Joshua 18:12 - Ohiatonhseratokénti

¹² Nothorè꞉ke nokwá꞉ti ne tsi ronateristhatátie Jordan nón꞉we tiotásawe tánon ethò꞉ne thóh nietsawé꞉non ne tsi tiononhtaká꞉renhne ne othorè꞉ke nokwá꞉ti ne Jericho tánon tsi iaʼtewatsénhtos ieiawé꞉non iatehiótkaʼwe ne tsi ionhniáhere kanakerahserá꞉ien tsi nió꞉re ne iahontsathèn꞉ke nón꞉we ne Bethaven.

Joshua 18:12 ပူးပေါင်းရင်းမြစ်များ

Hosea 10:5

Ne Samaria nihatinákeres wahotihiatísonkwe né꞉ne tionhnóns꞉kwaron owí꞉ra owistanó꞉ron kahiatón꞉ni wakarihón꞉ni ne Beth-aven nón꞉we. Ne nahonkweʼtashón꞉as kwáh enhiontsiónhnionkwe, tánon né kahiatón꞉nis konwashén꞉naiens ratitsihénstatsis kwáh thenhotihénrete ne entkarihón꞉ni, ne tsi ahohiatanerakwáhtshera tsi é꞉ren tsawéton.

Hosea 4:15

Ethosà꞉ne ne wetsiátswate ne watenakwaiesátha, O Israel, tó꞉sa serí꞉hon ne Judah nahiónike. Tó꞉sa ienhénse niasatawéiate ne Gilgal, khés ne iáse ne Beth-aven, tánon tó꞉sa serihwaní꞉rat, “Ne Roiá꞉ner tsi rónhne.”

Hosea 5:8

Sewatátist nonákare ne Gibeah nón꞉we, ne iohonrawátsta Ramah ne nón꞉we nasewatátist. Sewatátsist ne watewenhnót꞉tha ne Beth-aven nón꞉we; ionsasewatkáto ne sewashón꞉ne, Benjamin!

Joshua 16:1

Nentiè꞉ne nokwá꞉ti wasehriiethatátie ne tsi ionhontsá꞉ien ne tonhwaná꞉wi ne tsi tahawatsirathátie ne Só꞉se thóh tiotásawe ne Jordan ákta ne Jericho, ne tsi iehiotʼthe ne tsitkarahkwí꞉nekens nokwá꞉ti ioná꞉werote ne Jericho, tánon iahonwentsathénhke nieiawé꞉non. Thóh nitsawé꞉non ne Jericho tánon iehiononhtharàhon ne tsi hionhniarónhnions kanakerahserá꞉iens tsi nió꞉re ne Bethel.

Joshua 18:11

Ne kanakeráhseras rahonà꞉wenk ne tsi rathiwatsí꞉raien ne rahothitióhkwas ne Benjamin ne tahatihén꞉ten tahonwénhnon nonhóntsa. Ne rahononhóntsa thóh nón꞉we nihiohontsá꞉ien tsi naʼtehón꞉tere ne Judah rahotitióhkwa tánon ne Só꞉se.

Joshua 2:1

Ethò꞉ne ne Joshua teʼnihiáse iashakotóri né꞉ne tsi thonataʼtóserote ne Acacia nonhthá꞉ne ronhwatináhon ne iáhne tánon akariwasèhtonhke tsi ianirihwíshake ne tsi iohontsá꞉ien ne Canaan, sénha ne tsi kanatowanénhne ne Jericho. Shiahánewe ne tsi kanatowanénhke, thóh niahà꞉ne tánon thóh nón꞉we iahiasonhtíhiake ne tsi tionónhshothe ne iorihwahiataʼtónhon né꞉ne Rahab konwáiats.

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.

Joshua 6:1

Ne tsi iotenhenrentónhnions ne Jericho kanonthónhnion tánon ratiʼnikónhrahre Nisraerʼró꞉nons tó꞉sa iahontáwehiaʼthe. Iáh ónhka thahónton ne iahionhtáwehiaʼte iáh ó꞉ni thahónton nahiehiakén꞉ne ne tsi kanatowá꞉nen.

Joshua 7:2

Ne Joshua kenhnihatíha ronhnónhkwe iashakothéniete ne Jericho nonhtahónhne tánon Ai niahónhne, né꞉ne kanatowanénhke nakon nokwahti ne Bethel, ákta ne Bethaven, wahonwatì꞉nahne nahontonhontsatʼkénhsera. Nó꞉nen shihonatenhtion,

Joshua 8:15

Ne Joshua tánon ne rahonkweʼtashón꞉as akénhake oná꞉ken sahónhneʼte, tánon shahontè꞉ko tsi nón꞉we ne iáh othé꞉nen tekaiénthakwe ne kanakerahserá꞉kon.

1 Samuel 13:5

Ne Philistine wahonnitiokónhni ne nahonterí꞉io NʼIsraerʼró꞉nons, áhsen niwáhsen tewenhniawehatserásen nikaseréhtakes otsiónkwas, tánon iáh-iak tewenhniawehetserásen nihá꞉ti ne kosátens rotisátens tsi ronterí꞉ios, tánon ne ronterí꞉ios kentió꞉kwas kwáh thóh níhonatiókwa tsi natekanesaronkótaron ne kaniatarakhekówa atsaktóntie; tahón꞉ne tánon watʼkonwahonwarón꞉ni ne Michmash, ne ne tsikʼkarakwínekens nokwáhti ne Beth-aven.