Joshua 18:6 - Ohiatonhseratokénti

⁶ Ienkhehiaʼthéniethe nahatihiáton nahontrorí꞉hake ne kanakerahserakwé꞉kon tsi nón꞉we nihathinónhwes ahatiié꞉na nonhóntsas. Tenhathihiakhónhnion ne kanakeráhseras né꞉ne tsáta niiorì꞉wake tsi ní꞉ioht tsi tenhathihiakhónhnion tánon tenhtsionkhawí꞉ten norì꞉wa. Ethò꞉ne ki enkhewastó꞉tsi kaʼniká꞉ien ne Roiá꞉ner í꞉rehre ne skentiohkwà꞉tions nahatiienà꞉seron.

Joshua 18:6 ပူးပေါင်းရင်းမြစ်များ

Psalms 105:11

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Proverbs 16:33

Nón꞉kwe tehatí꞉iens tsi ní꞉ioht tsi nahatiweientéhtaʼne Rawenni꞉io raononhtonniónhtshera, nok ki Rawenni꞉io raonhá꞉ʼa thanónhtons tsi nieniá꞉wenʼne.

Proverbs 18:18

Tókaʼ tetsà꞉ron nirihwaʼshátste tehorihwakéhnhen tsi teieiaʼtorehtáhkhwa, nó꞉nen enkaʼwahstótion tsi iatenkarihwaién꞉taʼne enkarí꞉wenʼne kiʼ.

Numbers 33:54

Tesewahiakhónhnion nonhóntsa ne tsi niatehotitsiókwahkes ó꞉ni tsi nihotitarótens sehwawastóhʼtshi tsi ehʼnenhsewáiere, kowaʼnénhak taietʼtsíhion ne kaientátshera ne roʼnatsiokowánen tánon kènk nihiohóntsa taietʼtsíhion ne ken nihotitsiokwá꞉a.

Numbers 34:13

Káti ne Mahís washakawénhase NʼIsraerʼró꞉nons, “Né kí꞉ken nonhóntsa nenhsewaiéna tsi enkawasthótshionhke, né nonhóntsa ne Roiá꞉ner teshakówi ne tióhton tshiaʼtesewasénhnon nihotiʼtiókwahkes.

Acts 13:19

Tsiátak nihothitiókwaʼke wasakhó꞉tonte tsi watonwentsiáʼien ne Canaan, nók nonhóntsia rahonkwetaʼsónha wahsakáwen.

Joshua 14:2

Tsi nihoró꞉ri ne Roiá꞉ner ne Mahís, ne rahotinakeráhseras ne tióhton tánon tshiaʼtsewasénhnon nihotitióhkwake ne Israerʼró꞉nonke ne tsi iaʼtewatsénhtos nokwá꞉ti ne Jordan Skentiohkwà꞉tions wahatiwasthotión꞉ko tsi nakanakerahseró꞉ten enhatiienà꞉seron.

Joshua 18:10

Ne Joshua wahawastotión꞉ko nahorihwaiénhase ne Roiá꞉ner ne rahothirihwà꞉ke, tánon nahonthasaká꞉wen ne ronathatén꞉rons ne kentióhkwas ne Israerʼró꞉nonhke ne kathokenstánions nonhóntsas.

Joshua 18:7

Ne Levites, ethosà꞉ne, iáh nénhne thé꞉nen thatehonathénhtion nahathiienà꞉seron nonhóntsas tsi ní꞉ioht ne sewatiákes, tiorì꞉wa né꞉ne tehonathéntion nahonwahiò꞉tenhse ne Roiá꞉ner tsi rotikhá꞉res akénhake. Tánon ki ó꞉ni, ne rahotitióhkwas ne Gad, Reuben, tánon ne tsitkarahkwí꞉nekens nokwá꞉ti ne Manasseh ó꞉nenk nénhne rothiienà꞉serons tsi naʼtehonathèn꞉tsons né꞉ne tsitkarahkwí꞉nekens nokwá꞉ti ne Jordan, né꞉ne Mahís, né Roiá꞉ner rahonhátshera, teshakowí꞉hon.”

Joshua 18:8

Ne ronhnónkwe iahón꞉ne nahonnonhóntsarasthe ne nó꞉nen ne Joshua shisakorihónhte: “Ohontsakwé꞉kon nonhtásewet tánon tionhóntsarast, tánon thontaskwahawí꞉ten. Tánon ethosà꞉ne kén꞉en ne Shiloh kwáh enhirihwanón꞉tonhse ne Roiá꞉ner ne ní꞉se ahisewawasthóhtsi.”