Joshua 22:18 - Ohiatonhseratokénti

¹⁸ Iáh ken tahisewaʼthóntate natsisewásehre nón꞉wa? Tó꞉ka ensewatewenhnónhti tsi nòkwah ne Roiá꞉ner nón꞉wa wenhniserá꞉te, kwáh í꞉ken tsi iatehionkwè꞉thakes tsi enshakonákwahse Nisraerʼró꞉nonhke nenhió꞉renhne.

Joshua 22:18 ပူးပေါင်းရင်းမြစ်များ

2 Samuel 24:1

Shé꞉kon á꞉re ne raonhakwáhtshera ne Roiá꞉ner sahióteke nasakokkónten Israerʼró꞉nons, tánon Táwit wahó꞉nhane nasakotsirónhnien,

1 Kings 9:6

Ók tó꞉ka ní꞉se tánon tsi niensatwatsírihne ensewákatʼwe tsi takwahnonhteráties, ensewatewenhnónhti ne kaianerénhseras ó꞉ni ne kariwatátʼtseras né tkonhiáwi, né ensehsénhnaien ne tikanihiosehrátes,

2 Kings 17:21

Nó꞉nen ne Roiá꞉ner sateshakokʼkháshion Nisraeʼró꞉nons tánon ne Judahró꞉nons, Nisraeʼró꞉nons né꞉ne Jeroboam waʼhonwanontiʼiotserónhni né꞉ne roʼníha ne Nebat.

1 Chronicles 21:1

Né Sakoriwaros wahateniénten nashakoritstónhnien nonkweʼshón꞉as Nisraeʼró꞉nonke, ká꞉ti wahahónhnien ne Táwit niatahorihwaʼiéntaʼse nahasenhnaróhroʼke.

1 Chronicles 21:14

Sók kíʼ ne Roiá꞉ner kanhratarihnhétshera tashakoteniéten nonkweʼshón꞉as, tánon tsáta-niwáhsen tewenʼniaweʼehtsherásen nihá꞉ti wahonhníheʼie.

2 Chronicles 25:27

Tsi ná꞉he etʼtsotásawe nó꞉nen sahotiathonhthákwahse ne Roiá꞉ner, ronhwateristaienhníhaʼkwe né Jerusalem nón꞉we. Khareʼónenh tsitkanatowaʼnénhke ne Lachish niahá꞉re, ók kíʼ né ronhwáshons wahonwásehre tánon thóh nón꞉we iahonwanonhwarhiákon.

2 Chronicles 34:33

Né Ronnontí꞉io Josiah waharihwahthonhthánion akwé꞉kon ne ioterihwatéhas kahiatonhnisónha né thóh kaiénthakwe kanakerahserákon né꞉ne raonawenhkénhʼen nonhkweʼshón꞉a Nisraeʼró꞉nonke, tánon kwáh tsi nikaríwes enrónhnheke, waʼshakorihwanónhtonhse nonhkweʼshón꞉a nahonwahiótenhse ne Roiá꞉ner, ne sako Ní꞉iokwe ne sakotisotʼthonkonhkénʼen.

Leviticus 10:6

Ethòne ne Mahís washakawénhase Aaron tánon ne shaʼkohiohokónhas Eleazar tánon ne Ithamar, “Tó꞉sa ne iáh thaʼhisehwatkhorothíʼen tó꞉ka ó꞉ni nahisehwaʼraʼtsiónko ne sehwatʼtserónhnia nahisheʼwénestʼte nahisewatʼtsiónhnionhke. Tó꞉ka thóh nensehwá꞉iere, kwáh kíʼ enshewénheʼie, tánon ne Roiá꞉ner kwáh kanakeraserakwékon tsi enshaʼkonákwahse. Ók ratikwékon ne roná꞉tsiakes Nisraerʼró꞉nons enwáton né nahontsiónhnion tsi nòkwah kíʼ kén kenhéiat tsioríhwa tsi ótsire thóh naká꞉sa ne tsi Roiá꞉ner thotʼtsiratheniéton.

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 32:15

Tó꞉ka í꞉se ne tsónkwes ne Reuben tánon ne Gad iáh tésehwere naʼtsisewanonteratiéson, shé꞉kon kíʼ enhsehsakotewénhtethe onhkwetakwékon ne kénʼen karakonkówa íken, tánon í꞉se kíʼ ensehwatʼkhéthate ne rahonatkaronhniátshera.”

