Joshua 22:19 - Ohiatonhseratokénti

¹⁹ Ethosà꞉ne, tó꞉ka ne tsi tionhontsá꞉ien iáh tehió꞉wenk ne nón꞉we nahionterénhnaien, ken nòkwah nonhthásewe tsi rothonhontsá꞉ien ne Roiá꞉ner, ne tsi nón꞉we nihotaʼtóhserote. Sewathonhontsará꞉ko tsi nón꞉we nihiákwes. Ók tó꞉sa ki tsisewanowénhten ne Roiá꞉ner ók tó꞉sa ki thakwaʼnikonhráten ne nahitsón꞉ni ne ietsienharáhkwa tánon ne iahisewawénhtate shé꞉kon ó꞉ia ne ietsienharáhkwa ahitsón꞉ni ne Roiá꞉ner Onhkwaní꞉io rahorihwà꞉ke.

Joshua 22:19 ပူးပေါင်းရင်းမြစ်များ

2 Chronicles 11:13

Nakwékon tsi kanakerasehrakérons Nisraeʼró꞉nonke ne ratitsihénstatsis ó꞉ni ne Leviró꞉nons entiéne nokwáhti tahatiʼiénhthakwe tsi Judah nón꞉we tsi thóh nón꞉we nahónhnewe.

Exodus 15:17

Taʼsehiatínionhthe tánon washé꞉teron ne tsi sateʼnonhtáʼhere, nètho athená꞉ta tsi i꞉se, Saiá꞉ner, saráhkwen eh hashiʼterónh꞉take, nononsatoʼkénti tsi iateshá꞉ti sanonsónhni.

Daniel 10:13

Ne raronhiaʼkehró꞉non ne tehshakónhes tsi kanakerahserá꞉ien ne Persia tewáhsen énska niwenhniserá꞉ke wahatioʼtátshe. Eʼthó꞉ne Wíshe, raónha ó꞉ni nohén꞉ton ié꞉rate ne ratironhiaʼkehró꞉non, tá꞉re wahatié꞉nawaʼse, né tsi iaʼtewatiatístonʼne ne Persia nón꞉we.

Amos 7:17

Ne káti aorò꞉wa rá꞉ton ne Roiá꞉ner: ‘Né tesenitéron tsotakwahkaré꞉ni enhiónton ne kanatowanénhke, tánon ne sanekenteronhtserashón꞉as ó꞉ni ne saiatasetserashón꞉as asareʼkó꞉wa enhotirió꞉te, tánon ne sonhóntsa enwasehrihiethénton tsi thenkenhnarihtónhke; ní꞉se iateshiá꞉ti thóh nón꞉we nenhsí꞉heie ne iáh tehiotonhontsiatkwé꞉niens, tánon nʼIsraerʼró꞉nons orihwiiohón꞉we tsi enhonhnakerá꞉ko ne raononhontsá꞉ke.’”

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 22:11

Ne ronátiaʼkes Nisraerʼró꞉nons wahonwatiró꞉ri, “Sewatahónshatat! Nonhkweshón꞉as ne rahotitióhkwakons ne Reuben, Gad, tanon ne nà꞉kon nòkwah ne Manasseh ronón꞉ni ietsienharáhkwa ne Geliloth nón꞉we, ne tsi nòkwah nonhkwáhwenk ne Jordan!”