Joshua 2:14 - Ohiatonhseratokénti

¹⁴ Ne tenónhkwe wakonhwénhase, “Aiá꞉wens ne Rawenni꞉io ieháhaf ne tsi iakenónhne tó꞉ka thóh nenhiakení꞉hiere tsi nenhiakení꞉ron! Tó꞉ka iáh ónhka thaieʼtsirohriáhne tsi nihiatiatiérahkwe, kwáh ki entsiarahrátsten nó꞉nen ne Roiá꞉ner enteshón꞉tion kí꞉ken ionhontsá꞉ien, kwáh ki enhioianeréhake tsi tenhkwarihwasniése.”

Joshua 2:14 ပူးပေါင်းရင်းမြစ်များ

Genesis 24:49

Né katíʼ, tóka tkarihwaié꞉ri tánon orihwiioʼón꞉we tsi tentsaterihwahsónteren ne riioʼténhse, takhró꞉ri; tánon tóka iáh, takhtró꞉ri, né naón꞉ton takatkarhate꞉ti ne tsi keweientehtáhkwen khehs ne skenekwá꞉ti.”

Genesis 47:29

Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

2 Samuel 2:5

ne Táwit iasakotóri ratiʼrihwakarénies tsi thaʼtíteron nonkweʼó꞉kons ne Jabesh Gilead, tánon wasakonénhase, “Aiá꞉wenhs ní꞉se atsisewaiatatériste ne Roiá꞉ner, tsioríhwa tsi wehsewé꞉neste kí꞉ken tsi sewarihwatókenhne raonháke ne Saul sewaiá꞉ner, ó꞉ni tsi watsisewaiaʼtátah!

2 Samuel 2:6

Ó꞉nen aiá꞉wenhs ne Roiá꞉ner aréhneste ne iorihwatóten kanoronkwáhtsera ó꞉ni kariwatokentítshera ne tionhá꞉ke! Tánon Í꞉i ó꞉ni tenkwariwaʼserákwase tsioríhwa tsi kí꞉ken thóh ne sewáiere.

2 Samuel 9:1

Táwit waharihwanónton, “Shé꞉kon kén ón꞉kak iatetsakotaténhron tsi rawatsiratátsie ne Saul ne rononháke nahón꞉ton akéneste nathanitenhrá꞉tshera ne Jonathan raorihwáke?”

1 Kings 20:39

Tsi ki nihothohesthonhátse ne ronhnonhtí꞉io, ne rotó꞉kense iahonáton tánon wahénron, “Sanonhtí꞉io, wakateriʼioserónhnonhne nó꞉nen ne rasóh꞉tar tahohiathénhawe ne roienenhenhátie ne tehiakwahtátʼtsons nakonháke tánon wahénron, ‘Tsathenhnikonhráren kí꞉ken rónhkwe; tó꞉ka enshatèko, í꞉se enskárhiakʼte ne tsi sónnhe khés né enskárhiakʼte ne ásen-niwenhniawehetserásen nikakwenísʼthaʼke kawistaráken.’

Proverbs 14:22

Tenhsatén꞉tsha ne aiesaniáhese tánon aiesakwénienhste nakorèn꞉shon tókaʼ ne ensaióʼten ne tkarihwaié꞉ri. Tókaʼ ne ensaióʼten ne ioʼtáksen, kwáh tokén꞉ʼen tenhsaterienʼtawénrie.

Proverbs 18:24

Ótiaʼke natenró꞉sera iáh shaʼtékena té꞉ken, ótiaʼke natenró꞉sera ísiʼ nón꞉we tsi rotirihwató꞉ken tsi ní꞉ioht ne rontateʼkenʼokón꞉ʼa.

Matthew 5:7

Iakotaskat niakotaʼnitenraskon, aseken entsiontatitenre.

Acts 23:22

Ne rentiokwakwení꞉io wahénron, “Tóhsa ónka sheróri tsi wahsekʼróri kíʼ nahorihóten.” Tánon sahotékwate kíʼ nithoʼhiónha.

Joshua 2:13

Thakwararátsten tsi entsisewanónsthathe ne rakeʼní꞉ha ó꞉ni nakeʼnisténha, iakwathatekeʼokón꞉as ó꞉ni ne iakwatenosohokón꞉as, ó꞉ni akwé꞉kon ne rahothiwá꞉tsires! Tó꞉sa tsaʼthóntat nahionkinonhwarià꞉kon!”

Joshua 2:15

Ne Rahab thóh nón꞉we nikenʼterónhthakwe ne kanónhsa iekakwékton tsi kanonhsónhni ne tsi tekensténrote ne watenhèn꞉rote ne tsi kanatowáne, káti ki tenónhkwe tsi iononsthonkwaráronhte tahiakosnénhthakwe asehríhie wáhiasthe.

Joshua 6:17

Ne kanató꞉wanen tánon akwékon tsi nihioteriwatseren né nónhwe ónenk tsi kwáh tó꞉kenʼen tsi enkariwathonhtonke né꞉ne iahonwatatʼtse ne Roiá꞉ner. Né khók ne ioriwahiathatonhon Rahab ó꞉ni ne ahoienthatsera tsi enkanonsthathonke, tsioríhwa tsi wahá꞉kohiatasehte nonhtsionhkwetashonhas iateriwató꞉rats.

Joshua 6:22

Ne Joshua washá꞉koró꞉ri ne tenihiáse né iateriwathó꞉rats ronhnathatonhnine, “Wáhs tsi tsononhshó꞉the ne ioriwahiathathonʼon niahasene, tánon tasehnihiatenhaf ó꞉ni ne ahó꞉watsires, kwáh ki tsi nitsarahratstenhni.”

Joshua 6:25

Ók ne Joshua sahanonhsthate ne tsi hionnhe ne iohrihwahiathatonhon Rahab ó꞉ni ne konhthatekonhkwes, tioríhwa tsi iakohiathasehtonhne ne tenihiáse iaterihwató꞉rats ne ieshá꞉kotheniethonʼne ne Jericho. (Ne tsi thakawatsirathatie shé꞉kon nihó꞉nonhnhe ne Israerá꞉ke nón꞉wa wenhniseráte.)

1 Samuel 20:8

Ne kiʼ aorí꞉wa ne sateriwaténtsiát ne kanoronkwáhtshera nakonhà꞉ke, asèken í꞉se tánon ní꞉i iontisteriwaserónhni rohohénton ne Roiá꞉ner. Ók tó꞉ka wakatewehiaténhni ne kanítshera, takenonwarhiá꞉kon ne kwáh iateshiá꞉ti; ónh nontiéren tsi thóh niatsiaʼténhawe raohén꞉ton ne ianí꞉ha?”