Joshua 17:16 - Ohiatonhseratokénti

¹⁶ Wathatirihwaʼsehrá꞉ko, “Ne tsi ionhniarónhnions ne kaheʼthá꞉kes iáh tsiaʼtekaié꞉ri tsi nahónske nonhkwarihwà꞉ke, Ók ki ne Canaanites ne tsi ionhtonhontsakwaríhshions ó꞉ni nahonrahkwakónsons nón꞉we nihatiʼterónhtons. Tánon kwáh ratikwé꞉kon rotisehrethaiéntons ne konhterí꞉ios otsónhkwas karísthatis ionhniáton. Tsi nihá꞉ti ne tsi kanatowá꞉nens ratiʼterón꞉tons ne Beth Shan tánon ne aktatieʼshón꞉as kanataién꞉tons, tánon tsi niháti ne ahonráhkwakon ne Jezreel ratiʼterón꞉tons kwáh ratikwé꞉kon rotiserehthaién꞉tons ne konhterí꞉ios otsónhkwas.”

Joshua 17:16 ပူးပေါင်းရင်းမြစ်များ

1 Kings 18:45

Kénk nikaríhwes sók né tsi karonhiáte né wakaró꞉roksthe ne tehiotsiathakéras, thontásawen takaweratháse, tánon ioshástste tsi ní꞉ioht tsi wahokénhnore. Né Ahab rahoseréthakon notsónkwah sahathítha tánon tahatháshawen Jezreel nionhsáre.

1 Kings 18:46

Né rahoshaststénsera ne Roiá꞉ner wahó꞉rahne ne Elijah; né rahotserónhniat wahanírathe ne tsi wathakwahtásehthe ne rashionhón꞉take tánon ohénton niaháthake tsi rohonwísere ne Ahab kwáh tsi nióre ne Jezreel.

1 Kings 21:1

Ákta ne Ronnontí꞉io Ahab tsi roʼnónhsohte né Jezreel nónhwe thóh kahethaiéntaʼkwe nonénhare né꞉ne rónhkwe Nabothʼs ronwáiastsʼkwe rahohethakénʼen.

1 Kings 21:23

Tánon tsi nòkwah ne Jezebel, ne Roiá꞉ner ráton nerharokónhas kwáh enhónhneke nahoierónhta ne tsi kanatowanénhke ne Jezreel nónhwe.

1 Kings 4:12

Baana né꞉ne roʼníha ne Ahilud: né꞉ne tsi kanatowanénke ne Taanach, Megiddo, tánon kanakerasehraʼkwékon ne ákta Beth Shan, ákta ne tsi kanátaien ne Zarethan, né nenhtiéne nòkwahti ne tsi kanátaien ne Jezreel, kwáh tsi nióre ne kanatowanénhke ne Abel Meholah tánon ne kanatowanénhke ne Jokmeam

2 Kings 9:10

Né Jezebel iáh kíʼ nènhne takonwaiatátha; nahoierónhta érhar nén꞉ne enhónnheke né꞉ne tsi kanakeraseráien ne Jezreel nón꞉we.’” Nó꞉nen ne kíʼ sahénron, ne kentithoʼiónha rotó꞉kense sahaiákenʼne tánon sahatèko.

2 Kings 9:37

Né iatehiothaténron nahoierónhta tsi ní꞉ioht nó꞉ta tsi tenwareniátonhke, né ká꞉ti ne tóh꞉sa ónka aiekwéni nakonwaiénterene.’”

Jeremiah 49:2

Ók táwe ne kawistáheks nónenh kwáh enkhehiónʼnenh nonhkweshón꞉a ne tsi kanatakweʼní꞉io ne Rabbah nahonatʼthóntheʼne tsi nihioronhkwéntstahre tsi wahterí꞉io, tánon kwáh káiaʼse enwáhton tánon nahonahtaʼshónʼas okenráhke enhionhníhake tsi enwatʼtsahátonke. Ethòne ne Israerʼró꞉nons enshatiʼiéna ne raononhontsaʼshón꞉a enshonwahtíkwah tsi nikáien ne ronhwahthiʼnénhskwenʼne.

