Joshua 18:1 - Ohiatonhseratokénti

¹ Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 18:1 ပူးပေါင်းရင်းမြစ်များ

2 Samuel 7:6

Ní꞉i kwáh iáh kanónskon teketerónh꞉tahkwe tsi ná꞉he ne tewenhniserátekwe tethekheiaténha nonkweʼókons NʼIsraeró꞉nons ne Egypt nón꞉we tsi niió꞉re nón꞉wa wenhniseráte, ók kíʼ tewakanatakwenhá꞉tieskwe tsi niwatohserótons tsi nón꞉we nakathatíteron.

1 Kings 14:2

Jeroboam washaʼkawénhase ne shakoksthénha, “Teshathatierónhnion né꞉ne tó꞉sa ónhka aieshaiénhtereʼne, tánon Shiloh nónhwe niaháse, tsi nónhwe thanákere ne rotó꞉kense Ahijah, tsi nikáien ne ráwenh í꞉i enskatenonhtí꞉iosʼte ne Israerʼró꞉nonke.

1 Kings 14:4

Sók kíʼ tsi thóh nonhshó꞉the ne Ahijah niahá꞉he né꞉ne Shiloh nónhwe. Né tsi nonhtahóhionhne ne Ahijah né wakarihónhni waʼtharónhweʼke.

1 Kings 2:27

Ethòne kíʼ ónen ne Solomon sahorihontháko ne Abiathar tsi Roiá꞉ner rahotsihénsthatsi íken, tánon ne warónhniaʼthe né tó꞉kenske ahónhton tsi nahó꞉ten ne Roiá꞉ner tháwen ne Shiloh nónhwe tsi nòkwah ne Eli rahowátsires.

Nehemiah 9:24

Tánon ne sakotiioʼokón꞉ʼas thóh niahón꞉ne tánon wahontié꞉nawatste nohón꞉tsa tánon washakotishatstenhserákwa né꞉tho nón꞉we niienákere tsi ionhontsá꞉ien, né꞉ne Canaanró꞉nons, thóh raotihén꞉ton ne ronónha, tánon ní꞉se tashé꞉ion thóh rontsá꞉nakes, skátne ne rontinontí꞉ios tánon nonkwehokóns ne tsi ionhontsá꞉ien thóh nihatí꞉iere tsi nenhthatinón꞉weʼne.

Psalms 78:60

Kwáh kíʼ waʼhatewénhthete tsi nón꞉we nihenterónhtakwe ne Shiloh nón꞉we, né꞉ne tsi rononshó꞉te tsi nón꞉we sát꞉ne nitewanákerekwe,

Psalms 78:66

Iosáts꞉te tsi ní꞉ioht tsi waʼsakóiente ne ronwaʼshón꞉s, tánon tsi naʼsakohianotási tsi nonsahontèko, tánon tsi nasakotéhate né꞉ne tsi nénhwe enkénhake.

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 26:9

Nonhtiéren tsi né wahshíron thóh rahosénnahkon ne Roiá꞉ner kí꞉ken Ononhsatokénti kwáh eh nenhiáwenhne tsi niʼhioiathawénhʼon ne Shiloh tánon kí꞉ken kanatowáhnenh kwáh enkariwénhtʼthonke tánon iáh ónhka tahonsahienáhkerehke?” Ethóhʼne nonhkweshón꞉a wationkenenhrónni.

Jeremiah 41:5

sahtekonhniháti wahónnhewe Shechem nonhthahónne, tánon ne Shiloh, ó꞉ni ne Samaria. Akwékonh ronatatʼkhonsthonrhiákon, rohthirahtiónkwen ne rahonatʼtsherónhniat, tánon ronatatʼrenáhnion. Onátsa tánon wehnekeráhkon wahatihawíʼne ne iakónhion Nononhsatokentiʼkówa.

Numbers 32:22

tánon enhontsatakwení꞉ioste nonhóntsa. Ethòne kíʼ, enwáhton nahonsehsewaténhti, tsioríhwa tsi wesehwarihwaiérihte tsi nisehwaterihwaienʼníhakwe rahohénton ne Roiá꞉ner tánon ne ronátsiakes NʼIsraerʼró꞉nons. Ethòne kíʼ ne Roiá꞉ner enharihwanírate kí꞉ken ionhontsáien ne tsitʼkarakwínekens nokwáhti tsi í꞉se tsonhóntsa íken.

Acts 7:45

Karon tahiotséte, nonkwasótʼtseras ne rohtiʼienáʼon nathósera thóh nitsawénon ne ronwatinihokonkén꞉ens iehothíha nónen ne Joshua skátne niahón꞉ne tánon hiahontiatakwení꞉ioste nonhóntsia tsi niahón꞉ne neh tsi nisakhókwen ne Rawení꞉io ne thiʼkentiokwaténnions. Tánon thóh kaiéntakwe nathóhsera kwáh tsi nikaríwes rónʼnhekwe ne Táwit.

Joshua 18:2

Shé꞉kon tsáta nihotitióhkwakes Nisraerʼró꞉nonhke ne aré꞉kho tehotiienà꞉seron tsi natehonaténhtion nonhóntsas.

Joshua 18:8

Ne ronhnónkwe iahón꞉ne nahonnonhóntsarasthe ne nó꞉nen ne Joshua shisakorihónhte: “Ohontsakwé꞉kon nonhtásewet tánon tionhóntsarast, tánon thontaskwahawí꞉ten. Tánon ethosà꞉ne kén꞉en ne Shiloh kwáh enhirihwanón꞉tonhse ne Roiá꞉ner ne ní꞉se ahisewawasthóhtsi.”

