Joshua 17:11 - Ohiatonhseratokénti

¹¹ Ne nón꞉we ne tsi kanakerahserá꞉ien ne Issachar ó꞉ni ne Asher, Manasseh ronatienawátston ne Beth Shan ó꞉ni ne Ibleam, skátke ne aktónhties kanathaiéntons, tánon ó꞉ni ne Dor (né nénhne ne tsitkawenò꞉te nón꞉we ítken), né Endor, Taanach, Megiddo, tánon nakthatieʼshón꞉as kanataiéntons.

Joshua 17:11 ပူးပေါင်းရင်းမြစ်များ

2 Samuel 21:12

Ne Táwit iaʼhá꞉re tánon iahá꞉ko ne raostsienʼshó꞉ahs ne Saul ó꞉ni ne raonekenteronhtserashón꞉ahs ne Jonathan ne ne ronhnón꞉kwe thóh nithonénon tsi watonhontsáien ne Jabesh-gilead, ne ronhnón꞉ha thóh nón꞉we thonwatiʼiatanénhskwen tsi tsiontʼkerontákwa ne Beth-shan, thóh nón꞉we ne Philistiaró꞉nons nahatiʼnihiontón꞉nion raotiʼierón꞉tas, ne thóh shiwenhniserá꞉tekwe ne Philistiaró꞉nons sahonwanonwarhiákhon Saul thóh nón꞉we Gilboa.

1 Kings 9:15

Tánon né kí꞉ken tsi niaʼtehionénon titesakonontónhni tsi rotihiothénhen nahatinonsónhni Nononsatokentiʼkówa ó꞉ni ne tsi ratsienhthákwah tánon tsi ronhtienhthákwah ne ratisó꞉tar tánon ne tekanathanákʼtons watenhénraiens ne Jerusalem tánon ne Hazor, Megiddo, ó꞉ni ne Gezer. (

2 Kings 9:27

Né Ronnontí꞉io Ahaziah wahatkáto tsi nahá꞉wenhne, sók kíʼ rahoseréthakon otsónkwah wahatítha tánon tsit kanatowánen ne Beth Haggan niaháre, Jehu roserèhne. “Wahononwariákon nón꞉neʼe!” Jehu wasakónaʼne ne rahonkwetashón꞉a, tánon wahonwakaréwaʼte; tsi niahonhonwísere ne rahó꞉sere otsónkwah tsi niehiothahí꞉non ne Gur, né nákta tsi kanátaien ne Ibleam. Ók wahakwé꞉niʼkiʼ iahakónthaʼkwe thóh niahá꞉re tsit kanátaien ne Megiddo, thóh nón꞉we iarénheʼie.

1 Chronicles 6:70

Né tsi kanakeraseráien ne Manasseh né thonwanawíhons tsi kanátaiens ne Aner ó꞉ni ne Bileam skát꞉ke naktatsesónhas tsi konwatiʼteronhtákwa ionhontsaiéntons.

1 Chronicles 7:29

Né tsi rathiwatsiratátse ne Manasseh né꞉ne thotiniarotáron ne tsi kanatowánens ne Beth Shan, Taanach, Megiddo, tánon ne Dor, tánon ne akta tsesonhas kanataiéntons. Akwé꞉kon né ki kens tsi nón꞉wesons ne tsi nithonatwatsiríhnons ne Só꞉se roiénha Jacob nihatinákereʼkwe.

2 Chronicles 35:22

Ók kí ne Josiah thoʼnikonhrakonhthá꞉kwen nahaterí꞉io. Iáh tehothontáton nahotahonsathátonhke tsi nahó꞉ten ne Rawenni꞉io ráton rahonháke ne Ronnontí꞉io Neco, sók kí waʼthaʼtakweniaierón꞉nion tánon waʼhateriʼiósehra né tsi ionhontsáien ne Megiddo.

Psalms 83:10

né꞉ne En-dor nón꞉we nihonwaʼnathón꞉ton, tánon ne raotiʼierontashónhas thóh ohontsáke waʼhót꞉ken tsi nón꞉we nihotiʼiatsenénhon.

Jeremiah 49:2

Ók táwe ne kawistáheks nónenh kwáh enkhehiónʼnenh nonhkweshón꞉a ne tsi kanatakweʼní꞉io ne Rabbah nahonatʼthóntheʼne tsi nihioronhkwéntstahre tsi wahterí꞉io, tánon kwáh káiaʼse enwáhton tánon nahonahtaʼshónʼas okenráhke enhionhníhake tsi enwatʼtsahátonke. Ethòne ne Israerʼró꞉nons enshatiʼiéna ne raononhontsaʼshón꞉a enshonwahtíkwah tsi nikáien ne ronhwahthiʼnénhskwenʼne.