Deuteronomy 7:4

tiorí꞉wa ethò꞉ne ne ietsiʼienhokónhas étren ienhonwatihiatenháwiʼte raonhà꞉ke ne Roiá꞉ner ne enskonwasén꞉naien ne akò꞉ren niʼiohokónha. Tó꞉ka thóh nenhiawènhne, ne Roiá꞉ner entsisewanáhkwaʼse tánon óksak entsisewáhtonʼte.

Joshua 22:15

Iahónhnewe tsi tiohontsá꞉ien ne Gilead, thóh nón꞉we nonhkweshón꞉as ne Reuben, Gad, tánon ne nà꞉kon nòkwah ne Manasseh,

Joshua 22:16

tánon shakotiʼthará꞉nis kwáh kanenhrakwé꞉kon ne Roiá꞉ner rahonkweʼtashón꞉as, washakotiró꞉ri, “Nonhtié꞉ren tsi ki thóh nikarihwahétken tsi nesewátiere tsi nòkwah ne Sakoiá꞉ner Nisraerʼró꞉nonhke? Watsisewawenhnónhti ne Roiá꞉ner tsi wetsónhni kí꞉ken ietsienharáhkwa ne ní꞉se sewarihwà꞉ke! Iáh ó꞉nen tetsitsewanonhteráties!

Joshua 22:20

Shasewehiá꞉rahn tsi ní꞉ioht ne Achan ne roiénha ne Zerah iáh tehotewenhnaráhkwen tsi nikarihwatháton tsi nòkwah ne watkénston karihwaieshá꞉tsheras; kwáh kanenhrakwé꞉kon ne Israerʼró꞉nonke tsi wahotré꞉waʼthe ne wakarihón꞉ni. Ne Achan iáh rahonhá꞉kok tè꞉ken tsi rawenhé꞉ion ne iorihón꞉ni ne rahorihwaneraháktshera.”

Joshua 7:1

Ne Roiá꞉ner washakoʼtiawénhratse Nisraerʼró꞉nonke ne tó꞉sa othé꞉nen iehatíhaf ne Jericho akaiénthake né꞉ne akariwathóntonhke tánon iáh tehonatewenhnarákwen. Rónhkwe né꞉ne Achan ronhwáiats iáh tehotewenhnaráhkwen tsi nihonhwaró꞉ri, tánon káti ne Roiá꞉ner wahotenaʼkwawénhratse tsi nòkwah ne Israerʼró꞉nons. (Ne Achan ne roiénha ne Carmi tánon ne rotheréha ne Zabdi, tánon thóh nónhwe nihahià꞉tare ne Zerah rahotiʼthá꞉rakon, né꞉ne nihiorihwáha né꞉ne Judah rahotitióhkwa.)

Joshua 7:11

Israerʼró꞉nons wahatirihwanérahke! Wathatíhiake naterihwaʼsehronhniá꞉tshera nakonhà꞉ke né꞉tho kheró꞉ri nahontié꞉nawatste. Iehothíha tsi nahoʼténhsons ne watstháshion nakarihwaieshá꞉ton. Wahatinénsko, wahonʼnó꞉wenhthe, tánon rahonawenhsónhas iathatí꞉iesthe.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

1 Samuel 12:14

Tó꞉ka entsisewaʼkweniénstaʼke ne Roiá꞉ner tánon tentsisewarihwásnieʼse tánon ensewatahón꞉satate ne raowenhnaókon tánon iáh tahisewatewenhnarákwahne ensewatʼkón꞉ten ne raorihwatátʼtsheras ne Roiá꞉ner, tánon tó꞉ka tesenitsáron, í꞉se tánon ne ronnontí꞉io tsi raón꞉ha tniaʼniaró꞉taron kwáh entsehsení꞉sere ne Roiá꞉ner Sewaní꞉io, kwáh kiʼ enʼioianeréhake;

1 Samuel 12:20

Tánon ne Samuel wasakawénhase nonkweʼókon, “Tó꞉sa sewaterónsek; ní꞉se thóh akwé꞉kon nisewaiéren kiʼ ioriwatsáni, tó꞉sa sewatiaʼtonhtáko tsi tsisewanonterátie ne Roiá꞉ner, ók tetsisewarihwásnies ne Roiá꞉ner kwáh sewehrhiaʼsakwékon kénhak;