Joshua 19:51

Onhkweʼtakwé꞉kon ne Israerʼró꞉nonhke wahonteró꞉roke ahohénton ne Aterihwaʼseronhniá꞉tshera Wató꞉serothe né꞉ Shiloh nón꞉we. Thóh nón꞉we nahonteró꞉roke ne káti ne rokhá꞉res Eleazar, tánon ne Joshua, ó꞉ni ne sakotihenténhse ne rahotitióhkwas nahónton thasakotihià꞉konhase nonhóntsas ne tsi iaʼtewatséntos nòkwah ne Jordan Kaniataratátie. Wahatiwasthó꞉tsi ne nahatirihwaʼtshén꞉ri onh ní꞉ioht tsi tehotonhontsó꞉ni ne Roiá꞉ner tsi takahià꞉konhke nonhóntsas.

Joshua 21:2

Nonhkweshón꞉as ne Israerʼró꞉nonhke ó꞉nen thóh nón꞉we nihonatená꞉taien ákta ne tsi kanatowanénhke ne Shiloh né꞉ne tsi wathonwenhtsá꞉ien ne Canaan. Tsi náhe thóh ratiʼterónhthakwe, ne sakotihenténhse ne Levites kahwá꞉tsires wahonwatkénhsera ne Eleazar ratsihénsthatsi, tánon ne Joshua, tánon ratikwé꞉kon ne tsi kentióhkwaien ne Israerró꞉nonhke, tánon wahonhní꞉ron, “Ne Roiá꞉ner ró꞉rori ne Mahís, taséhion ne Levites ne kanatowá꞉nens eʼahatiʼterónhthake, tánon taséhion ó꞉ni nahontenhenrowanénhake nakonhwatiʼteronhthákwake ne rahotiʼtshenenhó꞉kons ákta akénhake ne tsi kanatowanénhke.”

Joshua 22:12

Ne nó꞉nen Nisraerʼró꞉nons wahonaʼthón꞉tehne kí꞉ken, kwáh ratinakerahserakwé꞉kon wahontehró꞉roke né꞉ne Shiloh nón꞉we ne nahonterí꞉io ne nakonhà꞉ka kentióhkwas.

Joshua 22:19

Ethosà꞉ne, tó꞉ka ne tsi tionhontsá꞉ien iáh tehió꞉wenk ne nón꞉we nahionterénhnaien, ken nòkwah nonhthásewe tsi rothonhontsá꞉ien ne Roiá꞉ner, ne tsi nón꞉we nihotaʼtóhserote. Sewathonhontsará꞉ko tsi nón꞉we nihiákwes. Ók tó꞉sa ki tsisewanowénhten ne Roiá꞉ner ók tó꞉sa ki thakwaʼnikonhráten ne nahitsón꞉ni ne ietsienharáhkwa tánon ne iahisewawénhtate shé꞉kon ó꞉ia ne ietsienharáhkwa ahitsón꞉ni ne Roiá꞉ner Onhkwaní꞉io rahorihwà꞉ke.

Joshua 22:9

Káti nonhkweshón꞉as ne rahothitióhkwakons ne Reuben, Gad, tánon ne nà꞉kon ne Manasseh sahonhtén꞉ti. Ehʼneiehathì꞉teron ne ronátiaʼkes Nisraerʼró꞉nons thóh tsi ionhontsá꞉ien ne Canaan tánon tahonthásawen thóh nionhsahónhne tsi thóh nonhontsá꞉ien, ne꞉ne tsi tiohontsá꞉ien ne Gilead, né꞉ne ronatiaʼthakwehniióston tsi nihorihwí꞉son ne Roiá꞉ner rahonhà꞉ke ne Mahís.

Judges 18:31

Ne Micah rahohiatónhni thóh nónhwe nikaiénthakwe kwáh tsi nikaríhwes thóh nónhwe niwatohsehróthaʼkwe tsi nónhwe ne Rawenni꞉io nihonwasenhnaienthákwahkwe thóh nónwe nikaiéntakwe né꞉ne Shiloh nónhwe.

Judges 21:12

Wahatirihwatʼtsénhri tsi kaiéri tewenhniáwe nikónhti ne kenʼnitsotihiónsas narèko tekonhtinakwahientéris ne Jabesh nónhwe, káti takonhwatihiathénhawe tsi watohsehró꞉tons ne Shiloh nónwe, né꞉ne Canaan ahothonhontsáke.

Judges 21:19

Ethòne sahonnehiáraʼne, “Ne iatehioseráke tsi naʼthehonwanonhwerátons ne Roiá꞉ner ne Shiloh nónhwe iosthó꞉ratse tsi ienhkáheʼwe.” (Ne Shiloh né nothoréke nòkwahti ne Bethel, entiéne nòkwahti ne Lebonah, tánon ne Shechem.)

1 Samuel 1:24

Nó꞉nen sahostarontáko, aón꞉ha iahoiaténhaʼwe, skát꞉ke ne áhsen naʼtehaosheriʼiákon tsonónskwaron rátsinn, tánon skaʼiára othésera, tánon otsítsa skatshéta. Thóh niaʼohiaténhaʼwe raoʼnonsatokentíke ne Roiá꞉ner ne ne Shiloh nón꞉we; tánon ne raksá꞉a kénk shiʼthóion.

1 Samuel 1:3

Nón꞉wa kí꞉ken rón꞉kwe tshiaʼteiohserá꞉ke raoná꞉takon enthaténti ne nahosennaʼiénhna tánon katshénen enhoteskóntaʼse ne Sakoiá꞉ner ratironhiakeró꞉nons thóh nón꞉we Shiloh, tsi thóh nón꞉we ne teniiáhse Eli sakohioʼokónahs, ne ne Hophni tánon Phinehas, ne ne Roiá꞉ner raoʼtsihénstaʼtsis.