Joshua 2:19 - Ohiatonhseratokénti

¹⁹ Tó꞉ka ónhka tsi niháti ne iahatihiá꞉kenʼne, nenhrenhéie raónha ki rahorì꞉wa, tánon iáh í꞉i thahionhtiaʼterihwahésten; ók tó꞉ka ónhka ne sewakwé꞉kon ahotikaré꞉wathe, ethò꞉ne ki í꞉i enhiontiaʼterihwáhesthe.

Joshua 2:19 ပူးပေါင်းရင်းမြစ်များ

2 Samuel 1:16

Ne Táwit wahawénhase, “Ní꞉se sanekwénhsareh senontsíne; asèken kwáh í꞉se tsi tsakáronhte wahkarihwanírate wesatkónten, satón꞉nions, ‘Wahinonwarhiákhon ne Roiá꞉ner roiatahrá꞉kwen.’”

2 Samuel 4:11

Thóh káti shé꞉kon ní꞉kon, nó꞉nenh ne ronkwetahét꞉ken róhrio ne thronkweʼtaié꞉ri tho raonaktáhke ne kwáh raón꞉ha raonónskon! Tánon nón꞉wa iáh kén takeriwanón꞉ton ne raonekwénhsa ne í꞉sawe satshanáke, tánon naiesáthonte ne tsi ionwenhtsá꞉te?”

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

Exodus 12:13

Nonekwénhsa né tsi tehiosohtátie tsi iononhkáronhte kwáh né enkaieronhtsitsʼtákwen ne kanónsohthe tsi nónhwe nisehwénhteron. Nó꞉nen enkatkátho nonekwénhsa, Éneken nenkatoʼhétsthe tsi nónhwe nisewénhteron tánon iáh takwakaréwahthe nónen enhʼkheréwahthe ne Egyptró꞉nons.

Exodus 12:22

Iaʼteséwak kén nihʼiowiréhs꞉sa ne iotʼwirahtó꞉hon, tánon katʼtshétakon ne ienekaráhkwa iahátsof né íkare ne kaʼtshénen aonekwénhsa, tánon ne sewaneʼkwensohkéwatʼ ne tsi tehioshátare tsi kanonkáronhte tánon ne tekaronhtaʼronhwáhkwen ne é꞉neken tsi kanonkáronhte tsi sanónsohthe. Iáh né saiáta tsi nítsion thaʼisewahiá꞉kenʼne ne kanónskon tsi nióre ienhiórenhne.

Exodus 12:23

Nó꞉nen ne Roiá꞉ner enható꞉hetsʼte ne Egypt nasakononhwarhiákon ne Egyptró꞉nons, kwáh enhakʼkátho ne tsi tehiosáthare tánon iáh thahoʼríhon ne Raronhiakeró꞉non ne kenhéiat niaʼhatá꞉wehiaʼte sewanónskon tánon naʼtsisewanonhwaʼrhiákon.

Leviticus 20:11

Ne rónhkwe nenhiáraʼte skahiáta ne roʼníha ró꞉ne enhotéhaʼte kíʼ ne roʼníha, tánon rahónha ó꞉ni ne iónkwe tsi enhonwatiʼnonhwariákon. Kwáh kíʼ ronónha rahotiʼríhwa tsi enhonwatiʼnonhwariákon.

Leviticus 20:9

Ne Roiá꞉ner tahátkaʼwe kí꞉ken tehioterihwasónhteres. Ónhka tsi nítsion naʼietʼtsinikonhrakaréwaʼte ne ianíha tó꞉ka ó꞉ni sanisténha tsi enhonwanonhwariákon; Kwáh kíʼ í꞉se iensewatátkwahse tsi enhhietsiʼnonhwariákon.

Matthew 24:17

Nok oni ne kanonsake ieharates tosa tethastsnent naonsahakoha tsiok oni nahoten akenhake ne raononskon.

Acts 18:6

Nónen sahonwakʼkónten ó꞉ni wahonwanikonrahkaréwaʼte, tsi iáh tehawerienthiʼióʼon waharísi neh tehatewehiarákwa tánon wahawá꞉ke tsi sahathakenrókewe tánon wasakawénhaʼse, “Tóhka sewahiatathónʼon, tsionháhakʼkok enthisewatáteraʼse! Iáh I꞉i thakateriwakétaʼte. Kén꞉en ienwatásawen tsi nókwa ne iáh tehathisitaerónons niénhenke.”

Acts 20:26

Kwa kíʼ thoʼkén꞉en tsi wakeriwaniráhton ne sewahénton neh kén꞉en wenniseráte: tóhkaʼ ónkak tsi nítsion ahisewahiatathónʼon, iáh kíʼ I꞉i tewakeríwa.

Acts 27:31

Nók Kór wahawénhase ne rasennowánen ó꞉ni ne ronterí꞉ios, “Tóhka ne rathiʼhonweiakerónons iáh tehónnere ne kahónwakon ahathihiatítake, kwáh kíʼ iáh thènen tesarahratseráien naseniákenʼne.”

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

Joshua 2:12

Káti ó꞉nen rahohénton sewarihwaní꞉rat tsi entietsihiateweienhtónhase nakhwá꞉tsires tsi ní꞉i natkwarihwasniése, tánon knahò꞉tenk thakwanaʼtónhas nahónton ahontakwè꞉takwe.

Joshua 2:14

Ne tenónhkwe wakonhwénhase, “Aiá꞉wens ne Rawenni꞉io ieháhaf ne tsi iakenónhne tó꞉ka thóh nenhiakení꞉hiere tsi nenhiakení꞉ron! Tó꞉ka iáh ónhka thaieʼtsirohriáhne tsi nihiatiatiérahkwe, kwáh ki entsiarahrátsten nó꞉nen ne Roiá꞉ner enteshón꞉tion kí꞉ken ionhontsá꞉ien, kwáh ki enhioianeréhake tsi tenhkwarihwasniése.”

Joshua 2:20

Ók ki tó꞉kaʼa, ónhkak aieʼtsiró꞉ri tsi nihiontsiatiéren, ethò꞉ne ki iáh thatehiotonhontsóhon nahiatsiatié꞉nawatste nonhtsiarahrátshera ne waskenónhnien nahonthakè꞉non.”