Joshua 21:43 - Ohiatonhseratokénti

⁴³ Káti ne Roiá꞉ner thashaká꞉wen Nisraerʼró꞉nons akwé꞉kon nohóntsas ne kwáh rorihwanirá꞉ton tsi shakorahratstén꞉ni ne sakotisoʼthonkonhkén꞉en tsi enteshaká꞉wen. Ne nó꞉nen shihonatiaʼthakwehniióstons, thóh nón꞉we nahontená꞉taien.

Joshua 21:43 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

2 Chronicles 20:8

Kén nónh꞉we nihatinákere tánon wahontenonsónhni nononsatokentiʼkówa nahieshaʼkwéniensʼte, tiehonateriénhtare

Nehemiah 9:24

Tánon ne sakotiioʼokón꞉ʼas thóh niahón꞉ne tánon wahontié꞉nawatste nohón꞉tsa tánon washakotishatstenhserákwa né꞉tho nón꞉we niienákere tsi ionhontsá꞉ien, né꞉ne Canaanró꞉nons, thóh raotihén꞉ton ne ronónha, tánon ní꞉se tashé꞉ion thóh rontsá꞉nakes, skátne ne rontinontí꞉ios tánon nonkwehokóns ne tsi ionhontsá꞉ien thóh nihatí꞉iere tsi nenhthatinón꞉weʼne.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Psalms 105:8

Tiókonte ne réhiare ne raoterihwaʼseronhniátshera, né nowenhnasónhas ne rótston tsi nisakorahratsténhni ne tewenhniawehetsherásen nío꞉re iatehiotereserá꞉ne,

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Psalms 78:55

Waʼsakohiatínekenhwe nonkweshónha né nón꞉we nihatiterónhtaʼkwe nó꞉hen thóh shahónhne; waʼtesakohiakónhase nonhóntsa nahontsénawasʼte tánon thóh nón꞉we nasakóteron Israerʼró꞉nons ne tsi rotinonshó꞉tonkwe ne nón꞉we nihatiʼterónhtaʼkwe.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Numbers 33:53

Sewatiénawast nonhóntsa tánon thóh nónhwe nasewatenatónhni, tsioríhwa tsi í꞉se tkwawíre.

Numbers 34:2

ne tehioteriwasónhteres karihonnienhnítsheras nonhkweshón꞉ʼas Israerʼronónke akorihwáke: “Nó꞉nen iensehwá꞉we ne Canaan, ne tsi ionhontsáien ne tkwawíre, nenhkaristhatátsieke ne sewanakeráseras né꞉ne kenhiotiétons.

Deuteronomy 11:31

Ó꞉nen thó꞉wa tahisewaiá꞉iake ne Jordan Kaniataratátie tánon ne iahisewatiaʼtakwehní꞉ioste ne ohóntsa né꞉tho Roiá꞉ner sewaNí꞉io tsi sewawì꞉re. Nó꞉nen ensewaié꞉na tánon thóh iensewanátaien,

Deuteronomy 12:29

“Ne Roiá꞉ner saNí꞉io enshakothónte nonhkweshón꞉as tsi ieieʼtshinenhrénhten ne rahononhontsá꞉kes, tánon ensewatié꞉nawatste ó꞉ni thóh nón꞉we nenhsewatená꞉taien.

Deuteronomy 17:14

“Ne nó꞉nen sewatienawáston ne ohóntsa né꞉tho Roiá꞉ner sewaNí꞉io thetsisewá꞉wi tánon thóh nón꞉we nisewathatì꞉teron, ethò꞉ne tensewahiató꞉rete tsi tesewathonwenhtsóni nahisewanonhtihioʼtsheraién꞉take kwáh ki tsi ní꞉ioht ne tesewatonhontsaneʼkhánions nonhwéson.

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Judges 11:24

Sénhak káti kén enhsatheniénten niahonshá꞉sawe? Shá꞉wak tsi nahó꞉ten ne saní꞉io Chemosh thiáwi. Ók kíʼ enhiakwaháwake tsi nahó꞉ten ne Roiá꞉ner onhkwah Ní꞉io, iehó꞉ha nonhkwahrihwáke.

1 Samuel 12:8

Nó꞉nen ne Jacob tánon ne raoʼwátsire thóhʼnón꞉we niaʼhónhne Egypt tánon ne Egyptró꞉non wahonwatiʼronhiákente, eʼthóhʼne ne sewashotʼtseraokonhkénʼen iatonséntʼtho rahonhá꞉ke ne Roiá꞉ner tánon ne Roiá꞉ner ne iaʼshakoténieʼte Mahís tánon Aaron, roʼnón꞉ha kiʼ thontasakotiʼhiatínekenʼwe ne sewashotʼtserokonhkénʼen ne Egypt nón꞉we, tánon kén nón꞉we niwahtonhóntsaʼien nahonwatíteron tsi nón꞉wa nón꞉we nítewas.