Joshua 17:13 - Ohiatonhseratokénti

¹³ Ethosà꞉ne nó꞉nen ne Israerʼró꞉nons sahatishátstenhne iáh ki teshakotihiaʼtinekén꞉en ratikwé꞉kon ne Canaanites, ók ki wahonwenhnónhnien ne ronónha ahonwatihiò꞉tenhse.

Joshua 17:13 ပူးပေါင်းရင်းမြစ်များ

Genesis 49:15

wahatkáhtho ne iontorishentáhkhwa tsi nikanaktí꞉io, tánon nétho nonhóntsa iawerienʼtí꞉ioht; Sók kiʼ wathatshá꞉kete nahatriʼnakéhtate, tánon thontahonwanónhtonʼse nahoióʼten tsi ni꞉íoht ne ranáhskwa.

2 Samuel 3:1

Wateriʼioserehsonhne tsi natehón꞉terekwe raotiwátsires ne Saul tánon ne Táwit; Ne Táwit kwáh í꞉ken tsi tahashaststénhsere, ók ne raotiwátsire ne Saul tahonaseronnenhtonhátie nenhʼnéʼeh tsi nihatisháststekwe.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Joshua 16:10

Ók iáh ki tehonwananakerakwáhton ne Canaanites rononha thóh nonhwe nihatinakere ne Gezer. Kati ne Canaanites ne skátke ratinákeres ne Ephraimró꞉nons shé꞉kon nón꞉wa wenhniserá꞉te, ók ki thonwananonhthón꞉ni nahothihiò꞉ten tsi ní꞉ioht ne ratináskwa.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

Judges 1:28

Nó꞉nen NʼIsraerʼrónons shahatishástsʼtenhne, wahonwenhnónh꞉nien ne Canaanró꞉nons né ronónha ahonwatiʼiótenhse, ók shé꞉kon kíʼ iáh tehonwatihiatinekénʼen.

Judges 1:30

Ne rahothitsiókwas ne Zebulun iáh tehonwatihiatinekénʼen nonhkweshón꞉as ne tsi kanatowanénhʼke ratinákerekwe né꞉ne Kitron tánon ne Nahalal, tánon káti ne Canaanró꞉nons iahatikónhthakwe tsi ská꞉ke ratinákerekwe tánon kíʼ wahonwenhnón꞉nien ne ronónha ahonwatiʼiótenhse.

Judges 1:33

Ne rahothitsiókwa ne Naphtali iáh tehonwatihiatinekénʼen nonhkweshón꞉as ne ratinákerekwe ne tsi kanatowánens ne Beth Shemesh ó꞉ni ne Bethanath. Né Naphtaliró꞉nons skát꞉ke ratinákerekwe ne Canaanró꞉nons né nónhwe nihatinákerekwe, ók wahonwenhnónhnien ne ronónha ahonwatiʼiótenhse.

Judges 1:35

Ne Amorʼró꞉nons iahatikónhthakwe tsi thóh ratinákerekwe ne Aijalon, Shaalbim, tánon ne tsi ionónhte ne Heres, ók ne tsi ratitsiókwahien ne Ephraim ó꞉ni ne Manasseh ronónha wahonwanatiénawasthe tánon wahonwenhnónhnien ne ronónha ahonwatihiótenhse.