Joshua 18:28 - Ohiatonhseratokénti

²⁸ Zela, Haeleph, Jebus (tó꞉ka ó꞉ni né꞉ne Jerusalem í꞉ken), Gibeah, ó꞉ni ne Kiriath Jearim: kaiéri-iawénhre nikaná꞉thakes, konhtikwé꞉kon ne akthatieʼshón꞉as kanataiéntons. Ne kí꞉ken nonhóntsas ne tsi ratiwatsí꞉raiens ne rahothitióhkwakons ne Benjamin rotiienà꞉serons nahonawenhkón꞉weke.

Joshua 18:28 ပူးပေါင်းရင်းမြစ်များ

2 Samuel 21:14

Wahatihiatátha ne raostsienʼshón꞉ahs ne Saul ó꞉ni ne oanekenteronhtsershón꞉ahs Jonathan thóh tsi watonhontsá꞉ien ne Benjamin thóh nón꞉we Zela, thóh raotsatonkwákon ne roní꞉ha Kish; akwé thóh nahatí꞉iere tsi nisakorí꞉honte ne ronnontí꞉io. Ne shonteweʼienénhtane, ne Ní꞉io watharihwaseráko naterénhnaient ne tsi ionwenhtsá꞉te.

2 Samuel 23:29

Ne Heleb ne roiénha ne Baanah ne ne Netophahró꞉non; Ittai ne roiénha ne Ribai ne ne Gibeahró꞉non ne ne Benjamin nónwe;

2 Samuel 5:6

Ne ronnontí꞉io tánon ne raonkweʼtashón꞉ahs wahatinenhraserónhni tsi niahónhne Jerusalem iasakonatsatónhti ne Jebusites, ne thóh ratinákerehkwe tsi ionwenhtsá꞉ien, ronón꞉ha wahonwénhase ne Táwit, “Ní꞉se iáh kén꞉en tahontáse, iekaníhare ne teieronhwékon ó꞉ni ne iontsinhokátha kwáh tenhtsesakaraténi”—tsi nihonnontónhnionskwe, “Ne Táwit iáh tahakwéni ne kén꞉en nahontáhre.”

2 Samuel 5:8

Táwit ráwenh nètho wenhniserátekwe, “Ónhka akén꞉hake ne thénen ahonwatiʼién꞉te ne Jebusites, tsi rontonréhtha nón꞉we nihonwatí꞉ient tsi iensakonatsiatónhti ne iontsinhokátha ó꞉ni ne teieronhwékon, ne ne tsi nihá꞉ti ne ronwásons Táwit.” Thóh nón꞉we niwáton, “Ne teieronwékon ó꞉ni ne iáh tèhiens kwáh kíʼ iáh tsaiontáweiaʼte ne Roiá꞉ner raonónskon.”

1 Chronicles 8:28

Né kí꞉ken ne sakotisokthonkonhkénʼen nononhtsikowátʼtsions tsi kawatsíraiens tánon né꞉ne kwáh ronónha sakotihiohokónhas né Jerusalem nón꞉we nihatinákere.

Isaiah 10:29

iatehotiʼiahiákon ne tsi nieʼiawénon, Geba nón꞉we tahonhnón꞉wete; ne Ramah iohiatishón꞉kwah, Gibeah ne Saul nón꞉we ronatèkwen.

Jeremiah 6:1

Ne Benjaminró꞉nons, iasehwahkwísron sehwahthasehtáhna! Sehwahiáken ne Jerusalem! Sehwatátis ne iehonrahwátstha ne Tekoa nónhwe tánon sehwattsennónni sehwatsienkwarónniat nahwenéhake ne Beth Haccherem nónhwe. Kakahronniátshera tánon kariwahiesáhtshera tóh꞉wa ahónwe nothoréhke nénhtewe.

Hosea 10:9

Tsi ná꞉he sihothenhniseraténionskwe ne Gibeah shisewarihwaneraháties, O Israel; thóh nón꞉we iehonatasónhtere. Iáh onté꞉ken nateriiósera tsahiakononhterá꞉ne ne Gibeah?

Numbers 26:38

Tsi ratitiókwahien ne Benjamin: ne kentáras ne Bela, Ashbel, Ahiram,

Numbers 26:54

Shewasthótshon tsi tetsiná꞉rit nonhóntsas, tánon kowanénhak thaséhion ne ronatiokowáhnen íken tánon kénk ní꞉wa ne kénk nihatíha íken.”

