Joshua 21:45 - Ohiatonhseratokénti

⁴⁵ Ne Roiá꞉ner kwáh orihwakwé꞉kon waharihwaié꞉rihte tsi nishakorahratstén꞉ni nonhkweshón꞉as Nisraerʼró꞉nonhke.

Joshua 21:45 ပူးပေါင်းရင်းမြစ်များ

1 Kings 8:15

Wahénron, “Tehonwanonhweráton ne Roiá꞉ner Sakoní꞉io Nisraerʼró꞉nonhke! Rotienawáston tsi nihorahratsʼténhni ne rakenikénhen Táwit, nó꞉nen sahoróri,

1 Kings 8:20

“Tánon ónenh kíʼ ne Roiá꞉ner rotienawáston tsi nihorahrátston. Í꞉i teshiʼnatʼthakwénhni ne rakeʼníha tsi rononhtí꞉ioʼkwe ne Israerʼró꞉nonke, tánon kíʼ wakenonhsónhni nononsatokentiʼkówa nahonwasenhnaienthákwahke ne Roiá꞉ner Sakoní꞉io Nisraerrónonke.

1 Kings 8:24

Shatienawáston tsi nitsiarahratsʼténhni ne rakeʼníha Táwit: ónhwa wenhniseráte kwáh tsi niaʼtekawénhnake tsi ionanónhon.

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Isaiah 48:3

Né tiotihénton norihwasónhas I꞉i tewakerihwatét꞉ton ne wahónhnise tkènhne, tsitʼsaká꞉ronhte tiotihiakénʼon tánon waʼkerihowanáton; eʼthó꞉ne thontaiawéhnstsi thóh nátiere tánon thóh nahá꞉wenhne.

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

1 Corinthians 1:9

Rawenni꞉io seh ronwahniahesénhak, ne Rawenni꞉io tsi nikáien ne iehianáton taitiateriwahshónteren ne Roiénha Ié꞉sos Kerístos.

1 Thessalonians 5:24

Tsi nikáien ne thiénʼnonks enhakwéni neh naháiere, tioríwah tsi roriwahtóken.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

1 Samuel 3:19

Tsi nontahateiéron ne Samuel, ne Roiá꞉ner tsi nikwekonháties tánon iáh tehawéron ne skawénhna nonhontsá꞉ke iakaién꞉tane.