Joshua 18:13 - Ohiatonhseratokénti

¹³ Ne tsi karisthatátie ethò꞉ne thóh nietsawé꞉non tsi ionhnontakárenhne ne entiè꞉ne nokwá꞉ti ne Luz (ne ó꞉ni konhwanaʼthónkwa ne Bethel), ethò꞉ne ietionhnonhtatsnénhton ne Ataroth Addar nón꞉we, ne tsi iononhtáhere nenhtiè꞉ne nokwá꞉ti ne Beth Horon nón꞉we.

Joshua 18:13 ပူးပေါင်းရင်းမြစ်များ

Genesis 28:19

Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

Nehemiah 11:31

Tánon ne rahoksatashón꞉as ne Benjamin thóh nithoné꞉non Geba, thóh wahonthatì꞉teron Michmash, tánon Aija ó꞉ni Bethel ó꞉ni natstéhsons nokwá꞉ti naonahkerahserá꞉kons,

Joshua 10:11

Tsi nikarì꞉wes ne Amorʼró꞉nons rathitátke sohnanonhtatsnentonhátie ne iohthohétston tsi rathì꞉teron ne Israerʼró꞉nons ronhterí꞉ios, ne Roiá꞉ner kowá꞉nens waronhniá꞉nion nahiowí꞉sonhti nahothí꞉ienthe kwáh tsi nió꞉re ne Azekah. Sénha ne wé꞉so wahakório tsi nahowí꞉sonhti tsi ní꞉ioht ne Israerʼró꞉nons ronterí꞉ios.

Joshua 16:5

Ne kí꞉ken ne rahotinakeráhsera ne Ephraimró꞉nons kahwá꞉tsires: ne tsi ronateristhatátie thóh natetsawé꞉non ne Ataroth Addar tsitkarahkwí꞉nekens nokwahtí꞉sons nenhtieʼné꞉sons ne Beth Horon,

Joshua 18:14

Ne tsi karisthatátie ethò꞉ne thóh nietsawé꞉non ne Kiriath Jearim, iatehiokwáhtase nenhtiè꞉ne nokwá꞉ti tsi nitsawé꞉non ne tsi iaʼtewatséntos nokwá꞉ti ne kén꞉en iononhtáhere tánon thóh nieiawé꞉non ne Kiriath Baal (khés ne Kiriath Jearim), né꞉ne rahonákwenk ne Judah rahothitióhkwas. Ne kí꞉ken ne entiè꞉ne nokwá꞉ti karisthatátie.

Joshua 18:22

ó꞉ni ne Beth Arabah, Zemaraim, Bethel,

Joshua 21:22

Kibzaim, tánon ne Beth Horon, í꞉kare ne tsi watenhenrowá꞉nens.

1 Samuel 13:18

nó꞉ia kentió꞉kwa thóh neh nòkwahti niahatiʼiérate ne ne Beth-horon, tánon nó꞉ia kentió꞉kwa thóhʼne nó꞉kwati niahatiʼiérate ne ne tsi tionontáhere nétho ieióken nahonráhkwakon ne Zeboim tsi nieiawénon ne iahontsawenténhaʼke.