Joshua 22:22 - Ohiatonhseratokénti

²² “Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!

Joshua 22:22 ပူးပေါင်းရင်းမြစ်များ

1 Kings 8:39

sehiatʼthóntet tsi nihonaterénhnaien. Tasehiatʼthóntet ne tsi teshí꞉teron ne karonhiáke, shaʼsenikónhrens, tánon sé꞉ienahwas. Kwáh í꞉sek khók sateriéntare tsi nihiakononhthonʼnionhtseró꞉tens nonhkweshón꞉as ó꞉ni tsi nihiakerhiasóhtens. Tiehiatátʼtions tsi sekenhéhions tsi natahonathénhtionhke,

Job Tánon ne Raoronhiakensera 10:7

ethosà꞉ne saterièn꞉tare né꞉tho tsi iaothén꞉non tewakení꞉kon, tánon iáh ónhka nahonsahiontsiathotaríhsi ne shatsaʼnà꞉ke

Job Tánon ne Raoronhiakensera 23:10

Ók kí roterièn꞉tare tsi natekatekhaháhkwa; nó꞉nen rakateʼniénhten, tsi thenʼtiá꞉kenhne kwáh ne ne owistanó꞉ron.

Job Tánon ne Raoronhiakensera 31:22

Thó꞉ne kíʼ aíá꞉wens akatenentsatáko; aíá꞉wens kwáh kíʼ tewaterá꞉tiont ne knenhsá꞉ke.

Psalms 136:2

O tetsisewanonhweráton ne Rawenni꞉io asèken sakotohesténhni ne ratiniʼiohokónhas, asèken ne iorihwatóken raonoronhkwáhtshera tsi nénhwe enkátake.

Psalms 37:6

Né enrónhniathe ne shariwahkwarihshióntshera thóh nataioswát꞉theke, tsi ní꞉ioht nó꞉nen éntie nón꞉we nikaháwi nikará꞉kware.

Psalms 40:9

Né tsi iakokʼkenhníson ne shonkwetaʼshón꞉has, Saiá꞉ner, Wakatróri ne karihwí꞉io tsi takwahiatanóns꞉taton. Saʼteriéntare tsi iáh nonwénhton takát꞉kawe tsi enkatroríheke.

Psalms 44:21

kwáh orihwiʼiohónwe tsi aʼhisatthókenh? Tsioríhwa tsi akwékon niesateriénhtare tsi nihiakwahrihwaséhtha nonkwanontonhnióntseras.

Psalms 44:22

Ók í꞉se thesanónhtons tsi tiotʼkonhónwe ionkhinonwarhiákons, thóh nihionkhiʼiérase tsi ní꞉ioht ne teiotinakarontónha konwaʼnawent꞉tóhsere.

Psalms 50:1

Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

Psalms 82:1

Rawenni꞉io tesakoniarotáron ne raonhatsherashónhas ne karonhíake; raotinenhríhen ne ratironhiakerónons nón꞉we nisakorihwénhtha:

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Psalms 97:7

Akwékon tsi nihatisénhnaiens ne kaiatonnishónhas waʼkonwanatéhaʼte, tsi niʼiákon né thóh nón꞉we nateierénhsarons ne iáh othènon tekarihwásthas kaiatonnishónhas; ratikwékon ne niʼiohokónhas tehontsátʼtons raohénton ne Roiá꞉ner.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

Malachi 3:18

Eʼthó꞉ne shé꞉kon énska iensewáteratsteʼ kwáh ensewatkáhtho tsi naʼtetiattíhen ne iakoiánere tánon ne iakonkweʼtahétken, tsi naʼtetiattíhen nónhka ronwaioʼténhse ne Rawenni꞉io tánon ne iáh tehonwaioʼténhse.

John 21:17

Sekon are sahenron onen neh nasenhaton: Simon Jonas iaienha takenoronkȣaken? ȣahonikonraksen ne Tier tsi asen natontahatnaneta tsi raton: takenoronkȣa ken? tontahenron kati: saianer ise noriȣakȣekon tsienteri, saterientare tsi konnoronkȣa. Tontahenron ne Iesos: shenont kinio naketsenenhokon.

Acts 1:24

Ehʼthóhʼne wahonterénnaien, “Saiáner, í꞉se akwé꞉kon senikonraientéri, káti takwanatónhas ónka kí꞉ken tenihiáse ne sehiatarákwen

Acts 25:11

Tóhka tewatiákon ne kaianerénsersa tánon kniwakatiéren neh tsi tahonkaténtion ne kenhéiat, iáh tekeriwanóntʼtha nakeniákenne neh kenheiát꞉ne. Nók tóhkaʼ iáh thènen tekáien nakariwaniráton tsi nihionkeriwáros, iáh ónhka taiekwéni ne iahionkátʼkaʼwe ne ronónhake. Caesar enhinéken.”

2 Corinthians 11:11

Nok iáh kiʼ nek té꞉ken tóka ken iáh takwanorónhkhwa꞉ke? Rawenni꞉io roterién꞉tare tsi kwanorónhkhwa!

2 Corinthians 11:31

Ne Rawenni꞉io raónha ne kaʼníhsera í꞉ken ne Roiá꞉ner Ié꞉sos ronwahsennaiénhshek tsi nén꞉we! Roterién꞉tare tsi iáh tewakanowénhton.

2 Corinthians 5:11

Ionkwaterién꞉tare nahò꞉ten kén꞉ton nahonwakweniénste ne Roiá꞉ner, ó꞉ni kwáh ieiakhiʼnikonhrhá꞉reks ne niaʼteionkwé꞉take raonhà꞉ke niá꞉ien. Rawenni꞉io raonhá꞉ʼa khók roterién꞉tare tsi nitewaweiennò꞉ten, nok aiá꞉wens aisewaterién꞉tarake tsi nitionkweʼtò꞉tens.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Hebrews 4:13

Kwáh iáh thahóten thaónton nahotashéten ne Rawenni꞉io; kwáh tsi nahoténshons ne kashahánion tehkatakwahríhton ne raohénton. Tánon rahonhà꞉ke nón nihionkwahteriwahiénni akwékon entiohétsthe tsi nahionkwahtiéren.

Joshua 22:21

Nonhkweshón꞉ás ne tsi kentióhkwaien ne Reuben, Gad, tánon ne nà꞉kon nòkwah ne Manasseh wathatirihwaʼsehrá꞉ko ne ononhtsikowaʼtsons ne tsi rathiwatsí꞉raiens ne iaʼtewatséntos nòkwah rathitióhkwaiens:

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

1 Samuel 2:3

Tó꞉sa isiʼnónwe nonsashatáti shó꞉tsi kwáh ashenáieʼke, tó꞉sa serí꞉hon natatʼkowahnátshera thóh nahontáwe tsiʼtsakáronʼte; asèken ne Roiá꞉ner ne ne Ní꞉io nakwé꞉kon tseoteriéntare, tánon rahón꞉a tsi niʼieweiennótens nónkwe rakontieríhara.