Numbers 33:54

Tesewahiakhónhnion nonhóntsa ne tsi niatehotitsiókwahkes ó꞉ni tsi nihotitarótens sehwawastóhʼtshi tsi ehʼnenhsewáiere, kowaʼnénhak taietʼtsíhion ne kaientátshera ne roʼnatsiokowánen tánon kènk nihiohóntsa taietʼtsíhion ne ken nihotitsiokwá꞉a.

Joshua 15:63

Ók kí꞉ken nonhkweshón꞉as ne Judah nón꞉we iáh tehothikwé꞉nion nashakotihiaʼtinekén꞉en ne Jebusites, ne Jerusalem nón꞉we nihatiʼterónhthakwe. Ne Jebusites shé꞉kon thóh ratì꞉teron skátke nonhkweshón꞉as ne Judah nón꞉we.

Joshua 15:8

tánon thóh nietsawé꞉non iehiotohétston ne Hinnom Ahonráhkwakon né꞉ne entiè꞉ne nokwá꞉ti ne tsi hionhniarónhnion tsi nón꞉we ne Jebusite rahotinatowá꞉nenhke ne Jerusalem nikaná꞉taien. Ne tsi karistatá꞉tie iehiothasónhtere nononhtoharà꞉ke nietsawé꞉non né꞉ne tsi iaʼtewatséntos nokwá꞉ti ne Hinnom Ahonráhkwakon, né꞉ne tsi iehiotókthe ne othorè꞉ke nokwá꞉ti ne Rephaim Ahonráhkwakon.

Joshua 18:16

Ethò꞉ne ietsononhtatsnénhton ne tsi tiononhthaienthà꞉hon ne othorè꞉ke nokwá꞉ti ne Rephaim Ahonráhkwakon, tsi nón꞉we tiothásawe ne Hinnom Ahonráhkwakon. Ethò꞉ne thóh nietsawé꞉non entiè꞉ne nokwá꞉ti ne Hinnom Ahonráhkwakon, ne nenhtiè꞉ne nokwá꞉ti ne tsi Kawenothátie ne Jebusite, iaʼehiahó꞉ien ne Enrogel.

Joshua 18:27

Rekem, Irpeel, Taralah,

Joshua 19:1

Ne tekeníhaton iesewatká꞉wen ne kanakeráhseras né꞉ne tsi rathiwatsí꞉raiens ne rahotitióhkwakons ne Simeon. Ne rahotinakeráhseras iekárathe ne Judah rahótinakerahserá꞉kon né꞉ne thonwaná꞉wi ne tsi ratitióhkwaien ne Judah.

Judges 1:21

Ók nonkweshón꞉ʼas tsi ratitsiókwahiens ne Benjamin iáh nènhne teshakotihiatinekénʼen ne Jebusró꞉nons ne Jerusalem ratinákeres, tánon kíʼ ne Jebusró꞉nons iehotikonhthákwen shé꞉kon kíʼ nónhwa nikaháwis tsi thóh natinákeres skát꞉ke nonhkweshón꞉as ne Benjamin nahatihiathóten.

Judges 19:10

Ók nètho rónhkwe iáh shé꞉kon tesáweron ne thóh ahonsahasonhtí꞉iake, sók kíʼ rahónha tánon ne rahós꞉kare tahiatásawenh wahiatʼthahíta, skátke ne rahotinhátsera tánon ne tenihiáse tewahóntes né rothirienákete ne iakosathénsthake. Kwáh éhtho siʼhiokárenhre ne tsi niwenhní꞉seres nónenh shahónhnewe ákta ne Jebus (né꞉ne Jerusalem), káti ne ranhátsera wahawénhase ne rahiatakweʼní꞉io, “Nonhtséren tsi iáh kénʼen thatahitewáthane tánon kénʼen tewasonhtíhiat kíʼ kénʼen Jebusró꞉non kanatowakénhke?”

1 Samuel 10:26

Saul ó꞉ni sahaténti tsi thóh nónshoʼte ne Gibeah nionshá꞉re, tánon ne skátne nionsahónhne ne ronterí꞉ios tsi nihá꞉ti ne Ní꞉io washakonikonrá꞉reke nahonwatiátarase.