Joshua 17:1 - Ohiatonhseratokénti

¹ Ostónha nohóntsa ne tsi iaʼtewatséntos nokwá꞉ti ne Jordan ne thonwaná꞉wi ne tó꞉kara nihatiwatsirá꞉kes ne tsi nitotwatsirí꞉nonh ne Só꞉se roiénha thakowá꞉nen Manasseh. Machir, ne roiénha ne Gilead, ne totsténhakwe ne Manasseh roiénha tánon né꞉ne é꞉tsinn í꞉ken ne tsi waterí꞉io, káti ne Gilead ó꞉ni ne Bashan, ne tsitkarahkwí꞉nekens nokwá꞉ti ne Jordan, raónha thonwá꞉wi.

Joshua 17:1 ပူးပေါင်းရင်းမြစ်များ

Genesis 41:51

Ne Só꞉se ne thakowá꞉ren roièn꞉a Manasseh wahoná꞉tonhkwe, “Aseʼkénh,” wahén꞉ron, “Rawenni꞉io wahakónnien naonʼkenikónhren akwé꞉kon nakeronhiakénhtshera ó꞉ni akwé꞉kon ne tsi ronónhsote ne rakeʼníha.”

Genesis 41:52

Ne tekeníhaton Ephraim ne wahoná꞉tonhkwe, “Aseʼkénh Rawenni꞉io wahakónnien naonkewiraién꞉taʼne kén꞉ʼen ne tsi ionhontsá꞉ien nón꞉we niwakeronhiá꞉ken.”

Genesis 46:20

Ne Só꞉se Egypt tsi watonhontsá꞉ien nón꞉we, nihonanakerá꞉ton ne Manasseh tánon ne Ephraim, ne ne Asenath konʼwanisténha né sakoién꞉ʼa ne Potiphera, ne ratsihenhstatsiʼ kén꞉ʼen ne On, nón꞉we.

Genesis 48:17

Nó꞉nen ne Só꞉se sahatkáhtho nétho roʼníha ne shaweientehtáhkwen waʼthohtsaʼnà꞉ren ranontsì꞉ne ne Ephraim, wá꞉rehre nenʼ ne ʼeh iáh kiʼ tetkarihwaié꞉ri; sók kiʼ iahhohtsà꞉na ne roʼníha, ne ne taonsahohtsaʼnahrá꞉ko ne Ephraim ranontsì꞉ne tánon Manasseh ranontsì꞉ne taonsahohtsaʼnà꞉ren.

Genesis 48:18

Ne Só꞉se wahawènhahse ne roʼníha, “Iáh tho té꞉ioht, rákeni! Aseʼkénh ne kí꞉ken thotierénhton rawennakerá꞉ton, tetshanihsnonhsá꞉ren ne sehseweientehtáhkwen.”

Genesis 50:23

Ne Só꞉se wahshakó꞉ken ne Ephraim shakoioʼókón꞉ʼahs ne ne ahsénhaton naʼtewatereʼserá꞉sere; ne shakoioʼokón꞉ʼahs ne Machir ne ne roién꞉ʼa ne Manasseh ronnónha ó꞉ni Só꞉se rakwitshà꞉ke ronennakerá꞉ton.

2 Samuel 2:9

Raónha waonontí꞉ioste ne Gilead, Asher, Jezreel, Ephraim, Benjamin, tánon kanakeraseraʼkwékon Israel.

1 Chronicles 2:23

Ók tsi kanakerasehráiens ne Geshur tánon ne Aram washakotisénhni né nón꞉we né꞉ne iá-iak niwásenh nikanátakes, thóh í꞉kare ne raonathasónhas ne Jair ó꞉ni ne Kenath, tánon aktaʼtiesónhas kanataiéntonhskwe. Ónhkwe takwé꞉kons né nón꞉we niʼienákere né꞉ne Machir nón꞉we nitsakotwatsiríhnon, rahón꞉ha rohienkénʼen ne Gilead.

Ezekiel 47:13

Ne Ronhnontí꞉io Roiá꞉ner wahénron, “Né kí꞉ken tsi karisthatátie nonhóntsa né꞉ne tenkahiákhonke ne tékeni iawénhre nihotitárahke raotiriwáhke, né raothá꞉ra ne Só꞉se tékeni tehiokwénhrahre enhatihiéna.

Numbers 26:29

Tsi ratitiókwahien ne Manasseh. Machir né roiénha ne Manasseh né nènhne roienkénʼen ne Gilead, tánon ne kén iotsiétons kentáras né thontahioianénhawe ne shaʼkosotʼthonkonhkénʼen ne Gilead:

Numbers 27:1

Né꞉ne Mahlah, Noah, Hoglah, Milcah, tánon ne Tirzah né sakohiohokónhasʼkwe ne Zelophehad né roʼní꞉ha kenʼne ne Hepher, né roienkénʼen ne Gilead, ne roienkénʼen ne Machir, ne roienkénʼen ne Manasseh, ne roienkénʼen ne Só꞉se.

Numbers 32:33

Káti ne Mahís thaʼshakáwenh ne raotiʼtiókwa ne Gad tánon ne Reuben tánon asénhnon ne raotiʼtiókwa ne Manasseh kanakerasehrakwékon ne Ronhnonhtí꞉io Sihon rahonakerásehra né꞉ne Amorʼró꞉nons tánon ne Ronhnonhtí꞉io Og né꞉ne Bashan nónhwe, ehʼhí꞉kare ne kanataiéntons ó꞉ni naktóntsies kanakerasehráiens.

Deuteronomy 21:17

Ó꞉nenk tsi tenhaià꞉seren tsi nentháwen ne rahoientà꞉tshera ne thotierénton rawenhnakerá꞉ton roiénha, iawerohátien tsi iáh ne tehonwaiénha ne shakonónhwes ró꞉ne. Ne rónhkwe ó꞉nenk tsi enhorihwaní꞉ratse ne thakowá꞉nen roiénha tánon tháwen tsi nihioterihwí꞉son nahaié꞉na.

Joshua 17:2

Ne ionhontsá꞉ien ne tsi iaʼtewatséntos nokwá꞉ti ne Jordan né꞉ne thonwaná꞉wi ne ronátiaʼkes rahowá꞉tsires ne Manasseh: né꞉ne Abiezer, Helek, Asriel, Shechem, Hepher, tánon ne Shemida. Ne kí꞉ken ne rotiskenrakéhtes tsi rawatsirathátie ne Manasseh né꞉ne Só꞉se roiénha, ronónha ohén꞉ton rónhnete tsi rathiwatsí꞉raiens.

Judges 5:14

Ephraim nónhwe nonhtahónʼne né iohontsáien né꞉ne Amalekró꞉nons rahononhontsakénʼen né nonàken ne rahotitsiókwah ne Benjamin tánon nahonkwetaʼshón꞉as. Né ratisenhnowánens Machir nonhtahónʼne. Ók ne ratirihwakweʼní꞉ios Zebulun né nónhwe nonhtahónʼne.