Joshua 22:10 - Ohiatonhseratokénti

¹⁰ Nó꞉nen ne tsi kentióhkwaiens ne Reuben, Gad, tánon ne nà꞉kon nòkwah ne Manasseh iahón꞉newe ne Geliloth nón꞉we, ské꞉kon né꞉ne tsi iaʼtewatséntos nòkwah ne Jordan, kowá꞉nen wahonhnón꞉ni ne iohrá꞉se ietsienharáhkwa thóh kaniataráktha.

Joshua 22:10 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 28:18

Kíʼ ne Jacob ohrhonʼkéhstsi wahatkétsko, waʼthanén꞉iahkwe ne rotkòn꞉serahkwe, tánon wahanenió꞉ten né wahatenawaʼahtónniaʼte tánon eʼthó éʼneken tahrenienáweron.

Isaiah 19:19

Né thóh entewenhniseráteʼke ieʼtsienhará꞉kwah enhatiʼien ne raorihwàke ne Roiá꞉ner thóh satehʼionhontsíhen ne Egypt, tánon enhonwahnawahathókʼthase ne Roiá꞉ner ákta ne tsi ronateristhaʼtátie.

Joshua 22:11

Ne ronátiaʼkes Nisraerʼró꞉nons wahonwatiró꞉ri, “Sewatahónshatat! Nonhkweshón꞉as ne rahotitióhkwakons ne Reuben, Gad, tanon ne nà꞉kon nòkwah ne Manasseh ronón꞉ni ietsienharáhkwa ne Geliloth nón꞉we, ne tsi nòkwah nonhkwáhwenk ne Jordan!”

Joshua 22:9

Káti nonhkweshón꞉as ne rahothitióhkwakons ne Reuben, Gad, tánon ne nà꞉kon ne Manasseh sahonhtén꞉ti. Ehʼneiehathì꞉teron ne ronátiaʼkes Nisraerʼró꞉nons thóh tsi ionhontsá꞉ien ne Canaan tánon tahonthásawen thóh nionhsahónhne tsi thóh nonhontsá꞉ien, ne꞉ne tsi tiohontsá꞉ien ne Gilead, né꞉ne ronatiaʼthakwehniióston tsi nihorihwí꞉son ne Roiá꞉ner rahonhà꞉ke ne Mahís.