ne iorihowá꞉nens tsi niʼiatieráse.

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”