Joshua 16:5 - Ohiatonhseratokénti

⁵ Ne kí꞉ken ne rahotinakeráhsera ne Ephraimró꞉nons kahwá꞉tsires: ne tsi ronateristhatátie thóh natetsawé꞉non ne Ataroth Addar tsitkarahkwí꞉nekens nokwahtí꞉sons nenhtieʼné꞉sons ne Beth Horon,

Joshua 16:5 ပူးပေါင်းရင်းမြစ်များ

2 Samuel 2:9

Raónha waonontí꞉ioste ne Gilead, Asher, Jezreel, Ephraim, Benjamin, tánon kanakeraseraʼkwékon Israel.

1 Chronicles 7:24

Né Ephraim wahoiatasetseraiéntaʼne Sheerah iontátiasts. Ahónha onhtenatonhniánion né tsi nonwésons tiontonhontsatónhnions ó꞉ni ne tsi ionontaientáhons ne Beth Horon, tánon ne Uzzen Sheerah.

1 Chronicles 7:28

Né kanakerásera né wahontsénawasʼte tánon thóh nón꞉we nahontatíteron thóh í꞉kare ne Bethel tánon nak tatsesonhas kanataiéntons, kwáh tsi niió꞉re ne tsi-karakwínekens nòkwahti ne Naaran tánon tsi niió꞉re ne tsi-iatewatʼtsénthos nòkwahti ne Gezer ó꞉ni ne kanataiéntons aktatsesónhas. Thóh ó꞉ni í꞉kare ne kanatowánens Shechem ó꞉ni ne Ayyah, tánon ne akta tsesónhas kanataiéntons.

Joshua 10:10

Ne Roiá꞉ner wasakahónhnien ne Amorʼró꞉nons nahonateronhniénten tsi nashakotí꞉ken ne Israerʼró꞉nons ronhterí꞉ios. Ne Israerʼró꞉nons wahonwanawenhthóseron ne Gibeon nón꞉we tánon sahonwananonhtatsnenhthákwen ne tsi iehiotohétston ne Beth Horon, iehonwanatiaʼtónhties tsi nió꞉re ne entiè꞉ne nokwá꞉ti ne Azekah ó꞉ni ne Makkedah.

Joshua 16:2

Bethel nitsawé꞉non eʼnietsawé꞉non né꞉ne Luz, iehiotohétston ne Ataroth Addar, thóh nón꞉we ne Archró꞉nons nihatiʼterónhthakwe.

Joshua 18:13

Ne tsi karisthatátie ethò꞉ne thóh nietsawé꞉non tsi ionhnontakárenhne ne entiè꞉ne nokwá꞉ti ne Luz (ne ó꞉ni konhwanaʼthónkwa ne Bethel), ethò꞉ne ietionhnonhtatsnénhton ne Ataroth Addar nón꞉we, ne tsi iononhtáhere nenhtiè꞉ne nokwá꞉ti ne Beth Horon nón꞉we.