Joshua 18:4 - Ohiatonhseratokénti

⁴ Thakwarí꞉hon áhsen niháti ne skenhtiohkwà꞉tsions khehiatié꞉nawats. Ienkhehiaténiethe kanakerahserakwé꞉kon nahonhnonhóntieʼrasthe ne tsi kanakerahserá꞉ien né꞉ne ahatinónhweʼne nahontié꞉nawatste. Ethò꞉ne akonhà꞉ke natenʼthónhne.

Joshua 18:4 ပူးပေါင်းရင်းမြစ်များ

Micah 2:5

Ne káti aorì꞉wa ní꞉se iáh taeshonkweʼtaién꞉take nón꞉ka aesanenhiontsiénhse nonwenhtsá꞉ke ne kanenhiatokéntons thóh tsi ronatsiataró꞉ron ne Roiá꞉ner rahonkweʼtashón꞉as.

Numbers 1:4

Tsisehwarihwanónhtons saiáta ne renhtaraʼkweʼní꞉io ne skentharáhʼtshons naietʼtshiʼsniénon.”

Numbers 13:2

“Shehiatarakwenháton saiáta ne sakohenténhse ne skentiokwáʼtshons ne tèkeni iawénhre nihotiʼtiókwakes tánon iashehiaténiet nahonterihwatoráttha nahontonhontsátkenhsera ne Canaan, tsi né khehionhontsaʼwíre NʼIsraerʼró꞉nons.”

Joshua 18:3

Sók ki ne Joshua washakawénhase nonhkweshón꞉as ne Israerʼró꞉nonhke, “Tonikarí꞉wes ensewateráhrate nohén꞉ton iaísehwe tánon sewatié꞉nawats nonhóntsas nètho Roiá꞉ner ne Sakoní꞉io ne ietsisothonkonhkén꞉en tetsisehwá꞉wi?

Joshua 18:5

Nonhóntsa tsáta natenkahià꞉khonke; Ne Judah thóh enhonhnésehke ne rahotinakerahserá꞉kon ne nenhtiè꞉ne nón꞉we, tánon ne Só꞉se ne rahotinakerahserá꞉kon ne othorè꞉ke nón꞉we.

Joshua 18:6

Ienkhehiaʼthéniethe nahatihiáton nahontrorí꞉hake ne kanakerahserakwé꞉kon tsi nón꞉we nihathinónhwes ahatiié꞉na nonhóntsas. Tenhathihiakhónhnion ne kanakeráhseras né꞉ne tsáta niiorì꞉wake tsi ní꞉ioht tsi tenhathihiakhónhnion tánon tenhtsionkhawí꞉ten norì꞉wa. Ethò꞉ne ki enkhewastó꞉tsi kaʼniká꞉ien ne Roiá꞉ner í꞉rehre ne skentiohkwà꞉tions nahatiienà꞉seron.

Joshua 18:9

Káti ne ronhnónkwe kwáh onhontsakwé꞉kon nonhthahónhnethe tánon wahóntien wahatihiaʼtónhnion tsi ní꞉ioht tsi wathatiʼná꞉rihthe ne tsáta nihiorì꞉wake, rothihiathóntie ne kanathaiéntons. Ethò꞉ne Joshua sahonwatkénhsera ne tsi totená꞉thaien ne Shiloh.

Joshua 3:12

Ó꞉nen ki tékeni iawénhre niháti ietsihiatará꞉ko, shatihiataʼtsions ne tékeni iawénhre nihothiʼthárakes ne Israerʼró꞉nonke.

Joshua 4:2

“Tékeni iawénhre niháti sehiataráko, satihiataʼtsions tsi nihothiʼtaró꞉tens,