Joshua 15:8 - Ohiatonhseratokénti

⁸ tánon thóh nietsawé꞉non iehiotohétston ne Hinnom Ahonráhkwakon né꞉ne entiè꞉ne nokwá꞉ti ne tsi hionhniarónhnion tsi nón꞉we ne Jebusite rahotinatowá꞉nenhke ne Jerusalem nikaná꞉taien. Ne tsi karistatá꞉tie iehiothasónhtere nononhtoharà꞉ke nietsawé꞉non né꞉ne tsi iaʼtewatséntos nokwá꞉ti ne Hinnom Ahonráhkwakon, né꞉ne tsi iehiotókthe ne othorè꞉ke nokwá꞉ti ne Rephaim Ahonráhkwakon.

Joshua 15:8 ပူးပေါင်းရင်းမြစ်များ

2 Samuel 5:18

Nón꞉wa ne Philistines thóh nènon tánon wathonréhni thóh ahonrakwákon ne Rephaim.

2 Samuel 5:22

Shé꞉kon ionsónteratste ne Philistines tontahónhne, tánon thóh nón꞉we natehonahréhnion aonrakwáhkon ne Rephaim.

2 Kings 23:10

Né Ronnontí꞉io Josiah kwáh ó꞉ni wathéntionste ne Topheth, né꞉ne tsi ratisén꞉naienskwe ne kaiatónhni né Hinnom ahonrákwahkon nón꞉we, né ká꞉ti ne tó꞉sa ahónton ne roiénha khés ne sakoiénha ahonwanateskóntʼthaʼse ne raní꞉io Molech.

1 Chronicles 11:4

Né Ronnontí꞉io Táwit ó꞉ni ratikwé꞉kon nʼIsraerʼró꞉nons iahón꞉ne tánon iakonwaʼtiatónhti ne kanatowaʼnénhke Jerusalem. Eh shiʼkaháwiskwe Jebus né konwaʼiatsʼkwe, tánon ne Jebusites, né shiʼhatinakerehónʼwe ne thóh nón꞉we niʼionhontsáien, shé꞉kon kíʼ thóh nón꞉we nihatiná꞉kereʼkwe.

2 Chronicles 28:3

wahatsahathánion ne kanetanórons ne Hinnom ahonráhkwahkon, tánon iekaníhare ó꞉ni sakohiohokónhas washakoteskónhten né kahiatonhnisónhas aotirihwáke, thontahotenientenstonhátie né ioterihwatéhas tsi nihatiʼiérahkwe nonhkweʼshón꞉as tsi nikáien ne Roiá꞉ner shakohiatinekénʼen tsi ionhwenhtsáte tsi niahónhne Nisraeʼró꞉nons.

Nehemiah 11:30

Ne Zanoah, Adullam tánon nahonathaʼsónhas, Lachish tánon nahohetaʼshón꞉as, Azekah tánon ne atstésons ne tsi kanakerahserá꞉ien. Tánon wahontatoserotónhnion thóh thontáhsawen Beersheba tsi niió꞉re ne Ahonráhkwakon ne Hinnom.

Isaiah 17:5

Tánon kwáh thóh nenhiotónhake tsi ní꞉ioht nó꞉nenh ne ratiʼnatsíʼiasts tsi niʼhatitonhwaróroks ne rotiʼthokótons nonátsias tánon ratinentʼtsàkes rónstha tsi ratiientʼtkwakwas, tánon nó꞉nenh ratinerók꞉tsions nónenhste nahonrákwahkon ne Rephaimke.

Jeremiah 19:14

Ethóhʼne éhren thonthákeʼte ne Topheth nónwe, tsi thóh nónhwe ne Roiá꞉ner iehakatheniéthonʼne niaʼkaterihwahnhóten ne raoʼterihwanhotátshera. Iewahkénon tánon ahotenhénrahkon ne tsi ionterennahientákwah íkthaʼkwe tánon okwetahkwékon wahkheró꞉ri

Jeremiah 19:2

tánon thóhʼnónhwe iaʼtekathóh꞉hets tsi tiotenhenrahkáronʼte ne Potsherd né꞉ne Hinnom oronwáhkon. Éhthoh nónhwe iaʼkhateriwahnóten naʼteriwahnhotátshera nentʼthá꞉kon.

