Joshua 17:6 - Ohiatonhseratokénti

⁶ tiorì꞉wa ne tionaʼthonwí꞉sen tsi nitionatwatsirí꞉nons ne ó꞉ni shá꞉ka ne rotiskenrakéhte tsi nitonatwatsirí꞉nons tonhwanawí꞉hon nonhóntsas. Ne tsi iohontsá꞉ien ne Gilead nón꞉we ne thonwaná꞉wi ne tsi nitotwatsirí꞉non ne Manasseh.

Joshua 17:6 ပူးပေါင်းရင်းမြစ်များ

Joshua 13:29

Ne Mahís ostónhas teshakowí꞉hon nohóntsas ne rahotiwá꞉tsires ne shatehothitiohkwí꞉ien ne Manasseh nahonawenhkón꞉weke.

Joshua 13:30

Ne rahotinakeráhseras iéhio ne Mahanaim tánon thóh í꞉kare akwé꞉kon ne Bashan—kanakerahserakwé꞉kon ne Og, né꞉ne ronhnonhtí꞉io ne Bashan, tánon ó꞉ni akwé꞉kon ne iá꞉iak-niwáhsen nikaná꞉takes ne Jair né꞉ne Bashan nón꞉we.

Joshua 13:31

Thóh í꞉kare nasénhnon ne Gilead, ó꞉ni ne Ashtaroth ó꞉ni ne Edrei, né꞉ne kanathakweʼní꞉io ne kanatowá꞉nens ne Og kanakerahserá꞉kons ne Bashan nón꞉we. Akwé꞉kon kí꞉ken ne thonwanawí꞉hons ne asénhnon rahotiwá꞉tsires tsi nithonatwatsirí꞉non ne Machir ne roiénha ne Manasseh.

Joshua 17:5

Ne ki aorì꞉wa ne Manasseh oieri nihiorihwà꞉ke sénha wé꞉so wahaié꞉na tsi ní꞉ioht ne Gilead ó꞉ni ne Bashan né꞉ne tsitkarahkwí꞉nekens nokwá꞉ti ne Jordan,

Joshua 17:7

Ne raotinakeráhseras ne Manasseh ié꞉was ne Asher tsi nió꞉re ne Micmethath, né꞉ne tsitkarahkwí꞉nekens nokwá꞉ti ne Shechem. Ne tsi karisthatátie thóh nietsawé꞉non nentiè꞉ne nokwá꞉ti né꞉ne iahiakokwékte nonhkweshón꞉as ne Entappuah.