Joshua 15:56

Jezreel, Jokdeam, Zanoah,

Joshua 17:11

Ne nón꞉we ne tsi kanakerahserá꞉ien ne Issachar ó꞉ni ne Asher, Manasseh ronatienawátston ne Beth Shan ó꞉ni ne Ibleam, skátke ne aktónhties kanathaiéntons, tánon ó꞉ni ne Dor (né nénhne ne tsitkawenò꞉te nón꞉we ítken), né Endor, Taanach, Megiddo, tánon nakthatieʼshón꞉as kanataiéntons.

Joshua 17:15

Ne Joshua watarihwaʼserá꞉ko, “Tó꞉ka thóh nió꞉re tsi sewenhtiohkowá꞉nen tánon ne tsi ionhniarónhnions kahetà꞉kes ne Ephraimke soh tsi niahà꞉ne sewarihwà꞉ke, ki karákon niahásewe tá꞉non sehwathathonhontsaserónhnien ne tsi ionhontsá꞉ien ne Perizró꞉nons ó꞉ni ne Ephraimke.”

Joshua 17:17

Ne Joshua washakawénhase ne kentióhkwas ne Ephraimke ó꞉ni ne tsi iʼtewatséntos nokwá꞉ti ne Manasseh, “Kwáh kí꞉ken tsi sewentiohkowá꞉nen, tánon kwáh tokén꞉en tsi sewaʼshátste. Ó꞉nenk ki tsi sénha wé꞉so ensewaié꞉na tsi ní꞉ioht ne énska khók tsi nahónske.

Joshua 17:18

Ne tsi iononhtaʼrónhnions kananeráhseras í꞉se ensewahiataʼkwení꞉ioke. Iawerohátien tsi kará꞉kon í꞉ken, ensewathonhontsaserón꞉ni tánon ensewatiaʼthakwehní꞉ioste énska tsi nón꞉we entewatáshawen tsi nió꞉re iaʼtenhiókten nó꞉ia. Ók ne Canaanró꞉nons, í꞉se ki nénhʼne enietsihiaʼtí꞉nekenhwe, iawerohátien tsi rotisehretaiéntons ne karístatsis ioniátons ne otsónhkwas tánon kwáh í꞉ken tsi ratiʼshátstes.”

Joshua 19:18

Ne rahononhóntsas thóh í꞉kare ne Jezreel, Chesulloth, Shunem,

Judges 4:13

hiasakónonhke ne tióton tewenhniáwe nikasehréthakes né karísthatsis rahosehresónhas notsónkwas tánon ratikwékon ne rahonkwetaʼshón꞉as, tánon Harosheth-Né꞉ne-Iáh-Tehatiʼshíʼtaeró꞉nons nónhwe tahonténhnti tánon Kishon tsi kaniatáratatse niahónhʼne.

Judges 4:3

Né Jabin tióhton tewenhniáwe nikasehré꞉thakes roserethaiénthakwe otsón꞉kwa né꞉ne karísthatsi kasehrethonhniáton, tánon kwáh íken tsi kaniakatstensehrákon tánon wateshakothonhnakárhiaʼthe tsi washakotkórasthe Israerʼró꞉nons né꞉ne tewáhsen niʼiosehráke nikarihwésonsʼne. Ethòne nonhkweshón꞉as Nisraerró꞉nonke rahonháke ne Roiá꞉ner iathonsénhtho.

Judges 6:33

Ethòne rathikwékon ne Midianró꞉nons, ne Amalekró꞉nons, tánon ne iahonwenhtsiatʼténhken ratitsókwahiens wahontsataróhroʼke, wathatihiáiake ne Jordan Kaniatarathátse, tánon Jezreel ahonráhkwahkon nónhwe iahonhthatosehrohthónhnion.

1 Samuel 29:1

Ó꞉nen ne Philistines washakotiʼiataró꞉roke ratikwé꞉kon ne raotitsió꞉kwas ne ronterí꞉ios thóh nón꞉we Aphek, tsi ne ná꞉he NʼIsraerʼró꞉nons thóh ronathatoseróhtonkwe ákta tsi ionáhwerote ne Jezreel.