Jeremiah 19:6

Ók kíʼ, ienkáheʼwe nónenh kíʼ kénʼen watenáhthaien iáh né tahonsahkonwaʼnatónkwahke ne Topheth tó꞉ka ó꞉ni ne Hinnom ahonráhkwahkon, Khèkok, né enskonhwahiátʼtseke ne iontatenonwarhiakónhtha ahonráhkwahkon.

Joshua 15:63

Ók kí꞉ken nonhkweshón꞉as ne Judah nón꞉we iáh tehothikwé꞉nion nashakotihiaʼtinekén꞉en ne Jebusites, ne Jerusalem nón꞉we nihatiʼterónhthakwe. Ne Jebusites shé꞉kon thóh ratì꞉teron skátke nonhkweshón꞉as ne Judah nón꞉we.

Joshua 18:16

Ethò꞉ne ietsononhtatsnénhton ne tsi tiononhthaienthà꞉hon ne othorè꞉ke nokwá꞉ti ne Rephaim Ahonráhkwakon, tsi nón꞉we tiothásawe ne Hinnom Ahonráhkwakon. Ethò꞉ne thóh nietsawé꞉non entiè꞉ne nokwá꞉ti ne Hinnom Ahonráhkwakon, ne nenhtiè꞉ne nokwá꞉ti ne tsi Kawenothátie ne Jebusite, iaʼehiahó꞉ien ne Enrogel.

Joshua 18:28

Zela, Haeleph, Jebus (tó꞉ka ó꞉ni né꞉ne Jerusalem í꞉ken), Gibeah, ó꞉ni ne Kiriath Jearim: kaiéri-iawénhre nikaná꞉thakes, konhtikwé꞉kon ne akthatieʼshón꞉as kanataiéntons. Ne kí꞉ken nonhóntsas ne tsi ratiwatsí꞉raiens ne rahothitióhkwakons ne Benjamin rotiienà꞉serons nahonawenhkón꞉weke.

Judges 1:21

Ók nonkweshón꞉ʼas tsi ratitsiókwahiens ne Benjamin iáh nènhne teshakotihiatinekénʼen ne Jebusró꞉nons ne Jerusalem ratinákeres, tánon kíʼ ne Jebusró꞉nons iehotikonhthákwen shé꞉kon kíʼ nónhwa nikaháwis tsi thóh natinákeres skát꞉ke nonhkweshón꞉as ne Benjamin nahatihiathóten.

Judges 1:8

Nonh kweshón꞉ʼas ne Judah iakonhwatsatónhti ne Jerusalem tánon wahontiénawasʼthe. Wahonwatinonhwariakhónhnion nahonkwetaʼshón꞉as tánon wahotenonhkwahtetʼthánion ne kanatowanénhke.

Judges 19:10

Ók nètho rónhkwe iáh shé꞉kon tesáweron ne thóh ahonsahasonhtí꞉iake, sók kíʼ rahónha tánon ne rahós꞉kare tahiatásawenh wahiatʼthahíta, skátke ne rahotinhátsera tánon ne tenihiáse tewahóntes né rothirienákete ne iakosathénsthake. Kwáh éhtho siʼhiokárenhre ne tsi niwenhní꞉seres nónenh shahónhnewe ákta ne Jebus (né꞉ne Jerusalem), káti ne ranhátsera wahawénhase ne rahiatakweʼní꞉io, “Nonhtséren tsi iáh kénʼen thatahitewáthane tánon kénʼen tewasonhtíhiat kíʼ kénʼen Jebusró꞉non kanatowakénhke?”