Joshua 2:18 - Ohiatonhseratokénti

¹⁸ Ó꞉nenk tsi kenhnénshere. Ne sahakwanenhrénthe ne tsonhontsáke, swánerenk ki onekwénhthara asehríhie ne tsi iononhsthonkwakà꞉ronte tsi nón꞉we nonhtastiatsʼnenhthákwen. Iashé꞉nonhk ne iaʼní꞉ha ó꞉ni ne saʼnisténha, sewathatekenhokón꞉as, tánon ratikwé꞉kon ne iaʼní꞉ha rahowá꞉tsire skátke rónhton ne tsi shanónhsote.

Joshua 2:18 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 7:1

Ethò꞉ne ne Roiá꞉ner wahawénhase ne Noah, “Wá꞉s kahón꞉wakon iashatíta, í꞉se tánon ne swatsirekwé꞉kon, asèkenʼh waʼkatkátho tsi shón꞉hahak khók tehshonkweʼtaié꞉ri nakhén꞉ton nón꞉wa nikaháwi.

Esther 8:6

Oh ká꞉ti nén꞉tiere iaweriahsanòn꞉wahkt tóka kí꞉ken atkaronniáhtshera enionkwá꞉raʼne tsi nihá꞉ti akonkweʼtaʼshón꞉ʼa, ó꞉ni nakhwá꞉tsire akwé꞉kon enionkhiiaʼwéntho?”

Exodus 12:13

Nonekwénhsa né tsi tehiosohtátie tsi iononhkáronhte kwáh né enkaieronhtsitsʼtákwen ne kanónsohthe tsi nónhwe nisehwénhteron. Nó꞉nen enkatkátho nonekwénhsa, Éneken nenkatoʼhétsthe tsi nónhwe nisewénhteron tánon iáh takwakaréwahthe nónen enhʼkheréwahthe ne Egyptró꞉nons.

Song of Songs 4:3

Ne tsaʼke kwáh ne ne onekwéntaʼra asehrí꞉ieʼ Tánon ne tsi tsakáronte tsi niʼioiánere. Ne senhókwake kwáh ne ne sahtewahíʼien ne iotenénha Nonàken tsi sataharó꞉ron.

Leviticus 14:4

ne ratsihénsthatsi enhathénnahʼne né꞉ne kwáh ionatkwéniens otsiténha ahonhthakonhwatiʼhiaténhaʼwe, skát꞉ke ne onentakwénhte óiente, onekwénhtara niwasherihiethóten, tánon skahónta Hyssop.

Numbers 19:6

Ethóne ienhá꞉hawe nonenhtakwènhte óiente, ne kahonthowánen, tánon ne onekwénhtara niwasehriʼietó꞉ten tánon otsiráke ienhó꞉ti.

Numbers 4:8

Ónenk tsi akwékon kí꞉kens onekwéntara niwasohkóten oniataʼráha enhatiʼróroksʼte, tánon né꞉ne kwáh kenhní꞉io èhneken ethoná꞉ti nahonteróroksʼte, tánon ethòne enhatiʼnakaʼrorókʼkhon nakʼtónties natekhwà꞉ra ne nahontsiónhtaʼkwe.

Luke 19:9

Ȣahenron ne Iesos: Onȣa kenhȣenniserate ontaȣeiate nʼatanitenresera ne kentho nonȣe nikanonsote, aseken kehiken Abraham oni nehne roienha ȣahaton.

Acts 10:27

Ne Tiér iahakóntaʼkwe Cornelius thohthíthare tsi tiahiatáweiaʼte ne kanónskon, thóh wasakohiatatʼtsénri iakotiokowánen iakotiataró꞉ron.

Acts 10:33

Kwáh káti óksak í꞉se iakónnonke, ó꞉ni kwáh í꞉seʼsonwesénʼtsera tsi kén꞉en nontáse. Ónen káti tewakwékon kén꞉en ítewes rahohénton ne Rawení꞉io, hionkwárare nahionkwatʼthóntene tsi nahóten asíron tsi nihiaróri ne Roiá꞉ner.”

Acts 11:14

Neh enhiatewenʼnontákwen níse tánon ratikwékon ne sawátsire entsisewaniákenne.’

2 Timothy 1:16

Aiáwens ne Roiá꞉ner arénesthe ne nataniténron tsi nòkwa ne Onesiphorus raotiwáhtsire, tioríwah wéso iorihwáhke sakenikonraniráton. Iáh tehothehén꞉en tsi kenóh꞉ton,

Hebrews 9:19

Tiotierentákwen, Mahís wahshakorórih nonkwesónha orihwakwékon ne atsiawenhráhtshera tsi nikahiatónnion ne kaianerenserákon. Ehthóhʼne teotinákares ratísinn tánon ne kaiatákeras raotinekwénsa wáhratsʼthe, onékanos wahtháiesthe, tánon kahiatonseráhke ne kaianerénsera wahtanekéntonwe tánon ó꞉ni ratikwékon nonkwesónhas wahtesakonekéntonwe, hyssop ahonhatasónhas wáhratsʼthe tánon onekwéntara niwahshokóten okénha wahawahnerékthe.

Joshua 2:21

Wakarihwanónhweʼne tánon sahiakotékwahte. Nó꞉nen shisohnaténtion, wakawanérenhke nonekwénhtara niwasehrihetó꞉ten ne tsi iononsthonkwakà꞉ronhte.

Joshua 6:23

Káti thó꞉niahane tánon takonhwahiatenhawe ne Rahab, skátke ne roʼníha ó꞉ni nonistenha, ne ronhthatekenhó꞉konhas, tánon ne ronatsiakes nahó꞉watsire. Kwáh rathikwekon iahonwatihiatenhawe, kawátsires ó꞉ni ne rathinaskwas, ne nahatiniakenhne ákta tsi nónhwe ne Israerʼró꞉nons tsi ronatenathaien.

Joshua 6:25

Ók ne Joshua sahanonhsthate ne tsi hionnhe ne iohrihwahiathatonhon Rahab ó꞉ni ne konhthatekonhkwes, tioríhwa tsi iakohiathasehtonhne ne tenihiáse iaterihwató꞉rats ne ieshá꞉kotheniethonʼne ne Jericho. (Ne tsi thakawatsirathatie shé꞉kon nihó꞉nonhnhe ne Israerá꞉ke nón꞉wa wenhniseráte.)