Zechariah 12:11

Ne nenhkahá꞉wike tsi nihiakotsionhniónkwen ne Jerusalem nón꞉we thóh nahtenhiotenonhianí꞉thonke tsi nihiakotsiónhnionkwe ne Hadad Rimmon thóh nón꞉we ne Megiddo kahentahkeʼkó꞉wa.

Joshua 11:2

tánon ne ronhtinonhtí꞉ios ne tsi iononhtharón꞉nions kanakerahseraké꞉rons ne othorè꞉ke nokwahtíson, nahonráhkwakons ne Jordan nentiè꞉ne nokwá꞉ti ne tsi kaniátaro ne Galilee, ne tsi iohnonhthaientàhons, ó꞉ni ne atsakthónties ákta ne Dor.

Joshua 12:21

Taanach, Megiddo,

Joshua 12:23

Dor (natsat꞉thontse), Goiim (né꞉ne Galilee nónhwe),

Joshua 16:9

skátke ne kanataiéntons ó꞉ni ne ionathakwénhrarons né꞉ne thóh konhtihià꞉ti ne tsi karisthatátie ne Manasseh, ók ki Ephraimró꞉nons thonwaná꞉wi.

Joshua 17:10

Ne Ephraim entiè꞉ne ne nokwá꞉ti í꞉ken, tánon ne Manasseh othorè꞉ke ne nokwá꞉ti í꞉ken, ók ne Mediterranean Kaniatarakeʼkó꞉wa ne nénhne ne iaʼtewatséntos karisthatátie. Ne Asher ne nénhne ne othorè꞉ke nokwá꞉ti ne tsi iaʼtewatsénhtos, tánon ne Issachar ne nénhne ne tsitkarahkwí꞉nekens othorè꞉ke nokwá꞉ti í꞉ken.

Joshua 17:16

Wathatirihwaʼsehrá꞉ko, “Ne tsi ionhniarónhnions ne kaheʼthá꞉kes iáh tsiaʼtekaié꞉ri tsi nahónske nonhkwarihwà꞉ke, Ók ki ne Canaanites ne tsi ionhtonhontsakwaríhshions ó꞉ni nahonrahkwakónsons nón꞉we nihatiʼterónhtons. Tánon kwáh ratikwé꞉kon rotisehrethaiéntons ne konhterí꞉ios otsónhkwas karísthatis ionhniáton. Tsi nihá꞉ti ne tsi kanatowá꞉nens ratiʼterón꞉tons ne Beth Shan tánon ne aktatieʼshón꞉as kanataién꞉tons, tánon tsi niháti ne ahonráhkwakon ne Jezreel ratiʼterón꞉tons kwáh ratikwé꞉kon rotiserehthaién꞉tons ne konhterí꞉ios otsónhkwas.”

Judges 1:27

Né rahotitsiókwas ne Manasseh iáh kíʼ tehonwatihiatinekénʼen nonhkweshón꞉as ne tsi kanatowanénhke ratinákerekwe né꞉ne Beth Shan, Taanach, Dor, Ibleam, Megiddo, tánon ne aktónhtses kanataiéntonskwe; ne Canaanró꞉nons iahatikónhthakwe tsi thóh nónhwe nihatinákere.

Judges 5:19

Né Taanach nónhwe, tsi kahionhatátse ne Megiddo, ne ronhtinonhtí꞉ios tahónhne tánon wahonterí꞉io; ne ronhtinonhtí꞉ios ne Canaanró꞉nons wahonterí꞉io, ók iáh kíʼ thahóten tsehotíha ne kawistarákens.

1 Samuel 28:7

Ehʼthóhʼne ne Saul wasakawénhaʼse ne raonhatserashón꞉ʼahs, “Sewahiatísak ne ní꞉i akeriwáke ionkwéne ne ahón꞉ha tahatitháren ne ronenhé꞉ion, ne káti nahón꞉ton ahonháke niáke tánon akerihwanóntonhse.” Ne raonhatsheraókons wahonwénhase, “Thóh tkénteron ne tehathithára ne ronenhé꞉ions ne Endor nón꞉we.”

1 Samuel 31:10

Thóh iahatí꞉ien ne rateriʼiostáhkwa thóh tsi raoʼnonsatokentiʼkowánen ne Astarte; tánon thóh wahatiwanérenhke ne raoierónhta tsi tewashóntote ne Beth-shan.

1 Samuel 31:12

ratikwé꞉kon ne rotinikonraʼtsá꞉nis ronón꞉kwe iahón꞉ne, wathonthá꞉hakwe asontahkwékon, tánon iahatíko ne Saul raoierónhta ó꞉ni ne raotiʼierontaʼsónhas ne raoʼnekenteronhtserashón꞉ahs ne tsi tewasóntote ne Beth-shan. Iahón꞉newe ne Jabesh tánon wahonwatiʼiatáta neh thóh nón꞉we.